Jio 5G టెస్టింగ్ లో డేటా స్పీడ్ వివరాలు లీక్ అయ్యాయి!! 4G కంటే ఎన్ని రేట్లు ఎక్కువనో తెలుసా?

Published: Thursday, January 27, 2022, 13:47 [IST]

భారత ప్రభుత్వ టెలికమ్యూనికేషన్ల శాఖ DOT భారతదేశంలో ఈ సంవత్సరం 5G సర్వీసులను ప్రారంభించనున్నట్లు స్పష్టంగా తెలిపింది. దీని కోసం సంస్థ ఇప్పటికే మొదటగా 13 నగరాలను ఎంపిక చేసింది. మునుపటి నివేదికల ప్రకారం చెన్నై, గురుగ్రామ్, గాంధీనగర్, పూణె, జామ్‌నగర్, లక్నో, చండీగఢ్, బెంగళూరు, ఢిల్లీ, ముంబై, హైదరాబాద్, అహ్మదాబాద్ మరియు కోల్‌కతాలో 2022లో 5G రోల్ అవుట్ ముందుగా అందుబాటులోకి రానున్నది. 5G టెస్టింగ్‌లో రిలయన్స్ జియో టెలికాం సంస్థ గణనీయమైన పురోగతిని సాధిస్తోంది. దేశంలోని 1,000 అగ్ర నగరాలకు 5G కవరేజీని ప్లాన్ చేసినట్లు కంపెనీ ఇప్పటికే ధృవీకరించింది.

ఆన్‌లైన్‌లో విడుదలైన స్క్రీన్‌షాట్‌ల ప్రకారం పైలట్ టెస్టింగ్ సమయంలో Jio యొక్క 5G నెట్‌వర్క్ డౌన్‌లోడ్ స్పీడ్ 420Mbps వరకు ఉండగా అప్‌లోడ్ స్పీడ్ 412Mbps వరకు సాధించింది. కంపెనీ యొక్క 4G నెట్‌వర్క్ డౌన్‌లోడ్ స్పీడ్ 46.82 Mbps అయితే అప్‌లోడ్ స్పీడ్ 25.31 Mbps అని కొన్ని నివేదికలు వెల్లడిస్తున్నాయి. కొత్త నివేదికల ప్రకారం 4G నెట్‌వర్క్ కంటే 5G డౌన్‌లోడ్ వేగం 8x ఉండగా అప్‌లోడ్ స్పీడ్ 15x అధిక వేగంగా ఉంటుందని పరీక్ష ఫలితాలు సూచిస్తున్నాయి. అలాగే జాప్యం రేటు విషయానికొస్తే కేవలం 11 మిల్లీసెకన్లను కలిగి ఉండడం గమనార్హం. మరోవైపు 5G సర్వీస్ యొక్క వేగం 46.82 Mbps వరకు డౌన్‌లోడ్ వేగంతో మరియు 25.31 Mbps వరకు అప్‌లోడ్ వేగంతో చూపబడుతుంది.

ప్రస్తుతం అన్ని కంపెనీలు పైలట్ ప్రాజెక్ట్ కింద పరీక్షిస్తున్నాయి కాబట్టి 5G నెట్‌వర్క్ విభాగం కింద వినియోగదారులు ఎంత స్పీడ్ తో డేటాను పొందుతారో ప్రస్తుతానికి చెప్పడం కొంచెం కష్టం. కానీ డేటా యొక్క స్పీడ్ ఖచ్చితంగా 4G కంటే చాలా ఎక్కువగా ఉంటుంది. 2016లో 4G నెట్‌వర్క్ విడుదల కావడానికి ముందు జియో టెస్టింగ్ దశలో దాదాపు 135 Mbps వేగాన్ని సాధించింది. తర్వాత ఇది ప్రజలకు అందుబాటులోకి వచ్చినప్పుడు కేవలం 25-30 Mbpsకి తగ్గించబడింది. పైన చెప్పినట్లుగా భారతదేశంలోని 1,000 నగరాలకు జియో 5G ప్లాన్‌లను అందించడానికి తన యొక్క అన్ని రకాల పనులను పూర్తి చేసింది. దేశంలో కొన్ని నగరాల్లో మాత్రమే అధిక వేగంతో దశలవారీగా 5Gని కంపెనీ ప్రవేశపెడుతుంది.

