స్పీడ్ టెస్ట్‌లో Reliance Jio గెలిచిందా..?

ఈ టెస్ట్‌లో భాగంగా

ఈ టెస్ట్‌లో భాగంగా వొడాఫోన్, ఎయిర్‌టెల్, రిలయన్స్ జియో 4జీ నెట్‌వర్క్‌లతో కూడిన మూడు 4జీ స్మార్ట్‌ఫోన్‌లను GizBot వినియోగించింది.

ఇండోర్ ఏరియాల్లో

ఈ మూడు 4జీ నెట్‌వర్క్‌లను ఇండోర్ స్థలాల్లో GizBot బృందం పరీక్షించింది. ఈ పరీక్షల్లో భాగంగా వొడాఫోన్ 4జీ సర్వీస్ 14.58 ఎంబీపీఎస్ అప్‌లోడ్, 8.71 ఎంబీపీఎస్ డౌన్‌లోడ్ వేగాన్ని నమోదు చేసింది. మరోవైపు రిలయన్స్ జియో 4జీ సర్వీస్ డౌన్‌లోడ్ వేగం 20.97 ఎంబీపీఎస్, అప్‌లోడ్ వేగం 0.53ఎంబీపీఎస్‌గాను ఉంది. ఎయిర్‌టెల్ 4జీ సర్వీస్ విషయానికి వచ్చేసరికి అప్‌లోడ్ వేగం 2.36 ఎంబీపీఎస్ గాను, డౌన్‌లోడ్ వేగం 3.52 ఎంబీపీఎస్ గాను ఉంది.

అవుట్ డోర్ ఏరియాల్లో

ఈ మూడు 4జీ నెట్‌వర్క్‌లను అవుట్ డోర్ ఏరియాల్లో పరీక్షించి చూడగా, రిలయన్స్ జియో 4జీ డౌన్‌లోడ్ వేగం 41.16 ఎంబీపీఎస్‌గాను, అప్‌లోడ్ వేగం 7.86 ఎంబీపీఎస్ గాను ఉంది. వొడాఫోన్ 4జీ విషయానికి వచ్చేసరికి డౌన్‌లోడ్ వేగం35.37 ఎంబీపీఎస్ గాను, అప్‌లోడ్ వేగం 6.10 ఎంబీపీఎస్ గాను ఉంది. ఎయిర్‌టెల్ 4జీ విషయానికి వచ్చేసరికి డౌన్‌లోడ్ వేగం 3.46 ఎంబీపీఎస్ గాను, అప్‌లోడ్ వేగం 2.12 ఎంబీపీఎస్ గాను ఉంది.

కవరేజ్ పరంగా

నెట్‌వర్క్ కవరేజ్ పరంగా వాతావరణంతో సంబంధం లేకుండా రిలియన్స్ జియో 4జీ తన సత్తాను చాటకుంది. వొడాఫోన్ రెండవ స్థానంలో, ఎయిర్‌టెల్ మూడో స్థానంలో నిలిచాయి. 

జియో 4జీ సిమ్‌ను పొందాలంటే

4జీ స్మార్ట్‌ఫోన్‌లను వినియోగించే ప్రతి ఒక్కరూ Jio 4G సిమ్‌ను పొందవచ్చు ఈ సిమ్‌తో పాటు అందిస్తోన్న 90 రోజుల ప్రివ్యూ ఆఫర్‌లో భాగంగా మూడు నెలల వాయిస్ , డేటా ఇంకా మెసేజింగ్ సేవలను ఉచితంగా ఆస్వాదించవచ్చు. జియో సిమ్ పొందలానుకునే వారు సమీపంలోని రిలయన్స్ డిజిటల్ స్టోర్‌కు వెళ్లి సంబంధిత ధృవీకరణ పత్రాలను సమర్పించాల్సి ఉంటుంది.