శాంసంగ్ బంపర్ ఆఫర్.. ఫ్రిజ్, వాషింగ్ మెషీన్ వారంటీ రూ.349 నుంచే..!

Samsung Care+ Extended Warranty : శాంసంగ్ వినియోగదారులకు శుభవార్త. భారతదేశంలో తమ రిఫ్రిజిరేటర్లు, ఫ్రంట్-లోడ్ వాషింగ్ మెషీన్ల కోసం "శాంసంగ్ కేర్+" పేరుతో కొత్త వారంటీ పొడిగింపు పథకాన్ని ప్రారంభించింది. దీని ముఖ్య ఉద్దేశ్యం ఏమిటంటే, మీరు కొన్న వస్తువులు ఎక్కువ కాలం మన్నికగా ఉండాలని, రిపేర్ల గురించి బెంగ లేకుండా ఉండాలని కోరుకోవడం. అదీ చాలా చాలా తక్కువ ధరలకే.

ఈ అద్భుతమైన అవకాశం 2025, ఏప్రిల్ 30 వరకు అందుబాటులో ఉంటుంది. శాంసంగ్ రిటైల్ స్టోర్లు, వారి అధికారిక వెబ్‌సైట్, లేదా ఇతర అధీకృత దుకాణాల్లో ఈ వారంటీని పొందవచ్చు. ఈ కొత్త పథకంలో భాగంగా, శాంసంగ్ వారంటీ పొడిగింపులపై భారీ తగ్గింపులను అందిస్తోంది. అవేంటంటే..!

* ఫ్రంట్-లోడ్ వాషింగ్ మెషీన్
దీనిపై రెండు సంవత్సరాల అదనపు వారంటీ అసలు ధర రూ.4,290 కాగా, ఇప్పుడు కేవలం రూ.499 కే ఇస్తున్నారు. అంటే, పెద్దగా ఖర్చు లేకుండా మీ వాషింగ్ మెషీన్ ఎక్కువ కాలం పనిచేస్తుంది. ఫ్రిజ్‌లు ముఖ్యంగా ఫ్రెంచ్ డోర్, సైడ్-బై-సైడ్ మోడల్స్‌ పై ఒక సంవత్సరం అదనపు వారంటీ అసలు ధర రూ.4,490.

కానీ, ఆఫర్‌లో కేవలం రూ.449 కే పొందవచ్చు. ఫ్రాస్ట్-ఫ్రీ, 500 లీటర్ల లోపు ఫ్రిజ్‌ మోడల్స్‌ పై ఒక సంవత్సరం వారంటీ అసలు ధర రూ.1,270 ఉండగా, ఇప్పుడు కేవలం రూ.349 కే లభిస్తుంది. ఇది చాలా తక్కువ ధర అని చెప్పవచ్చు. దీంతో భవిష్యత్తులో జరిగే నష్టాల నుంచి మన ఎలక్ట్రానిక్ వస్తువులు కాపాడుకోవచ్చు.

* మీ వస్తువులకు మరింత రక్షణ, మీకు మరింత సౌలభ్యం..
ఎలక్ట్రానిక్ వస్తువులు ఎంతకాలం పనిచేస్తాయోనని చాలామంది ఆందోళన పడుతుంటారు. అలాంటి వారి కోసమే శాంసంగ్ కేర్+ వచ్చింది. తక్కువ ధరకే ఎక్కువ కాలం రక్షణ కల్పించడం ద్వారా, అనుకోకుండా వచ్చే రిపేర్ల నుంచి ఫ్రిజ్, వాషింగ్ మెషీన్లను కాపాడుకోవచ్చు. కస్టమర్ల సంతృప్తే ముఖ్యమని, వారికి మంచి సేవలు అందించాలనే శాంసంగ్ ఆలోచనకు ఇది నిదర్శనం.

* దేశమంతటా సులభంగా అందుబాటులో..
ఈ శాంసంగ్ కేర్+ వారంటీ ప్లాన్లను పొందడం చాలా సులభం. భారతదేశంలో ఎక్కడున్నా సరే, మీకు దగ్గరలోని శాంసంగ్ రిటైల్ స్టోర్‌కు వెళ్లి గానీ, వారి అధికారిక వెబ్‌సైట్ (Samsung.com) ద్వారా గానీ, లేదా ఇతర అధీకృత దుకాణాల్లో గానీ ఈ ప్లాన్‌ను తీసుకోవచ్చు. అందరికీ అందుబాటులో ఉండాలనే ఉద్దేశ్యంతో ఇలా విస్తృతంగా ఏర్పాటు చేశారు.

* నాణ్యతకు, సేవకు శాంసంగ్ నిబద్ధత..
ఈ కొత్త వారంటీ పొడిగింపు పథకం ద్వారా, తాము అమ్మే వస్తువులు నాణ్యమైనవని, ఎక్కువ కాలం మన్నుతాయని శాంసంగ్ మరోసారి భరోసా ఇస్తోంది. ఈ తక్కువ ధర వారంటీ ప్లాన్లు కేవలం మీ వస్తువులకు రక్షణ ఇవ్వడమే కాదు, అమ్మకం తర్వాత కూడా నమ్మకమైన సేవలను అందిస్తూ, శాంసంగ్ బ్రాండ్ పై మీ నమ్మకాన్ని మరింత పెంచుతాయి.

మరి ఇంకెందుకు ఆలస్యం ఇప్పుడే శాంసంగ్ కేర్+ అనే కొత్త స్కీంతో మీ శాంసంగ్ ఎలక్ట్రానిక్ వస్తువుల వారంటీని పొడిగించుకోండి.