ప్రతి నెలా 100 జిబి ఉచిత డేటాతో జియో ఫైబర్ బ్రాండ్ !

జియోకు, ఆర్‌కామ్‌..

జియోకు, ఆర్‌కామ్‌కు మధ్య జరుగుతున్న ఈ డీల్‌లో ఆర్‌కామ్‌కు చెందిన 850, 900, 1800, 2100 మెగాహెడ్జ్‌ బ్యాండ్స్‌లో 122.4 యూనిట్ల 4జీ ఎయిర్‌వేవ్స్‌ను జియో కొనుగోలు చేస్తోంది.తమ్ముడు నష్టాల్లో కూరుకుపోవడంతో రిలయన్స్ కమ్యూనికేషన్ ను జియో కొనుగోలు చేసిన సంగతి విదితమే.

ఒప్పందంలో భాగంగా

ఈ ఒప్పందంలో భాగంగా 1,78,000 కిలోమీటర్ల ఫైబర్‌, 43వేల టవర్లు జియో పరం కానున్నాయి. ఇప్పటికే వైర్‌లెస్‌ మార్కెట్‌లో తనదైన ముద్ర వేసుకున్న జియో, 1,78,000 కిలీమీటర్లకు పైగా ఫైబర్‌ నెట్‌వర్క్‌తో భవిష్యత్తులో టెలికాం దిగ్గజాలకు భారీ షాక్ ఇవ్వనుందని వార్తలు వస్తున్నాయి.

3,00,000 కిలోమీటర్ల..

జియోకి ఇప్పటి వరకు 3,00,000 కిలోమీటర్ల ఫైబర్‌ నెట్‌వర్క్‌ ఉందని రిపోర్టులు తెలియజేస్తున్నాయి. గ్రామ గ్రామాలకు జియోని విస్తరించాలంటే మరింత పైబర్ నెట్ వర్క్ అవసరం ఎంతైనా ఉంది.

ఆర్‌కామ్‌ ఫైబర్‌ నెట్‌వర్క్‌ను..

ఇప్పుడు ఆర్‌కామ్‌ ఫైబర్‌ నెట్‌వర్క్‌ను దక్కించుకున్న అనంతరం ఎక్కువ ప్రాంతాల్లో, చాలా వేగవంతంగా దీన్ని లాంచ్‌ చేయడానికి వీలవుతుందని టెక్‌ వర్గాలు తెలిపాయి.

మూడు నెలల ట్రయల్‌ నేపథ్యంలో..

ఉచితంగా మూడు నెలల ట్రయల్‌ నేపథ్యంలో జియో ఎంపికచేసిన ప్రాంతాల్లో జియోఫైబర్‌ను అందుబాటులో ఉంచింది. జియోఫైబర్ ద్వారా కనీసం 100 ఎంబీపీఎస్ స్పీడుతో ఇంటర్నెట్‌ను వాడుకోవచ్చు.

డేటా లిమిట్ దాటితే..

రిపోర్టుల ప్రకారం జియో ఫైబర్ బ్రాడ్‌బ్యాండ్ మొదటి 3 నెలలు ఉచితంగా అందుబాటులోకి రానుంది. నెలకు 100జీబీ చొప్పున యూజర్లకు డేటా ఉచితంగా లభిస్తుంది. 100 జీబీ డేటాను 100 ఎంబీపీఎస్ స్పీడ్‌తో వాడుకోవచ్చు.డేటా లిమిట్ దాటితే స్పీడ్ 1 ఎంబీపీఎస్‌కు పడిపోతుంది. ఇక ఇందుకోసం రూ.4500 వరకు సెక్యూరిటీ డిపాజిట్‌ను జియో వసూలు చేయవచ్చని తెలిసింది.