జియో కంటే వోడాఫోన్ ఐడియా (Vi) ప్రీపెయిడ్ ప్లాన్‌లు మెరుగ్గా ఉండడానికి కారణాలు ఇవే...

ఈ రెండు ఆఫర్లు కంపెనీ అందించే ప్రీపెయిడ్ ప్లాన్‌లను డైనమిక్‌గా మారుస్తాయి. ప్రస్తుత వ్యాసంలో మనం వోడాఫోన్ ఐడియా (Vi) మరియు రిలయన్స్ జియో టెల్కోలు రూ.500 ధరలోపు అందించే ప్రీపెయిడ్ ప్లాన్‌లను పరిశీలిద్దాం. వీటిలో Vi యొక్క ప్రీపెయిడ్ ప్లాన్ Reliance Jio నుండి లభించే దాని కంటే మెరుగైనదిగా ఉంటుంది. ఈ ప్లాన్ ఎంతవరకు మెరుగ్గా ఉంటుందో వంటి వివరాలను తెలుసుకోవడానికి ముందుకు చదవండి.

రిలయన్స్ జియో రూ. 499 ప్లాన్

రిలయన్స్ జియో టెల్కో తన యొక్క వినియోగదారులకు రూ.499 ధర వద్ద ఒక ప్రీపెయిడ్ ప్లాన్ ను అందిస్తుంది. డిస్నీ+ హాట్‌స్టార్ తన ప్లాన్‌ల ధరల నిర్మాణాన్ని మార్చినప్పుడు దీనిని కంపెనీ ఇటీవల ప్రవేశపెట్టింది. రూ.499 ధర వద్ద లభించే ప్రీపెయిడ్ ప్లాన్‌తో రిలయన్స్ జియో 28 రోజుల సర్వీస్ వాలిడిటీని అందిస్తుంది. ఈ 28 రోజుల వాలిడిటీలో వినియోగదారులు 3GB రోజువారీ డేటాను పొందుతారు. అంతేకాకుండా అదనంగా కంపెనీ 6GB బోనస్ డేటాను కూడా అందిస్తుంది. కాబట్టి ఈ ప్లాన్ అందించే మొత్తం డేటా 90GB (బోనస్ డేటాతో సహా). ఈ ప్లాన్‌తో కంపెనీ అపరిమిత వాయిస్ కాలింగ్ మరియు 100 SMS/రోజు కూడా అందిస్తుంది. అలాగే రిలయన్స్ జియో తన వినియోగదారులకు ఒక సంవత్సరం పాటు డిస్నీ+ హాట్‌స్టార్ మొబైల్-ఓన్లీ సబ్‌స్క్రిప్షన్‌ను కూడా ఉచితంగా అందిస్తుంది. ఈ సబ్‌స్క్రిప్షన్ యొక్క ధర రూ. 499. అదనంగా వినియోగదారులు JioTV, JioCinema, JioSecurity మరియు JioCloudకి ఉచిత యాక్సిస్ ను కూడా పొందుతారు.

వొడాఫోన్ ఐడియా రూ.501 ప్లాన్

వొడాఫోన్ ఐడియా(Vi) తన యొక్క వినియోగదారులకు రూ.501 ధర వద్ద ఒక ప్లాన్‌ని అందిస్తోంది. ఈ ప్లాన్ కూడా ఇటీవల ప్రవేశపెట్టబడింది. ఇది వారాంతపు డేటా రోల్‌ఓవర్ మరియు ఆల్ నైట్ ఆఫర్‌లతో వస్తుంది. ఈ ప్లాన్‌తో వినియోగదారులు 3GB రోజువారీ డేటా, అపరిమిత వాయిస్ కాలింగ్ మరియు రోజుకు 100 SMS ప్రయోజనాలను పొందుతారు. Vi తన రూ.501 ప్లాన్‌ కూడా జియో ప్లాన్ మాదిరిగానే 28 రోజుల సర్వీస్ వాలిడిటీతో లభిస్తుంది. అయితే వినియోగదారులు ఈ ప్లాన్‌తో 16GB బోనస్ డేటాను కూడా పొందుతారు. పోల్చి చూస్తే Jio 6GB బోనస్ డేటాను మాత్రమే అందిస్తుంది. కాబట్టి Vi యొక్క రూ. 501 ప్లాన్ అందించే మొత్తం డేటా 100GB.

