దూకుడు పెంచుతున్న బిజినెస్‌మేన్!!

Posted By: Staff

దూకుడు పెంచుతున్న బిజినెస్‌మేన్!!

 

ముఖేష్ అంబానీ నేతృత్వంలోని రిలయన్స్ గ్రూప్ అనుబంధ కంపెనీ రిలయన్స్ డిజిటల్ తన వ్యాపారాన్ని మరింత విస్తరించుకుంటోంది. గడిచిన ఆర్థిక సంవత్సరంలో రిలయన్స్ డిజిటల్ రిటైల్ స్టోర్ల సంఖ్య మూడురెట్లు పెరిగింది. గత ఒక్కనెలలోనే కొత్తగా 16 రిటైల్ అవుట్‌లెట్లు తెరచిన ఈ కంపెనీ మొత్తం స్టోర్ల సంఖ్య 75కు చేరంది. గత ఏడాది వరకు వీటి సంఖ్య 27 మాత్రమే. 2012 మార్చి 31తో ముగిసిన ఆర్థిక సంవత్సరంలో దేశవ్యాప్తంగా రిలయన్స్ డిజిటల్ కొత్తగా 48 ఎలక్ట్రానిక్ రిటైల్ అవుట్‌లెట్లను ప్రారంభించింది. ఈ సంవత్సరంలోనూ తమ వ్యాపార విస్తరణకు వివిధ కీలక ప్రణాళికలు రూపొందించామని రిలయన్స్ డిజిటల్ సిఇఓ బ్రియాన్ బాడే తెలియజేశారు. రిలయన్స్ రిటైల్‌లో ఒక విభాగమైన రిలయన్స్ డిజిటల్ మొత్తం 150కు పైగా దేశీయ, అంతర్జాతీయ బ్రాండ్లకు చెందిన మొత్తం 4,000 ఎలక్ట్రానిక్ వస్తువులను విక్రయిస్తోంది.

సంవత్సరమంతా సెకనుకు పైసా!!

ప్రీపెయిడ్ యూజర్ల కోసం రిలయన్స్ సరికొత్త మొబైల్ టారిఫ్ ప్లాన్‌ను అందుబాటులోకి తెచ్చింది. సీడీఎమ్ఏ నెట్‌వర్క్ యూజర్లు రూ.58 చెల్లించి ఈ టారీఫ్‌లోకి మారితే సంవత్సరం పాటు అన్ని ఎస్‌టీడీ, లోకల్ కాల్స్ పై సెకనుకు పైసా మాత్రమే ఛార్జ్ చేస్తారు. సీడీఎమ్ఏ వినియోగదారులకు మాత్రమే ఈ ఆఫర్ వర్తిస్తుంది.

ప్లాన్ ముఖ చిత్రం:

చెల్లుబడి కాలం (వాలిడిటీ పిరియిడ్) : 365 రోజులు,

రీఛార్జ్ మొత్తం : రూ.58,

ప్రత్యేక ప్రయోజనాలు: అన్నిఎస్‌టీడీ, లోకల్ కాల్స్ పై సెకనుకు పైసా ఛార్జ్.

రోమింగ్ ఛార్జీ వివరాలు:

లోకల్ అవుట్ గోయింగ్ కాల్స్: అన్ని నెట్‌వర్క్‌ల పై రూపాయి ఛార్జ్,

ఎస్‌టీడీ అవుట్ గోయింగ్ కాల్స్: అన్ని నెట్‌వర్క్‌ల పై రూ.1.50 ఛార్జ్ చేస్తారు,

ఇన్‌కమింగ్ కాల్స్ : అన్ని నెట్‌వర్క్‌ల పై రూపాయి వసూలు,

ఎస్ఎమ్ఎస్ టారిఫ్:

లోకల్: రూ 1.00

నేషనల్ : రూ 1.00

ఇంటర్నేషనల్ : రూ 5.00

Please Wait while comments are loading...
Opinion Poll

Social Counting