Jio అత్యంత ఖరీదైన ప్లాన్ & 20% జియోమార్ట్ క్యాష్‌బ్యాక్ ఆఫర్ ప్లాన్‌లు

|

భారతదేశంలో అతిపెద్ద సబ్‌స్క్రైబర్ బేస్ కలిగి మొదటి స్థానంలో కొనసాగుతున్న టెలికాం ఆపరేటర్ రిలయన్స్ జియో తరచుగా చౌకైన ధరల వద్ద మెరుగైన సేవలను అందించే సంస్థగా పరిగణించబడుతుంది. జియో యొక్క ప్రీపెయిడ్ ప్లాన్‌లు అందించే మెరుగైన ప్రయోజనాల కారణంగా భారతీయ మార్కెట్‌లో ఎక్కువగా ప్రాచుర్యం పొందాయి. అయితే ఇటీవలి సుంకాల పెంపు తర్వాత వోడాఫోన్ ఐడియా (Vi) మరియు భారతి ఎయిర్‌టెల్‌తో సహా దాని ప్రత్యర్థులు అందిస్తున్న వాటి కంటే జియో యొక్క చాలా ప్రీపెయిడ్ ప్లాన్‌లు ఇప్పటికీ చౌకగా మరియు సరసమైనవిగా ఉన్నప్పటికీ జియో కూడా మార్కెట్లో అత్యంత ఖరీదైన ప్రీపెయిడ్ ప్లాన్‌ను అందిస్తోంది.

 

జియో టారిఫ్ పెంపు

రిలయన్స్ జియో టారిఫ్ పెంపు తరువాత కొత్త అప్‌డేట్‌లో భాగంగా కంపెనీ అతి పెద్ద ఆఫర్‌ను కూడా ప్రకటించింది. రిలయన్స్ జియో తన యొక్క కొన్ని ప్రీపెయిడ్ ప్లాన్‌లతో "జియోమార్ట్ క్యాష్‌బ్యాక్" ఆఫర్‌ను కూడా అందిస్తోంది. జియో టెల్కో గత కొన్ని రోజులుగా తన ప్రీపెయిడ్ ప్లాన్‌ల ధరలను పెంచింది. రిలయన్స్ జియో మూడు ప్రీపెయిడ్ రీఛార్జ్ ప్లాన్‌లపై 20 శాతం జియోమార్ట్ క్యాష్‌బ్యాక్‌ను అందిస్తుంది. రూ.719, రూ. 666 మరియు రూ.299 ధరల వద్ద లభించే మూడు ప్లాన్‌లలో క్యాష్‌బ్యాక్‌ను అందిస్తుంది. ఈ ప్లాన్‌ల చెల్లుబాటు కాలం 28 రోజుల నుండి 84 రోజుల మధ్య ఉంటుంది.

జియోమార్ట్ క్యాష్‌బ్యాక్ ఎలా పొందాలి

జియోమార్ట్ క్యాష్‌బ్యాక్ ఎలా పొందాలి

జియోమార్ట్ క్యాష్‌బ్యాక్ యొక్క ఆఫర్ జియోమార్ట్ అకౌంటులో అందుబాటులో ఉంటుంది. ఈ క్యాష్‌బ్యాక్ మొత్తాన్ని మూడు రోజుల్లో రిలయన్స్ రిటైల్ ఛానెల్‌ల ద్వారా రీడీమ్ చేసుకోవచ్చు. జియో రీఛార్జ్, జియోమార్ట్, రిలయన్స్ స్మార్ట్, అజియో, రిలయన్స్ ట్రెండ్స్, రిలయన్స్ డిజిటల్ మరియు నెట్‌మెడ్స్ వంటి ప్రదేశాలలో కస్టమర్‌లు క్యాష్‌బ్యాక్‌ను ఉపయోగించగలరు.

జియోమార్ట్ క్యాష్‌బ్యాక్ ఆఫర్ ప్లాన్‌లు
 

జియోమార్ట్ క్యాష్‌బ్యాక్ ఆఫర్ ప్లాన్‌లు

జియోమార్ట్ క్యాష్‌బ్యాక్‌ను అందించే జియో కొత్త ప్లాన్‌లలో మొదటిది రూ.299 ధర వద్ద లభిస్తుంది. ఇది 28 రోజుల వాలిడిటీ కాలంలో రోజువారీ 2 GB హై-స్పీడ్ డేటా, అపరిమిత వాయిస్ కాలింగ్ మరియు రోజుకు 100 SMS ప్రయోజనాలను అందిస్తుంది. జాబితాలో తరువాతి ప్లాన్ రూ.666 ధర వద్ద లభిస్తుంది. ఈ ప్లాన్ 84 రోజుల చెల్లుబాటు కాలంలో 1.5GB రోజువారి డేటా, రోజుకు 100 SMSలు మరియు అన్ని నెట్‌వర్క్‌లకు అపరిమిత కాలింగ్ సదుపాయాన్ని అందిస్తుంది. ఈ జాబితాలోని చివరి ప్లాన్ రూ.719 ధర వద్ద 84 రోజుల వాలిడిటీతో లభిస్తుంది. ఇది 2GB రోజువారి డేటా, అపరిమిత కాలింగ్ మరియు రోజుకు 100 SMSల ప్రయోజనాలను అందిస్తుంది. ఈ ప్లాన్‌లు అన్ని కూడా తమ యొక్క రీఛార్జ్ లో 20 శాతం JioMart క్యాష్‌బ్యాక్ మరియు JioTV, JioCinema, JioSecurity మరియు JioCloud వంటి యాప్‌లతో Jio సూట్‌కు సభ్యత్వాన్ని అందిస్తుంది.

