మొట్టమొదటి వొంపు తిరిగిన వోఎల్ఈడి టీవీని ఆవిష్కరించిన సామ్‌సంగ్!

కన్స్యూమర్ ఎలక్ట్రానిక్ షో 2013లో భాగంగా సామ్‌సంగ్ వినూత్న ఆవిష్కరణకు మంగళవారం శ్రీకారం చుట్టుంది. ప్రపంచపు తొలి వొంపు (కర్వుడ్) తిరిగిన వోఎల్ఈడి టెలివిజన్‌ను ఈ వేదిక పై సామ్‌సంగ్ ప్రకటించింది. ఈ కొత్త తరహా టెలివిజన్‌లో ఏర్పాటు చేసిన ప్రత్యేక ఫీచర్లు యూజర్ వీక్షణ అనుభూతులను మరింతగా రెట్టింపు చేస్తాయి. ముఖ్యంగా ప్రకృతికి సంబంధించి వీక్షించే సన్నివేశాలు రియాల్టీ భావనకు లోను చేస్తాయని ఆవిష్కరణ సందర్భంగా కంపెనీ వర్గాలు పేర్కొన్నాయి. ఈ టీవీ ద్వారా ఖచ్చితమైన వీడియో అనుభూతులను ఏ కోణం నుంచైనా ఆస్వాదించవచ్చు.

ఎల్‌జి స్మార్ట్ ఎల్ఈడి టీవీ:

ఈ ప్రతిష్టాత్మక ట్రేడ్ ఎగ్జిబిషన్‌లో భాగంగా ఎల్‌జి నియర్ ఫీల్డ్ కమ్యూనికేషన్ (ఎన్ఎఫ్‌సీ) స్మార్ట్‌టీవీలను ప్రదర్శించే యోచనలో ఉన్నట్లు పుకార్లు వినిపిస్తున్నాయి. ఇప్పటికే ఎల్ఈడి, యూహెచ్‌డి, 4కె శ్రేణి టీవీలను ఎల్‌జి ప్రకటించిన విషయం తెలిసిందే.