కొత్త Jio Phone లాంచ్ డేట్ వచ్చేసింది ! ధర ,ఫీచర్ల వివరాలు చూడండి

జియోఫోన్ నెక్స్ట్ అనేది గూగుల్ ప్లే స్టోర్, గూగుల్ అసిస్టెంట్ మరియు మరిన్నింటికి మద్దతుతో పూర్తి స్థాయి స్మార్ట్‌ఫోన్ గా ఉండబోతోంది. ఈ స్మార్ట్‌ఫోన్ సెప్టెంబర్ 10 న కొనుగోలు చేయడానికి అందుబాటులోకి వస్తుంది. ఇక్కడ మేము ఈ సరసమైన 4G స్మార్ట్‌ఫోన్ గురించి మనకు తెలిసిన విషయాలు పరిశీలిద్దాం.

JioPhone Next: ఇండియా ధర

రిలయన్స్ జియో బడ్జెట్ స్మార్ట్ ఫోన్ ధరను ఇంకా వెల్లడించలేదు. అయితే, రిలయన్స్ ఇండస్ట్రీస్ ఛైర్మన్ ముఖేష్ అంబానీ ఈ స్మార్ట్‌ఫోన్ ప్రపంచంలో అత్యంత సరసమైన 4G స్మార్ట్‌ఫోన్ అని పేర్కొన్నారు. ప్రస్తుతం, చౌకైన 4G స్మార్ట్‌ఫోన్ లాంచ్ ధరల ప్రకారం శామ్‌సంగ్ గెలాక్సీ M01 కోర్ రూ. 4,999 ధర వద్ద అందుబాటులో ఉంది. అంటే, JioPhone Next కూడా ధర రూ .5,000 లోపు ఉంటుంది.

JioPhone Next: లాంచ్ తేదీ

రిలయన్స్ తన AGM సమయంలో జియోఫోన్ నెక్స్ట్ సెప్టెంబర్ 10 నుండి గణేష్ చతుర్థి సందర్భంగా అమ్మకానికి అందుబాటులో ఉంచబడుతుందని ప్రకటించింది.

JioPhone Next: ఫీచర్లు

జియోఫోన్ నెక్స్ట్ ఒక పాలికార్బోనేట్ బ్యాక్ తో పాటు టాప్ సెంటర్‌లో పిల్ ఆకారంలో ఉన్న కెమెరా మాడ్యూల్‌తో కనిపిస్తోంది. కెమెరా మాడ్యూల్‌లో సింగిల్ లెన్స్ మరియు LED ఫ్లాష్ ఉంటుంది. అంతే కాకుండా, వెనుక ప్యానెల్‌లో స్పీకర్ గ్రిల్‌తో పాటు జియో బ్రాండింగ్ కూడా ఉంటుంది. ముందు ప్యానెల్‌లో సెల్ఫీ కెమెరాతో పాటు మందపాటి టాప్ మరియు బాటమ్ బెజెల్‌లు ఉంటాయి.స్మార్ట్‌ఫోన్ స్పెక్స్‌ని అధికారికంగా ప్రకటించనప్పటికీ, జియో ఈ పరికరం 4G కనెక్టివిటీతో వస్తుందని ప్రకటించింది. దానితో పాటుగా, ఆండ్రాయిడ్ యొక్క ప్రత్యేక వెర్షన్‌ను అమలు చేయనున్నట్లు కంపెనీ ప్రకటించింది. అయితే, కెమెరా గో యాప్ ప్రచార చిత్రాలలో ఒకదానిలో కనిపించింది, తద్వారా పరికరం ఆండ్రాయిడ్ గో తో పనిచేస్తుందని సూచించింది.

ఫీచర్లు

స్మార్ట్‌ఫోన్‌లో గూగుల్ అసిస్టెంట్, టెక్స్ట్-టు-స్పీచ్ సామర్థ్యాలు, భాషా అనువాదం, AR ఫిల్టర్‌లతో కూడిన స్మార్ట్ కెమెరా ఫీచర్లు ఉంటాయి.ఈ ఫీచర్లు కాకుండా, "తాజా ఆండ్రాయిడ్ విడుదల మరియు సెక్యూరిటీ అప్‌డేట్‌ల" కోసం వినియోగదారులకు మద్దతును అందిస్తామని గూగుల్ ప్రకటించింది. కెమెరా యాప్‌ను గూగుల్ మరియు జియో కలిసి రూపొందించాయి మరియు నైట్ మోడ్, HDR మెరుగుదల మరియు స్నాప్‌చాట్ AR ఫిల్టర్‌లు వంటి ఫీచర్లతో వస్తుంది. లీక్‌ అయిన వివరాల ప్రకారం, ఈ పరికరం యునిసోక్ SoC తో పాటు 4GB RAM మరియు 32GB ఇంటర్నల్ స్టోరేజ్‌తో రావొచ్చని అంచనా వేస్తున్నారు. ఈ లీక్ అయిన వివరాలను కంపెనీ అధికారికంగా ధృవీకరించలేదు గమనించండి.