రూ.49కే 25GB డేటా లూటీ.. జియో, ఎయిర్‌టెల్, Viల బంపరాఫర్లు మీకోసం..

ప్రస్తుతం టెలికాం రంగంలో పోటీ తీవ్రంగా ఉంది. వినియోగదారులను ఆకర్షించడానికి జియో, ఎయిర్‌టెల్, వొడాఫోన్ ఐడియా (Vi) వంటి సంస్థలు సరికొత్త రీఛార్జ్ ప్లాన్లను ప్రకటిస్తున్నాయి. ముఖ్యంగా తక్కువ కాలానికి ఎక్కువ డేటా, ఓటీటీ సబ్‌స్క్రిప్షన్లు, అపరిమిత కాలింగ్ వంటి ప్రయోజనాలను అందించే ప్లాన్లకు విపరీతమైన డిమాండ్ ఉంది.

మీ అవసరాలకు తగిన ప్లాన్‌ను ఎంచుకోవడం ఇప్పుడు చాలా సులువైపోయింది. ఒక్క రోజు డేటా కావాలన్నా, నెట్‌ఫ్లిక్స్ చూడాలన్నా.. అన్ని రకాల ఆప్షన్లూ అందుబాటులో ఉన్నాయి.

* జియో సూపర్ ఆఫర్: రూ.49తో 24 గంటలూ డేటా

జియో తన వినియోగదారుల కోసం సరికొత్త రూ.49 ప్లాన్‌ను తీసుకొచ్చింది. దీని ద్వారా కేవలం 24 గంటల్లోనే ఏకంగా 25 GB హై-స్పీడ్ డేటాను పొందవచ్చు. ఒకవేళ ఈ డేటా అయిపోతే, స్పీడ్ 64 Kbpsకు తగ్గుతుంది. కానీ ఇందులో వాయిస్ కాల్స్ లేదా SMS సౌకర్యం లేదు.

ఒక్క రోజులో భారీగా డేటా కావాలనుకునే వారికి, ముఖ్యంగా సినిమాలు చూడాలన్నా, పెద్ద ఫైళ్లు డౌన్‌లోడ్ చేసుకోవాలన్నా ఈ ప్లాన్ చాలా ఉపయోగపడుతుంది. ఈ రీఛార్జ్ చేసుకోవడానికి MyJio యాప్, జియో వెబ్‌సైట్ లేదా బజాజ్ ఫిన్‌సర్వ్ వంటి మార్గాలు అందుబాటులో ఉన్నాయి.

అయితే, ఈ ప్లాన్ యాక్టివేట్ చేసుకోవడానికి యాక్టివ్ బేస్ ప్లాన్ ఉండటం తప్పనిసరి. అలాగే మిగిలిపోయిన డేటా తర్వాత వాడుకోవడానికి ఉండదు.

* ఇతర జియో డేటా ప్యాక్స్

జియో కేవలం భారీ ప్లాన్‌లే కాదు, చిన్న డేటా ప్యాక్‌లను కూడా అందిస్తోంది. రూ.19తో 1 GB డేటా ఒక్క రోజు కోసం, రూ.11తో 10 GB డేటా ఒక్క గంట కోసం, అలాగే రూ.29తో 2 GB డేటా 2 రోజుల కోసం పొందవచ్చు. ఎవరి అవసరాలకు తగ్గట్టు వారు ఈ ప్యాక్‌లను ఎంచుకోవచ్చు.

ఈ ప్లాన్లను కూడా MyJio యాప్, వెబ్‌సైట్ లేదా ఇతర అధీకృత వేదికల ద్వారా రీఛార్జ్ చేసుకోవచ్చు.

* ఎయిర్‌టెల్ రూ49 ప్లాన్: ఒక్క రోజు అన్‌లిమిటెడ్ డేటా!

జియోకి పోటీగా ఎయిర్‌టెల్ కూడా ₹49 ప్లాన్‌ను అందిస్తోంది. ఇందులో 24 గంటల పాటు అన్‌లిమిటెడ్ హై-స్పీడ్ డేటా లభిస్తుంది. అయితే, ఇందులో కాలింగ్, SMS లేదా ఓటీటీ బెనిఫిట్స్ ఏమీ ఉండవు. కేవలం బ్రౌజింగ్, స్ట్రీమింగ్, డౌన్‌లోడింగ్ వంటి పనుల కోసం ఈ ప్లాన్ బాగా ఉపయోగపడుతుంది.

ఎయిర్‌టెల్ ప్లాన్ కూడా యాక్టివేట్ చేసుకోవడానికి బేస్ ప్లాన్ తప్పనిసరి. ఎయిర్‌టెల్ యాప్, వెబ్‌సైట్ లేదా ఇతర థర్డ్-పార్టీ ప్లాట్‌ఫామ్స్ ద్వారా దీన్ని రీఛార్జ్ చేసుకోవచ్చు.

* Vi రూ.49 ప్లాన్

వొడాఫోన్ ఐడియా (Vi) కూడా ₹49 ప్లాన్‌ను అందిస్తోంది. ఇందులో 20 GB హై-స్పీడ్ డేటా ఒక రోజు వ్యాలిడిటీతో లభిస్తుంది. ఇందులో కూడా వాయిస్ కాల్స్ లేదా SMS బెనిఫిట్స్ ఉండవు. అత్యవసరంగా డేటా కావాల్సిన వారికి ఈ ప్లాన్ బెస్ట్ ఆప్షన్.

Vi వెబ్‌సైట్‌ను సందర్శించి, రూ.49 ప్లాన్‌ను ఎంచుకుని, మీ మొబైల్ నంబర్ ఎంటర్ చేసి, ఆన్‌లైన్ ద్వారా పేమెంట్ చేయవచ్చు.

* జియో ప్లాన్‌తో నెట్‌ఫ్లిక్స్ ఫ్రీ

సినిమాలు, వెబ్ సిరీస్‌లు చూసేవారికి జియో అదిరిపోయే ఆఫర్ ప్రకటించింది. రూ.1799 రీఛార్జ్ చేసుకుంటే చాలు, ఏకంగా 84 రోజుల పాటు నెట్‌ఫ్లిక్స్ ఉచితంగా చూడొచ్చు.

అంతేకాదు, అన్‌లిమిటెడ్ కాల్స్, రోజుకు 100 SMSలు కూడా ఉన్నాయి. రోజుకు 3 GB హై-స్పీడ్ డేటా చొప్పున మొత్తం 252 GB డేటా లభిస్తుంది. జియో సినిమా యాక్సెస్ కూడా ఉచితం. ఈ ప్లాన్‌ను MyJio యాప్ లేదా జియో వెబ్‌సైట్ ద్వారా రీఛార్జ్ చేసుకోవచ్చు.