దూసుకొస్తున్న Jio పేమెంట్ బ్యాంక్‌, SBIతో కలిసి ముందుకు,సమగ్ర సమాచారం ఇదే..

4జీ నెట్‌వర్క్ సేవలతో వినియోగదారులను ఆకట్టుకున్న జియో ఇప్పుడు బ్యాకింగ్ రంగంలోకి ప్రవేశిస్తోంది.

By Hazarath

Updated: Tuesday, October 10, 2017, 11:22 [IST]

4జీ నెట్‌వర్క్ సేవలతో వినియోగదారులను ఆకట్టుకున్న జియో ఇప్పుడు బ్యాకింగ్ రంగంలోకి ప్రవేశిస్తోంది. రిలయన్స్ జియో ఇకపై బ్యాంకింగ్ సేవలను అందించేందుకు సిద్ధమవుతున్నది. ఈ విషయమై ఇప్పటికే ఎస్‌బీఐ బ్యాంక్‌తో జియో ఒప్పందం కుదుర్చుకుంది.

ఈ ఏడాది మార్చిలో 10 కోట్ల వినియోగదారుల మార్క్‌ను దాటిన జియో ఆర్‌బీఐ నుంచి పేమెంట్స్ బ్యాంక్ లైసెన్స్ పొందింది. కాగా డిసెంబర్ నెలలో ఈ బ్యాంక్ సేవలను ప్రారంభించనుంది. ఎయిర్‌టెల్, పేటీఎం వంటి సంస్థలు ఇప్పటికే పేమెంట్స్ బ్యాంక్ సేవలను అందిస్తుండగా ఆ కోవలో ఇప్పుడు జియో వచ్చి చేరనుంది.

వినియోగదారులకు ఇబ్బందులు లేకుండా సేవలను అందించాలని ఆర్‌బీఐ సూచించడంతో జియో ఆ దిశగా సేవలను అందించేందుకు రెడీ అయినట్లు తెలుస్తోంది. డిసెంబర్ నెలలో జియో తన పేమెంట్స్ బ్యాంక్ సేవలను ప్రారంభించే అవకాశం ఉందని ఆ సంస్థ ప్రతినిధి ఒకరు చెప్పారు.

పేమెంట్ బ్యాంక్స్ అంటే ఏమిటి..?

ఈ బ్యాంకులు మొబైల్ కేంద్రంగా తమ కార్యకలాపాలను కొనసాగిస్తాయి. ఆర్బిఐ మార్గదర్శకాలతో ఈ బ్యాంకులు తమ శాఖలను ఏర్పాటు చేస్తాయి.

ఇండియాలో ఉన్న పేమెంట్ బ్యాంకులు

ఆదిత్యా బిర్లా Nuvo Ltd, Airtel M Commerce Services Ltd, Cholamandalam Distribution Services Ltd,
Department of Posts
Fino PayTech Ltd
National Securities Depository Ltd
Reliance Industries Ltd
Dilip Shantilal Shanghvi
Vijay Shekhar Sharma
Tech Mahindra Ltd
Vodafone m-pesa Ltd

ఎంత మనీ డిపాజిట్

ఈ బ్యాంకుల్లో లక్ష వరకు డిపాజిట్ చేసుకోవచ్చు. ఇది సేవింగ్ బ్యాంకు అకౌంట్ ద్వారా పనిచేస్తుంది.

పేమెంట్ బ్యాంకులు ఎలా ఉపయోగించుకోవచ్చు

వీటిని మొబైల్ ద్వారా ఉపయోగించుకోవచ్చు. మీ మొబైల్‌లో ఆ బ్యాంకు యాప్‌ని డౌన్‌లోడ్ చేసుకుని మీ మొబైల్ నంబర్‌తో లాగిన్ అయితే చాలు. రోజు వారి లావాదేవీలు జరుపుకోవచ్చు.