Reliance JioPages బ్రౌజర్‌ కొత్త అప్‌డేట్ లోని ఫీచర్లను గమనించారా!!!

 

జియోపేజెస్ వెబ్ బ్రౌజర్‌ కొత్త అప్‌డేట్

జియోపేజెస్ వెబ్ బ్రౌజర్‌ కొత్త అప్‌డేట్ లో భాగంగా ఇప్పుడు ఇది సెర్చ్ ఇంజన్ సపోర్ట్, షార్ట్ వీడియో సపోర్ట్ మరియు యూజర్ ఇంటర్‌ఫేస్ మెరుగుదలలు వంటి కొత్త ఫీచర్లను బ్రౌజర్‌లో అందుబాటులోకి తీసుకువచ్చింది. వినియోగదారుల డిమాండ్ ఆధారంగానే ఈ మూడు ఫీచర్లను కొత్తగా జోడించినట్లు జియో సంస్థ పేర్కొంది. జియోపేజెస్ బ్రౌజర్‌లో ఈ కొత్త ఫీచర్లను ప్రారంభించాలి లేదా వాటిని ఒకసారి ప్రయత్నించాలనుకుంటే కనుక మీ ఫోన్‌లో JioPages v2.0.1 ఇన్‌స్టాల్ చేయబడిందని నిర్ధారించుకొండి. వాటిని ఎలా ప్రారంభించాలో తెలుసుకోవడానికి ముందుకు చదవండి.

Also Read: Airtel యూజర్లకు ఉచితంగా 5GB డేటా!! అయితే వీరికి మాత్రమే...

JioPages డక్‌డక్‌గో సెర్చ్ ఇంజిన్‌ ఫీచర్

కుడివైపు దిగువ మూలలో గల హాంబర్గర్ చిహ్నంపై JioPages యాప్ మరియు ట్యాబ్‌ను ఓపెన్ చేయండి. తరువాత సెట్టింగులకు వెళ్లి డక్‌డక్‌గోను సెర్చ్ ఇంజిన్‌గా ఎంచుకోండి.

JioPages లో షార్ట్ వీడియోల ఫీచర్

షార్ట్ వీడియోల ఫీచర్ ఇప్పుడు JioPagesలో కూడా అందుబాటులో ఉంది. వినియోగదారులు ఇప్పుడు వాటిని నేరుగా తమ యొక్క వెబ్ బ్రౌజర్‌లోనే చూడవచ్చు. దీని కోసం ప్రత్యేకమైన విభాగం కూడా ఉంది. ఇక్కడ వినియోగదారులు ఎంటర్టైన్మెంట్, టెక్, లైఫ్ స్టైల్, ట్రావెల్ వంటి వివిధ రకాల వీడియోలను చూడవచ్చు. వాటిని చూడటానికి దిగువ భాగంలో గల ఎక్సప్లోర్ విభాగంలోకి వెళ్లి షార్ట్ వీడియోల రీల్‌కు క్రిందికి స్క్రోల్ చేయండి. వ్యూ మోర్ మీద నొక్కడంతో వీటిలో మరిన్ని వీడియోలను చూడవచ్చు.

 

JioPages నావిగేషన్ & ఎగ్జిట్ బటన్లు

JioPages లోని నావిగేషన్‌ను సులభతరం చేయడానికి కొత్తగా నావిగేషన్ మరియు ఎగ్జిట్ బటన్లను జోడించింది. ఎక్కువ పేజీల ద్వారా నావిగేట్ చెయ్యడానికి వినియోగదారులు దిగువ భాగంలో ఎడమవైపున గల <> చిహ్నాలను నొక్కవచ్చు. అలాగే క్రొత్తగా చేర్చిన ఎగ్జిట్ బటన్ ను దిగువ భాగంలో గల హాంబర్గర్‌లో ఉంచబడి ఉంది.