రిలయన్స్ జియో రూ. 4199 ప్రీపెయిడ్ ప్లాన్

రిలయన్స్ జియో రూ. 4199 ప్రీపెయిడ్ ప్లాన్

రిలయన్స్ జియో రూ.4199 అత్యధిక ధర వద్ద ఇప్పుడు కొత్తగా ఒక ప్రీపెయిడ్ ప్లాన్‌ను అందిస్తోంది. ఈ ప్లాన్ భారతదేశంలోని వినియోగదారులకు అందుబాటులో ఉంది. దీనిని మొబైల్ అప్లికేషన్ మరియు టెల్కో వెబ్‌సైట్ రెండింటిలోనూ చూడవచ్చు. రిలయన్స్ జియో యొక్క రూ.4199 ప్రీపెయిడ్ ప్లాన్ వినియోగదారులకు 3GB రోజువారీ డేటాను అందిస్తుంది. అలాగే ఈ ప్లాన్‌కు సంబంధించిన ఇతర ముఖ్యమైన విషయం ఏమిటంటే ఇది 365 రోజులు లేదా 1-సంవత్సరం సర్వీస్ వాలిడిటీని కలిగి ఉంటుంది. ఈ ప్లాన్ అపరిమిత వాయిస్ కాలింగ్, రోజుకు100 SMS ప్రయోజనాలతో పాటుగా బహుళ జియో అప్లికేషన్‌లకు ఉచిత యాక్సెస్‌ను కూడా అందిస్తుంది. Jio అప్లికేషన్‌లలో JioCinema, JioTV, JioCloud మరియు JioSecurity ఉన్నాయి. ఈ ప్లాన్ అందించే మొత్తం వాలిడిటీలో 1095GB డేటాను అందిస్తుంది. ఫెయిర్ యూసేజ్ పాలసీ (FUP) డేటా వినియోగాన్ని పోస్ట్ చేసిన తర్వాత వినియోగదారులు 64 Kbps వేగంతో ఇంటర్నెట్ బ్రౌజింగ్ కొనసాగించాలి. FUP డేటా ప్రతి 24 గంటల తర్వాత (అర్ధరాత్రి) రీసెట్ అవుతుంది.

జియో రూ.1559 దీర్ఘ-కాల వ్యాలిడిటీ ప్రీపెయిడ్ ప్లాన్‌

జియో రూ.1559 దీర్ఘ-కాల వ్యాలిడిటీ ప్రీపెయిడ్ ప్లాన్‌

జియో టెల్కో యొక్క వాల్యూ ప్లాన్ జాబితాలోని చివరి ప్లాన్ దీర్ఘ-కాల వ్యాలిడిటీతో లభిస్తుంది. ఈ ప్లాన్ సహేతుకమైన డేటాతో పాటు దీర్ఘకాలిక కాలింగ్ ప్లాన్‌లను కోరుకునే మరియు అవసరమయ్యే వినియోగదారులకు సరిపోతుంది. టెల్కో యొక్క ఈ దీర్ఘ-కాల ప్లాన్ రూ.1,559 ధర వద్ద లభిస్తుంది. దీనిని వినియోగదారులు 336 రోజుల చెల్లుబాటు కాలానికి పొందుతారు. వినియోగదారులు ఈ ప్లాన్‌తో అపరిమిత వాయిస్ కాలింగ్ మాత్రమే కాకుండా చెల్లుబాటు వ్యవధిలో మొత్తం 3600 SMSలను కూడా పొందుతారు. ఇంకా ఈ ప్లాన్‌ను కొనుగోలు చేసిన వినియోగదారులకు అధిక వేగంతో మొత్తం చెల్లుబాటు కాలానికి 24GB డేటాను అందించబడుతుంది. 24GB డేటా తర్వాత వినియోగదారులు 64 Kbps ఇంటర్నెట్ వేగం పొందుతారు. ఈ ప్లాన్‌లో వివిధ జియో యాప్‌ల యాడ్-ఆన్‌లు కూడా ఉన్నాయి. Jio ఇప్పుడు రూ. 15 నుండి డేటా యాడ్-ఆన్ వోచర్‌లను కూడా అందిస్తోంది. కాబట్టి హై-స్పీడ్ డేటా మొత్తాన్ని వినియోగించడం గురించి ఆందోళన చెందుతున్న వ్యక్తులు ఆందోళన చెందాల్సిన అవసరం లేదు. మీరు టెల్కో వెబ్‌సైట్ నుండి రిలయన్స్ జియో యొక్క మొత్తం డేటా యాడ్-ఆన్ వోచర్‌లను చూడవచ్చు.

Most Read Articles
Best Mobiles in India

English summary
Reliance Jio Offering Most Expensive Plan and 20 Percent JioMart Cashback on These Prepaid Plans

ఉత్తమ ఫోన్లు

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X