2021 సంవత్సరం ఇండియా మొబైల్ కాంగ్రెస్ ఈవెంట్ లో కంపెనీ డైరెక్టర్ ముఖేష్ అంబానీ మాట్లాడుతూ దేశంలో 5G రోల్‌అవుట్ యొక్క ప్రాముఖ్యతను నొక్కి చెప్పారు. భారతదేశం త్వరలో 2G నుండి 4G నుండి 5Gకి మారాలి అని ప్రత్యేకంగా సూచించారు. సామాజిక-ఆర్థిక పిరమిడ్ దిగువన ఉన్న మిలియన్ల మంది పౌరులను 2Gకి పరిమితం చేయడం డిజిటల్ విప్లవం యొక్క ప్రయోజనాల నుండి వారిని దూరంగా ఉంచింది. 5G అమలుతో దేశం యొక్క జాతీయ ప్రాధాన్యతగా ఉండాలి.

4G నెట్‌వర్క్‌ అవసరమైన వినియోగదారుల సంఖ్య 51.7%

524 మంది వినియోగదారులతో నిర్వహించిన ఒక సర్వేలో 51.7% మంది వినియోగదారులు 5G నెట్‌వర్క్‌ కంటే 4G నెట్‌వర్క్‌ ని ఇష్టపడుతున్నట్లు తెలిపారు. మిగిలిన 48.3% మంది వినియోగదారులు తమకు ఇప్పుడు 5G అవసరమని తెలిపారు. 5G కోసం ఇప్పటివరకు అభివృద్ధి చేయబడిన వినియోగ సందర్భాలు ప్రధానంగా ఎంటర్‌ప్రైజ్‌లకు మాత్రమే ఉపయోగపడతాయని సూచిస్తున్నాయి. 4G ఇప్పటికే 50 Mbps కంటే ఎక్కువ స్పీడ్‌ని అందజేస్తున్నట్లయితే 5G నెట్‌వర్క్‌ వినియోగదారులకు నేరుగా ఉపయోగపడదు. ఎందుకంటే ఇది ఖరీదైనది మరియు అనవసరమైనది.

CY22 మూడవ త్రైమాసికంలో భారతదేశం ప్రత్యక్ష 5G నెట్‌వర్క్‌లను చూసే అవకాశం ఉంది. DoT కూడా 2018 నుండి స్వదేశీ 5G టెస్ట్‌బెడ్‌తో పని చేస్తోంది. 2021 చివరి నాటికి పరీక్ష పూర్తయ్యే అవకాశం ఉంది. టెలికాం సెక్రటరీ K రాజారామన్ ఆశాజనకంగా మొదటి 5G టెస్ట్ బెడ్‌ను జనవరి ప్రారంభంలో విడుదల చేస్తామని ఇప్పటికే ప్రకటించారు. దీని వల్ల చిన్న మరియు మధ్యతరహా సంస్థలు అలాగే రాబోయే వివిధ పరిశ్రమల ఇతర భాగాలు మరియు వాటి 5G పరిష్కారాలు.5G టెస్ట్ బెడ్ 6G మరియు సంబంధిత సాంకేతికతలకు సంబంధించిన ప్రాథమిక పరిశోధనలను నిర్వహించే విషయంలో భారతదేశాన్ని మరింత బలమైన స్థితిలో ఉంచుతుంది. జియో, ఎయిర్‌టెల్ మరియు వొడాఫోన్ ఐడియాతో సహా భారతీయ టెలికాం ఆపరేటర్లు టెలికమ్యూనికేషన్స్ విభాగం (DoT) కేటాయించిన స్పెక్ట్రమ్‌ను ఉపయోగించి దేశాల్లోని వివిధ ప్రాంతాల్లో 5G ట్రయల్స్‌ను నిర్వహిస్తున్నారు.