జియో నుంచి కొత్తగా 3 చవకైన ప్లాన్లు, ప్లాన్లపై అదిరే డిస్కౌంట్లు

దేశీయ టెలికాం రంగంలో దూసుకుపోతున్న రిలయన్స్ జియో తాజాగా సరికొత్త ఆఫర్లను మార్కెట్లోకి తీసుకొచ్చింది.

By Hazarath

Published: Monday, January 15, 2018, 14:36 [IST]

దేశీయ టెలికాం రంగంలో దూసుకుపోతున్న రిలయన్స్ జియో తాజాగా సరికొత్త ఆఫర్లను మార్కెట్లోకి తీసుకొచ్చింది. ఎప్పటికప్పుడు వినియోగదారులను ఆకట్టుకుంటూ ముందుకుపోతున్న ఈ దిగ్గజం టాప్ దిగ్గజాలకు అదిరిపోయే టారిఫ్ లతో సవాల్ విసురుతూ పోతున్న సంగతి తెలిసిందే. ఇందులో భాగంగా మరో సారి టారిఫ్ ప్లాన్లతో దూసుకొచ్చింది. రూ.100 ధరలో మూడు అత్యంత చవకైన ప్లాన్లను ప్రవేశపెట్టింది. ఈ ప్లాన్లతో పాటు పాత ప్లాన్లపై డిస్కౌంట్లను కూడా అందిస్తోంది. జియో పరిచయం చేసిన రూ.19, రూ. 52,రూ.98 ప్లాన్లపై ఓ లుక్కేయండి.

రూ.19 ప్లాన్

ఒకరోజు వాలిడిటీ, 150 ఎంబీ 4జీ హై స్పీడ్‌ డేటా, 20 లోకల్‌ ఎస్‌ఎంఎస్‌లు ఉచితం

రూ. 52 ప్లాన్

10.5 జీబీ 4జీ డేటా, వారం రోజుల వాలిడిటీ, 70 లోకల్‌ ఎస్‌ఎంఎస్‌లు ఉచితం.

రూ. 98 ప్లాన్

2.1 జీబీ 4జీబీ డేటా, 14 రోజుల వాలిడిటీ. డెయిలీ లిమిట్‌ 0.15 జీబీ, 140 ఎస్‌ఎంఎస్‌లు ఉచితం.

రూ.199 ప్యాక్‌పై రూ. 50 డిస్కౌంట్

వీటితో పాటు ఇప్పటికే ఉన్నప్లాన్లపై కూడా డిస్కౌంట్‌ను అందిస్తోంది. రూ.199 ప్యాక్‌పై రూ50 లు తగ్గించి రూ149లకే అందిస్తోంది. 1 జీబీ 4జీబీ డేటా, 28 రోజులువాలిడిటీ.