రిలయన్స్ జియోలో వేల సంఖ్యలో ఎగ్జిక్యూటివ్ పోస్టులు,అప్లయి చేసుకోండిలా !

పాయింట్‌ జాబ్స్‌..

అంతేకాక ‘పాయింట్‌ జాబ్స్‌' కోసం కూడా 585 మందిని నియమించుకోబోతోంది. ఈ జియో పాయింట్‌ టీమ్‌, చిన్నచిన్న పట్టణాలు, గ్రామీణ మార్కెట్లలో జియో పాయింట్లను లాంచ్‌ చేయడం కోసం పనిచేయనున్నాయి. కస్టమర్‌ సేల్స్‌ అండ్‌ సర్వీసు టచ్‌ పాయింట్లను ఇవి ఆపరేట్‌ చేయనున్నాయి.

3000 మంది ఎగ్జిక్యూటివ్‌లను ..

ఇలా సుమారు 3000 మంది ఎగ్జిక్యూటివ్‌లను నియమించుకోవాలని జియో భావిస్తోంది. టెలికాం మార్కెట్ల మధ్య ఏర్పడుతున్న తీవ్రమైన పోటీ కర వాతావరణ నేపథ్యంలో, జియో దూకుడుగా ఉందని విశ్లేషకులు చెప్పారు.

కంపెనీ విస్తరణలో భాగంగా..

జియో కంపెనీలో ఇప్పటికే లక్షల సంఖ్యల్లో ఉద్యోగులు పనిచేస్తున్నారు.కాగా కంపెనీ విస్తరణలో భాగంగా మరిన్ని ఉద్యోగాలను సృష్టించాలని కంపెనీ భావిస్తోంది. ఈ విషయం మీద ఆసక్తి ఉన్న వారు మరిన్ని వివరాలకు జియో అఫిషియల్ వెబ్‌సైట్ జియో.కామ్‌ని సందర్శించగలరు.

జియో దెబ్బకు..

తన డిస్కౌంట్లు, ఉచిత వాయిస్‌ ఆఫర్స్‌తో టెలికాం మార్కెట్‌లో ఈ కంపెనీ సంచలనాలే సృష్టిస్తోంది. జియో దెబ్బకు ఇతర టెలికాం కంపెనీలు తీవ్ర ఒత్తిడిని ఎదుర్కొంటున్న సంగతి తెలిసిందే. ఇప్పటికే కొన్ని టెలికాం కంపెనీలు మెర్జ్ దిశగా అడుగులు వేశాయి. మరికొన్ని అదే బాటలో నడుస్తున్నాయి.

2016 సెప్టెంబర్ లో..

కాగా 2016 సెప్టెంబర్ లో దేశీయ టెలికాం రంగంలోకి ప్రవేశించిన జియో వచ్చిన అనతి కాలంలోనే దేశంలో నంబర్ వన్ స్థానాన్ని సొంతం చేసుకుంది. ఉచిత ఆఫర్లు , డిస్కౌంట్ల పేరుతో టెలికాం మార్కెట్లో ఓ సునామిని తలపించింది. దీంతో పాటు జియో యాప్స్ ద్వారా సినిమాలు, టీవీషోలు, మ్యూజిక్ లాంటి ఫీచర్లను అందిస్తోంది.