వొడాఫోన్ ఐడియా(Vi) తన వినియోగదారులకు ఎటువంటి అదనపు ఖర్చు లేకుండా ఒక సంవత్సరానికి రూ. 499 విలువైన డిస్నీ+ హాట్‌స్టార్ మొబైల్-ఓన్లీ సబ్‌స్క్రిప్షన్‌ను కూడా అందిస్తుంది. రిలయన్స్ జియో ఆఫర్ కంటే ఈ ప్లాన్ మెరుగ్గా ఉండటానికి కారణం కేవలం అదనపు బోనస్ డేటా మాత్రమే కాదు. కంపెనీ అందించే వారాంతపు డేటా రోల్‌ఓవర్ మరియు ఆల్ నైట్ ఆఫర్‌లు కూడా ఉండడంతో పాటుగా వోడాఫోన్ ఐడియా ప్రీపెయిడ్ ప్లాన్ అందించే బహుళ డేటా అనుభవాన్ని అందిస్తుంది. Reliance Jio యొక్క ప్లాన్ కూడా బాగుంది, కానీ Vodafone Idea నుండి ఈ ప్లాన్ ముందు, Jio యొక్క ప్లాన్ కొద్దిగా మెరుగ్గా కనిపిస్తుంది.

జియో రూ.999 ధర వద్ద అందించే ప్రీపెయిడ్ ప్లాన్ యొక్క ప్రయోజనాల విషయానికి వస్తే రిలయన్స్ జియో యొక్క రూ.999 ప్లాన్ 84 రోజుల వాలిడిటీతో వస్తుంది. ఈ చెల్లుబాటుకాలంలో రోజుకు 3GB డేటా అందుబాటులో ఉంటుంది మరియు దీని తరువాత ఇంటర్నెట్ 64Kbps కి తగ్గించబడుతుంది. అంతేకాకుండా అపరిమిత జియో కాల్‌లు, అలాగే జియోతో సహా ఇతర నెట్‌వర్క్‌లకు అపరిమిత ఉచిత వాయిస్ కాల్‌లు మరియు రోజుకు 100 SMSలతో పాటుగా జియో యొక్క అన్ని రకాల యాప్ లకు ఉచిత యాక్సిస్ లభిస్తుంది.

Vi టెలికాం యొక్క రూ.901 ప్రీపెయిడ్ ప్లాన్ 84 రోజుల వ్యాలిడిటీని కవర్ చేస్తుంది. ఈ వ్యవధిలో రోజుకు 3GB డేటాను మీకు అందిస్తుంది. అదనంగా డిస్నీ ప్లస్ హాట్‌స్టార్ సభ్యత్వం కూడా ఉంది. డిస్నీ ప్లస్ హాట్‌స్టార్ సభ్యత్వానికి ఒక సంవత్సరం లైసెన్స్ ఉంది. ఈ ప్లాన్ అపరిమిత ఉచిత కాలింగ్ మరియు 100 ఉచిత SMS ఫీచర్లను కూడా అందిస్తుంది. అదనంగా 48 GB డేటాను కూడా అందిస్తుంది. అలాగే డేటా రోల్‌ఓవర్ మరియు Vi యాప్‌ల ప్రయోజనాలు కూడా ఉన్నాయి. ఈ ప్లాన్‌ను కొనుగోలు చేసే Vi వినియోగదారులు ఎటువంటి FUP పరిమితి లేకుండా అపరిమిత డేటాను పొందుతారు.