పాలు, కిరాణా వస్తువుల హోమ్ డెలివరీల కోసం రోబోలు!! ఎక్కడో తెలుసా??

OTSAW డిజిటల్ సంస్థ అభివృద్ధి చేసిన "కామెల్లో" రోబోను ఉపయోగించి ఒక సంవత్సరం ట్రయల్ లో భాగంగా సింగపూర్ ప్రాంతంలోని 700 గృహాలకు హోమ్ డెలివరీలను అందించడం కోసం వీటిని ఉపయోగిస్తున్నారు. వినియోగదారులు తమకు కావలసిన పాలు మరియు గుడ్లను డెలివరీ స్లాట్‌లలో బుక్ చేసుకోవచ్చు. రోబోట్ పిక్-అప్ పాయింట్‌కు అపార్ట్మెంట్ భవనం యొక్క లాబీకి చేరుకోబోతున్న సమయంలో ఒక యాప్ వినియోగదారులకు తెలియజేస్తుంది.

హోమ్ డెలివరీల కోసం ఉపయోగించే ఈ రోబోట్ 3D సెన్సార్లు, ఒక కెమెరా మరియు లగేజీ కోసం రెండు కంపార్ట్‌మెంట్లను కలిగ ఉంటుంది. ఈ రోబోలు ఒక్కొక్కటి ఆన్‌లైన్‌లో ఆర్డర్‌ చేసిన వాటిలో ఒక సారి 20 కిలోల (44 LB) వరకు తీసుకువెళ్ళగలవు. ఇవి సాధారణ వారపు రోజులలో రోజుకు నాలుగు లేదా ఐదు డెలివరీలను చేస్తాయి. ప్రతి ట్రిప్ తర్వాత ఈ రోబోలు తమను తాము క్రిమిసంహారకం చేయడానికి అతినీలలోహిత కాంతిని ఉపయోగిస్తాయని OTSAW డిజిటల్ యొక్క చీఫ్ ఎగ్జిక్యూటివ్ లింగ్ టింగ్ మింగ్ అన్నారు.

కరోనా మహమ్మారి సమయంలో ప్రతి ఒక్కరూ కాంటాక్ట్‌లెస్, హ్యూన్‌లెస్ వైపు చూస్తున్నారు అని OTSAW డిజిటల్ యొక్క చీఫ్ ఎగ్జిక్యూటివ్ రాయిటర్స్‌తో తెలిపారు. ప్రస్తుతానికి ఎటువంటి సమస్యలు తలెత్తకుండా చూసేందుకు సిబ్బంది తమ రౌండ్లలో రోబోలతో పాటు వెళతారు.

ఈ రోబోట్ హోమ్ డెలివరీ సేవను ప్రయత్నించిన 25 ఏళ్ల తాష్ఫిక్ హైదర్ మాట్లాడుతూ ఇది వృద్ధులకు చాలా సహాయకారిగా ఉంటుంది. దీని ద్వారా వారు తమకు కావలసిన వస్తువులను ఇంటి బయటకు వెళ్లకుండా సురక్షితంగా పొందడానికి అవకాశం ఉంటుంది. కానీ మరొకరు ఈ కొత్త టెక్నాలజీ కొంతమందికి చాలా ఇబ్బంది కలిగిస్తుందని అభిప్రాయపడ్డారు. యువకులు దీన్ని అధికంగా ఇష్టపడతారు. కానీ పాత తరం వారు వీటిని ఇష్టపడటం లేదు. ఎందుకంటే ఇవి యువకులు ఇష్టపడే గాడ్జెట్లు అని 36 ఏళ్ల గృహిణి జు యా యా జిన్ అన్నారు.