ఫ్రీడమ్ 251.. 6 కోట్ల రిజిస్ట్రేషన్లు?

By Sivanjaneyulu

| Updated: Sunday, February 21, 2016, 11:59 [IST]

రూ.251కే స్మార్ట్‌ఫోన్‌ను అందిస్తున్నామని రింగింగ్ బెల్స్ సంస్థ ప్రకటించంతో దేశవ్యాప్తంగా పెద్ద దుమారమే చెలరేగింది. ఫ్రీడమ్ 251 పేరుతో ఆవిష్కరించబడిన ఈ మేక్ ఇన్ ఇండియా స్మార్ట్‌ఫోన్‌ను సొంతం చేసుకునేందుకు చాలా మంది ఆసక్తిని కనబరిచారు. ఈ నేపథ్యంలో గురువారం ఉదయం నుంచి ప్రారంభమైన ఈ ఫోన్ బుకింగ్స్‌కు అడుగడుగుగా అవాంతరాలే ఎదురయ్యాయి. ఆది నుంచి ఫ్రీడమ్ 251 వెబ్‌సైట్ మెరాయిస్తుండటంతో నెటిజనులు తమ అసహనాన్ని వ్యక్తం చేస్తూనే ఉన్నారు.

ఇన్ని అవాంతరాలు ఎదరైనప్పటికి ఫ్రీడమ్ 251 ఫోన్‌లకు సంబంధించి శుక్రవారం నాటికి దాదాపు 5 కోట్ల రిజిస్ట్రేషన్లు పొందామని రింగింగ్ బెల్స్ చెబుతోంది. కేవలం రెండు రోజుల వ్యవధిలో ఈ స్థాయిలో రిజిస్ట్రేషన్‌లు జరగటం విశ్లేషకులను సైతం కలవరపరుస్తోంది. ఒక్కో మెయిల్ ఐడీ పై ఒక ఫోన్‌ను మాత్రమే బుక్ చేసుకునేలా రింగింగ్ బిల్స్ నిబంధనను సెట్ చేసినప్పటికి ఈ స్థాయిలో రిజిస్ట్రేషన్లు జరగడమనేది ఆసక్తికర చర్చకు దారి తీస్తోంది.

Read More : కొత్త ల్యాప్‌టాప్ కొంటున్నారా..? ఇవి గుర్తుపెట్టుకోండి

ఎంతో ఖర్చు పెడుతున్నాం, ఈ అతితక్కువ ఖరీధైన ఫోన్ కోసం 250 రూపాయిలు ఖర్చుపెడితే వచ్చే నష్టమేంటి.. పోతే 250 రూపాయిలు, వస్తే ఓ స్మార్ట్‌ఫోన్ అని ఫిక్స్ అయి యువత ఈ స్మార్ట్‌ఫోన్‌ల కోసం ఎగబడినట్లు విశ్లేషకులు అభిప్రాయపడుతున్నారు.

Read More : బాత్రూమ్‌లో ఫోన్ వాడే అలవాటుందా..?

మొదటి ఫేజ్‌లో 25 లక్షల ఫోన్ల వరకే అందిస్తామని చెప్పిన రింగింగ్ బెల్స్ తమ అంచనాలు మించి డిమాండ్ రావటంతో బుకింగ్ ప్రక్రియను ఇంతటితో నిలిపివేస్తున్నట్లు వెల్లడించింది. ఈ ఫోన్‌లకు సంబంధించిన డెలివరీ ప్రక్రియను ఏప్రిల్ 10 నుంచి ప్రారంభంచి జూన్ 30లోపు పూర్తి చేస్తామని రింగింగ్ బెల్స్ సంస్థ అధ్యక్షుడు అశోక్ చద్దా ఆశాభావం వ్యక్తం చేసారు.

Read More : రూ.68కే ఐఫోన్ 5ఎస్, స్నాప్‌డీల్‌లో సంచలనం!

ఫస్ట్ కమ్.. ఫస్ట్ సర్వ్ ప్రాతిపదికన ఈ ఫోన్‌లు డెలివరీ చేయబడతాయని చద్దా IANSకు తెలిపారు. మరోవైపు రింగింగ్ బెల్స్ సంస్థ అందిస్తోన్న రూ.251 స్మార్ట్‌ఫోన్ పథకం పై విచరాణ జరపాలని ఎలక్ట్రానిక్స్, ఐటీ శాఖ కార్యదర్శి అరుణా శర్మను టెలికాం శాఖ మంత్రి రవిశంకర్ ప్రసాద్ కోరారు.