30 రోజుల వాలిడిటీతో జియో,ఎయిర్‌టెల్, Vi కొత్త ప్రీపెయిడ్ ప్లాన్‌లు...

ఏదీ ధృవీకరించబడనప్పటికీ అన్ని టెల్కోల నుండి కొత్తగా 'రోజువారీ డేటా పరిమితి లేకుండా' ప్లాన్ లను అందిస్తున్నాయి. అయితే ప్రతి 1GB డేటా ధర ప్రస్తుతం ఉన్నదానికంటే 50% మేర ఆకాశాన్ని తాకుతుందని సూచిస్తున్నాయి. కానీ ఈ ధర మార్పు కూడా వారు స్వభావంతో విభిన్నంగా ఉండటం మరియు వినియోగదారులకు డేటాను మరింత సౌకర్యవంతంగా అందించడం వల్ల కూడా కావచ్చు. ఈ 30 రోజుల ప్లాన్‌లు తమ ప్రీపెయిడ్ ప్లాన్‌లు 28, 56 మరియు 84 రోజులకు బదులుగా 30, 60 మరియు 90 రోజుల పూర్తి వ్యాలిడిటీతో రావాలని కోరుకునే వినియోగదారులకు మంచివి. మీరు ఒక నెల పూర్తిగా అంటే 28 రోజులకు కాకుండా 30 రోజుల చెల్లుబాటుతో ప్రీపెయిడ్ ప్లాన్ కోసం చూస్తున్నవారైతే మరియు అది గణనీయమైన మొత్తంలో 4G డేటా కోసం చూస్తుంటే కనుక అటువంటి ప్లాన్ ల గురించి పూర్తిగా తెలుసుకోవడానికి ముందుకు చదవండి.

రిలయన్స్ జియో 30 రోజుల చెల్లుబాటు ప్లాన్

రిలయన్స్ జియో టెల్కో తన వినియోగదారులకు 30 రోజుల చెల్లుబాటుతో ఇప్పుడు కొత్తగా రూ.247 ధర వద్ద ఒక ప్రీపెయిడ్ ప్లాన్‌ను అందిస్తుంది. 30 రోజుల చెల్లుబాటుతో దేశంలోని ప్రైవేట్ ఆపరేటర్లలో అందించే చౌకైన ప్లాన్ ఇది. ఈ ప్లాన్ వినియోగదారులకు 25GB డేటాను ఒకేసారి అందిస్తుంది. అంటే వినియోగదారులు రోజువారీ డేటా పరిమితితో సంబంధం లేకుండా వారు కోరుకుంటే ఒకే రోజులో పూర్తిగా 25GB డేటాను వినియోగించవచ్చు. అదనంగా ఇది అపరిమిత వాయిస్ కాలింగ్‌తో పాటు రోజుకు 100 SMS ప్రయోజనాలను కూడా అందిస్తుంది. ఇది జియోటివి, జియోన్యూస్, జియోసినిమా, జియోక్లౌడ్ మరియు జియోసెక్యూరిటీతో సహా జియో అప్లికేషన్ల సూట్ యొక్క అదనపు ప్రయోజనాన్ని కూడా వినియోగదారులు పొందుతారు.

వొడాఫోన్ ఐడియా 30 రోజుల చెల్లుబాటు ప్లాన్

వోడాఫోన్ ఐడియా తన వినియోగదారులకు 30 రోజుల చెల్లుబాటుతో రూ.267 ధర వద్ద ప్రీపెయిడ్ ప్లాన్‌ను అందిస్తుంది. ఇది జియో యొక్క ప్లాన్‌ కంటే రూ.20 మాత్రమే ఎక్కువ ఖరీదైనది. ఈ ప్లాన్ అందించే డేటా, SMS మరియు వాయిస్ కాలింగ్ ప్రయోజనాలు Jio ఆఫర్‌లకు సమానంగా ఉంటాయి. అంటే మొత్తంగా 25GB డేటాను, అపరిమిత వాయిస్ కాలింగ్ మరియు రోజుకు 100 SMS ప్రయోజనాలను అందిస్తుంది. వినియోగదారులకు అదనంగా Vi మూవీస్ & టివి యొక్క ఓవర్-ది-టాప్ (OTT) ప్రయోజనం కూడా ఉచితంగా లభిస్తుంది.

భారతీ ఎయిర్‌టెల్ 30 రోజుల చెల్లుబాటు ప్లాన్

భారతీ ఎయిర్‌టెల్ యొక్క 30 రోజుల చెల్లుబాటు ప్లాన్ అత్యంత ఖరీదైనది. రూ.299 ధర వద్ద లభించే ఎయిర్‌టెల్ యొక్క కొత్త ప్లాన్ వోడాఫోన్ ఐడియా మరియు జియో వలె 30 రోజుల చెల్లుబాటుతో లభిస్తుంది. అయితే ఈ ప్లాన్ 30GB వరకు అత్యధిక డేటాను అందిస్తుంది. ఈ ప్లాన్‌లో కూడా రోజువారీ డేటా పరిమితి వర్తించదు. అదనంగా వినియోగదారులు రోజుకు 100 SMS లు, అపరిమిత వాయిస్ కాలింగ్ మరియు ఎయిర్‌టెల్ థ్యాంక్స్ ప్రయోజనాలను కూడా పొందుతారు. వీటితో పాటుగా అమెజాన్ ప్రైమ్ వీడియో మొబైల్ ఎడిషన్, అపోలో 24/7 సర్కిల్, ఎయిర్‌టెల్ ఎక్స్‌స్ట్రీమ్ ప్రీమియం ట్రయల్‌ వంటి మరిన్నిటికి ఉచిత యాక్సిస్ లభిస్తుంది.