సామ్‌సంగ్‌కు భారీ నష్టాలు.. మరో 20 వేల కోట్ల అంచనా?

ఇప్పటికే 2.3 బిలియన్ డాలర్ల నష్టం

గెలాక్సీ నోట్ 7 కారణంగా ఇప్పటికే 2.3 బిలియన్ డాలర్ల నష్టం వాటిల్లిందని ప్రకటించిన సామ్‌సంగ్, ఈ నష్టం విలువ మరో 3 బిలియన్ డాలర్లకు పెరిగే అవకాశముందని అంచనా వేస్తోంది.

మూడో త్రైమాసికంలో...

గెలాక్సీ నోట్ 7 వైఫల్యం కారణంగా ఈ ఏడాది మూడో త్రైమాసికంలో సంస్థకు 2.3 బిలియన్ డాలర్ల నష్టం కలిగిందని సామ్ సంగ్ కొద్ది రోజుల క్రితం ప్రకటించిన విషయం తెలిసిందే.

రానున్న రెండు త్రైమాసిక ఫలితాల్లో..

రానున్న రెండు త్రైమాసిక ఫలితాల్లో మరో 3 బిలియన్ డాలర్లకు పైగా నష్టాలు వచ్చే అవకాశముందని సామ్‌సంగ్ తాజాగా ప్రకటించింది.

25 లక్షల ఫోన్లను వెనక్కితీసుకున్న...

గెలాక్సీ నోట్ 7 ఫోన్ బ్యాటరీలు పేలుతున్నట్లు ఫిర్యాదులు వెల్లువెత్తటంతో దాదాపు 25 లక్షల ఫోన్లను సామ్‌సంగ్ రీకాల్ చేసిన విషయం తెలిసిందే.

కొత్త ఫోన్‌లు ఇచ్చినప్పటికి...

వాటి స్థానంలో కొత్త ఫోన్‌లను ఇచ్చినప్పటికి వాటిలోనూ లోపాలు తలెత్తటంతో నోట్ 7 ఉత్పత్తులపు పూర్తి నిలిపివేస్తున్నట్లు సామ్ సంగ్ ప్రకటించింది. దీంతో అటు ఆదాయ పరంగా, ఇటు బ్రాండ్ వాల్యూ పరంగా సామ్‌సంగ్ దెబ్బతినాల్సిన పరిస్థితి ఏర్పడింది.