వినియోగదారులకు షాకిచ్చిన ఆర్‌కామ్,డీటీహెచ్ వ్యాపారం మూసివేత..

నవంబరు 18తో..

నవంబరు 18తో డీటీహెచ్ లైసెన్స్ గడువు ముగుస్తుండటంతో కంపెనీ ఆ రోజున ఈ వ్యాపారనికి స్వస్తీ పలకనుంది.

వినియోగదారులు ఆందోళన చెందాల్సిన అవసరం లేదని..

వ్యాపారాన్ని మూసివేసినంత మాత్రాన తమ వినియోగదారులు ఆందోళన చెందాల్సిన అవసరం లేదని, ఇతర ఆపరేటర్‌తో కలిసి డీటీహెచ్ సేవలు అందిస్తామని కంపెనీ అధికార ప్రతినిధి ఒకరు తెలిపారు.

మూడు సంస్థలతో సంప్రదింపులు..

ఇందుకోసం మూడు సంస్థలతో సంప్రదింపులు జరుపుతున్నట్టు చెప్పారు. అయితే అవి ఎప్పుడు కొలిక్కి వస్తాయనే విషయంపై ఇంకా సందిగ్ధత నెలకొని ఉంది.

అదనపు చార్జీలు వసూలు చేయకుండానే..

వినియోగదారులకు నిరంతర సేవలు అందిస్తామని, ఎటువంటి అదనపు చార్జీలు వసూలు చేయకుండానే కొత్త పథకాలు అందిస్తామని కంపెనీ తెలిపింది.

డీటీహెచ్ రంగంలో..

కాగా ఇప్పుడు డీటీహెచ్ రంగంలో టాటా స్కై,Airtel Digital TV, Sun DTV, Dish TV, Videocon DTH లాంటి సంస్థలు టాప్ లో దూసుకుపోతున్నాయి. 

ఆర్‌కామ్‌ తో ఎస్‌ఎస్‌టీఎల్‌ విలీనం

కాగా రిలయన్స్‌ కమ్యూనికేషన్స్‌తో (ఆర్‌కామ్‌) సిస్టెమా శ్యామ్‌(ఎస్‌ఎస్‌టీఎల్‌) విలీనానికి టెలికం విభాగం (డాట్‌) తాజాగా ఆమోద ముద్ర వేసింది. సిస్టెమా శ్యామ్‌ వైర్‌లెస్‌ వ్యాపార విలీనానికి డాట్‌ అంగీకారం లభించినట్లు ఆర్‌కామ్‌ తెలిపింది. అక్టోబర్‌ 20న ఈ డీల్‌కు ఆమోద ముద్ర వేసినట్లు సమాచారం.

విలీనం అనంతరం..

విలీన ఒప్పందం ప్రకారం.. ఎస్‌ఎస్‌టీఎల్‌కు సంబంధించిన వైర్‌లెస్‌ బిజినెస్‌ అసెట్స్‌ అన్నీ ఆర్‌కామ్‌ పరిధిలోకి వస్తాయి. విలీనం అనంతరం ఆర్‌కామ్‌లో సిస్టెమాకు 10 శాతం వాటా వస్తుంది.

డీల్‌కు సంబంధించిన లావాదేవీలు

ఎయిర్‌సెల్‌ డీల్‌ అటకెక్కిన నేపథ్యంలో సిస్టెమా శ్యామ్‌ విలీన ఒప్పందానికి డాట్‌ ఆమోదం లభించడం ఆర్‌కామ్‌కు కొంత ఊరటనిచ్చే అంశం. డీల్‌కు సంబంధించిన లావాదేవీలు నవంబర్‌ తొలివారానికల్లా పూర్తి కావొచ్చని ఆర్‌కామ్‌ అంచనా వేస్తోంది.