52 కోట్ల కాల్స్‌ ఫెయిల్ అయ్యాయి, జియో సంచలన ఆరోపణ

#1

రిలయన్స్ జియో ఉచిత వాయిస్ కాలింగ్ ఆఫర్లతో తమ ట్రాఫిక్ దెబ్బతినేలా కాల్స్ వస్తున్నాయని, దీనివల్ల తమకు నష్టాలు తప్పవని ఎయిర్‌టెల్ గతకొద్ది కాలంగా వాదిస్తూనే ఉంది.

#2

ఎయిర్‌టెల్‌కు జవాబుగా రిలయన్స్ స్పందిస్తూ, తమ జియో నెట్‌వర్క్ నుంచి వెళ్లే ఔట్ గోయింగ్ ట్రాఫిక్.. ఒక్కో కస్టమర్ నుంచి గంటకు రెండు కాల్స్ మాత్రమేనని, అది కూడా పీక్ ట్రాఫిక్ సమయంలోనేనని, వీటికి భారీగా కనెక్టింగ్ పాయింట్స్ అక్కర్లేదని తెలిపింది.

#3

అదీ కాకుండా, తమ నుంచి వెళుతోన్న ఔట్ గోయింగ్ కాల్స్ ఒక్క ఎయిర్‌టెల్‌కు మాత్రమే వెళ్లడం లేదని, అన్ని టెల్కోలు పంచుకుంటాన్నాయని రిలయన్స్ జియో స్పష్టం చేసింది.

 

#4

గతకొద్ది వారాలుగా జియో నుంచి వెళ్లిన ప్రతి 100 అవుట్ గోయింగ్ కాల్స్‌లో 75 కాల్స్ కనెక్ట్ కావడంలో విఫలమయ్యాయిని రిలయన్స్ ఆరోపించింది.

#5

గత 10 రోజుల వ్యవధిలో ఎయిర్‌టెల్ నెట్‌వర్క్‌కు వెళ్లిన 22 కోట్ల కాల్స్‌, మొత్తం మీద వోడాఫోన్, ఐడియా సెల్యులార్‌లతో కలుపుకని 52 కోట్ల జియో కాల్స్ కనెక్ట్ కావటంలో విఫలమయ్యాయిని రిలయన్స్ తెలిపింది.

#6

అయితే, తాజాగా చోటు చేసుకున్న పరిణామాల నేపథ్యంలో రిలయన్స్ జియోకి అదనపు ఇంటర్‌కనెక్ట్ పాయింట్ల ఏర్పాటు చేసేందుకు భారతి ఎయిర్‌టెల్ అంగీకరించింది.

#7

తాము ఏర్పాటుచేసే పోర్ట్‌లు జియో కస్టమర్ల కాల్స్‌ని సపోర్ట్ చేస్తాయని ఎయిర్‌టెల్ వెల్లడించింది.

#8

ఎయిర్‌టెల్ బాటలోనే ఐడియా కూడా జియో కాల్స్‌కు కనెక్టింగ్ పాయింట్స్ ఇచ్చేందుకు సుముఖత వ్యక్తం చేసింది.

#9

ఉచిత ఆఫర్లతో పాటు రూ.50కే 1జీబి 4జీ డేటా అంటూ ముందుకొచ్చిన జియోకు అడుగడుగునా అవాంతరాలే ఎదురవుతున్నాయి.  

#10

ముఖ్యంగా జియో సిమ్ కార్డ్స్ యాక్టివేషన్ ప్రక్రియ విషయంలో మరింత జాప్యం జరుగుతోంది. దీంతో సిమ్ తీసుకుని రోజుల తరబడి వినియోగదారులు ఎదురుచూాల్సిన పరిస్థితి నెలకుంది. ఈ-కేవైసీ విధానంగా భాగంగా యాక్టివేషన్ ప్రక్రియను మరింత వేగవంతంగా చేస్తామని అంబానీ ప్ర‌క‌టించినా అది క్షేత్రస్థాయిలో ఆచణలోకి రాలేదు.