Samsung బ్రాండ్ ఫ్రీస్టైల్ అల్ట్రా-పోర్టబుల్ ప్రొజెక్టర్ లాంచ్ అయింది!! ధర కొద్దిగా ఎక్కువే...

| Updated: Wednesday, March 30, 2022, 18:12 [IST]

కన్స్యూమర్ ఎలక్ట్రానిక్స్ బ్రాండ్ శామ్సంగ్ నేడు ఇండియాలో నేడు కొత్తగా ది ఫ్రీస్టైల్ పేరుతో ఒక ప్రొజెక్టర్ ని విడుదల చేసింది. ఒక స్మార్ట్ స్పీకర్ పరిమాణంలో గల ది ఫ్రీస్టైల్ యాంబియంట్ లైటింగ్ పోర్టబుల్ ప్రొజెక్టర్ డివైస్ తేలికైనదిగా లాంచ్ చేస్తున్నట్లు ప్రకటించింది. తరచూ ప్రయాణం చేయడానికి ఇష్టపడే వ్యక్తులకు ఇది ఒక గొప్ప ఎంపికగా ఉంటుంది. ఈ ఫ్రీస్టైల్ ప్రొజెక్టర్ 100-అంగుళాల (2 బై 54 సెం.మీ) వరకు స్క్రీన్ పరిమాణాలతో వీడియోను ప్రొజెక్ట్ చేయగలదు. విశేషమైన విషయం ఏమిటంటే దాని పోర్టబుల్ పరిమాణం దానిని చుట్టూ తీసుకెళ్లడానికి అనుమతిస్తుంది. Samsung ఫ్రీస్టైల్ ప్రొజెక్టర్ 30-అంగుళాల నుండి 100-అంగుళాల వీడియోను 180-డిగ్రీల రొటేషన్ మరియు క్రెడిల్ డిజైన్‌లతో ప్రొజెక్ట్ చేయగలదు. దీని గురించి మరిన్ని వివరాలు తెలుసుకోవడానికి ముందుకు చదవండి.

శామ్సంగ్ బ్రాండ్ యొక్క ఫ్రీస్టైల్ కొత్త ప్రొజెక్టర్ ఫోటోలు మరియు వీడియోల కోసం వీక్షణ కోణాలను కేవలం కొన్ని క్లిక్‌లతో సెట్ చేయడానికి వీలుగా ఉంటుంది. ఈ డివైస్ యొక్క బరువు కేవలం 800 గ్రాములు మాత్రమే ఉండడం దీని యొక్క ప్రత్యేకత. ఇది చాలా తేలికగా ఉన్నందున దీనిని సులభంగా ఎక్కడికైనా తీసుకొని వెళ్ళడానికి వీలుగా ఉంటుంది. ఈ ప్రొజెక్టర్‌ను టేబుల్, ఫ్లోర్, గోడలు లేదా సీలింగ్‌పై కూడా ఉంచవచ్చు.

Intel కోర్-i9-12900KS: 5.5 GHz టర్బో ఫ్రీక్వెన్సీ డెస్క్‌టాప్ ప్రాసెసర్ ను లాంచ్ చేసింది!! పూర్తి వివరాలు ఇవిగ Intel కోర్-i9-12900KS: 5.5 GHz టర్బో ఫ్రీక్వెన్సీ డెస్క్‌టాప్ ప్రాసెసర్ ను లాంచ్ చేసింది!! పూర్తి వివరాలు ఇవిగ

శామ్సంగ్ ఫ్రీస్టైల్ కొత్త ప్రొజెక్టర్ యొక్క ప్రత్యేకత విషయానికి వస్తే వీడియో ప్రొజెక్షన్ కోసం వైట్ బ్యాక్ గ్రౌండ్ అవసరం లేదు. ఎందుకంటే ఇది మీ గోడ యొక్క రంగు ఆధారంగా స్వయంచాలకంగా సెట్ చేయబడుతుంది. ఫోటోల నాణ్యతను మెరుగుపరచడానికి పరికరం ఆటో కీస్టోన్, ఆటో-లెవలింగ్ మరియు ఆటోఫోకస్ ఫీచర్‌లతో వస్తుంది. ఈ ఫీచర్‌లను ఉపయోగించి మీరు దాని స్క్రీన్‌ని ఏదైనా ఫ్లాట్ ఉపరితలంపై ఏ కోణంలోనైనా అమర్చవచ్చు. Samsung యొక్క ఫ్రీస్టైల్ ప్రొజెక్టర్ నెట్‌ఫ్లిక్స్, Hulu, యూట్యూబ్, డిస్నీ హాట్‌స్టార్ మరియు ప్రైమ్ వీడియోలకు కూడా మద్దతు ఇస్తుంది. ఇది OTT ప్లాట్‌ఫారమ్‌తో మొదటి సర్టిఫైడ్ ప్రొజెక్టర్‌గా నిలిచింది. ఫ్రీస్టైల్ ఛార్జింగ్ కోసం C-రకం పవర్ కనెక్షన్‌ని కలిగి ఉంది మరియు Galaxy పరికరాలతో సమకాలీకరించబడుతుంది.

శామ్సంగ్ ఫ్రీస్టైల్ కొత్త ప్రొజెక్టర్ ధరల వివరాలు

శామ్సంగ్ ఫ్రీస్టైల్ అల్ట్రా-పోర్టబుల్ ప్రొజెక్టర్ ఇండియాలో రూ.84,990 ధర వద్ద లాంచ్ అయింది. ఇది శామ్‌సంగ్ అధికారిక ఆన్‌లైన్ స్టోర్, Samsung షాప్ మరియు అమెజాన్‌లో కొనుగోలు చేయడానికి అందుబాటులో ఉంటుంది. వినియోగదారులు రూ.5000 వరకు తక్షణ క్యాష్‌బ్యాక్‌ను కూడా పొందవచ్చు. పరిమిత వ్యవధి ఆఫర్‌లో 31 మార్చి 2022 రాత్రి 11.59 గంటల లోపు ఈ ఫ్రీస్టైల్‌ను కొనుగోలు చేసే వినియోగదారులు రూ.5,900 విలువైన ది ఫ్రీస్టైల్ క్యారీ కేస్‌ను ఉచితంగా పొందుతారు. ది ఫ్రీస్టైల్‌ను ప్రీ-రిజర్వ్ చేసుకున్న వినియోగదారులు రూ.4,000 వరకు తగ్గింపును పొందవచ్చు.