ఈ Samsung ఫోన్ ఇండియా ధర వివరాలు లీక్ ! స్పెసిఫికేషన్లు

ఈ నెల ప్రారంభంలో ఎంపిక చేసిన ఆసియా మార్కెట్లలో లాంచ్ చేసిన Samsung Galaxy A06, త్వరలో భారతదేశానికి రానుంది. ఈ హ్యాండ్‌సెట్ లాంచ్‌ను కంపెనీ ఇంకా అధికారికంగా ధృవీకరించలేదు. అయినప్పటికీ, ఈ ఫోన్ యొక్క ర్యామ్ మరియు స్టోరేజ్ వివరాలు వాటి ధరలతో పాటు ఆన్‌లైన్‌లో కనిపించాయి.

ఇది ఇండియా లాంచ్‌ త్వరలో ఉన్నట్లు సూచిస్తుంది. ప్రస్తుత మోడల్ మాదిరిగానే ఈ స్మార్ట్‌ఫోన్ డిజైన్ మరియు ఫీచర్లను అందిస్తుందని భావిస్తున్నారు. ముఖ్యంగా, Samsung Galaxy A06 వియత్నాంలో రెండు RAM మరియు స్టోరేజ్ కాన్ఫిగరేషన్‌లలో లాంచ్ చేయబడింది.

భారతదేశంలో Samsung Galaxy A06 ధర, స్టోరేజీ ఆప్షన్లు లీక్ చేయబడ్డాయి
భారతదేశంలో శాంసంగ్ గెలాక్సీ A06 ప్రారంభ ధర 4GB + 64GB ఆప్షన్ కోసం రూ. 9,999, అయితే 4GB + 128GB వేరియంట్ రూ. 11,499 గా ఉంది. నివేదిక లో ఉన్న డాక్యుమెంట్ ల ప్రకారం ఇది చిల్లర వ్యాపారులను ఉద్దేశించి లీక్ అయిన అధికారిక నోటిఫికేషన్‌గా కనిపిస్తోంది. ఈ ఫోన్ త్వరలో భారత్ మార్కెట్లో కొనుగోలుకు అందుబాటులోకి వచ్చే అవకాశం ఉందని ఇది సూచిస్తుంది.

మలేషియాలో, శాంసంగ్ గెలాక్సీ A06 మూడు రంగుల ఎంపికలలో అందించబడుతుంది - నలుపు, లేత నీలం మరియు లేత ఆకుపచ్చ రంగులలో వస్తుంది.

Samsung Galaxy A06 ఫీచర్ల వివరాలు
శాంసంగ్ గెలాక్సీ A06 స్మార్ట్‌ఫోన్‌ 60Hz రిఫ్రెష్ రేట్‌తో 6.7-అంగుళాల HD+ స్క్రీన్‌తో ప్రారంభించబడింది. ఇది మీడియా టెక్ హీలియో G85 చిప్‌సెట్‌తో, ఆండ్రాయిడ్ 14-ఆధారిత One UI 6 తో షిప్ చేయబడింది. వియత్నామీస్ వేరియంట్ గరిష్టంగా 6GB RAM మరియు 128GB వరకు స్టోరేజీ కి మద్దతు ఇస్తుంది.

ఇక కెమెరా విభాగంలో వివరాలు గమనిస్తే, శాంసంగ్ గెలాక్సీ A06 ఫోన్ 2-మెగాపిక్సెల్ డెప్త్ సెన్సార్‌తో పాటు 50-మెగాపిక్సెల్ ప్రైమరీ రియర్ సెన్సార్‌ను కలిగి ఉంది. ఇది 8-మెగాపిక్సెల్ ఫ్రంట్ ఫేసింగ్ సెల్ఫీ షూటర్‌ను పొందుతుంది. భద్రత కోసం, హ్యాండ్‌సెట్ సైడ్-మౌంటెడ్ ఫింగర్‌ప్రింట్ సెన్సార్‌తో అమర్చబడింది మరియు శాంసంగ్ నాక్స్ వాల్ట్ సెక్యూరిటీ సిస్టమ్‌తో కూడా వస్తుంది.

శాంసంగ్ గెలాక్సీ A06 లో 25W వైర్ ఫాస్ట్ ఛార్జింగ్‌కు మద్దతుతో 5000mAh బ్యాటరీని ప్యాక్ చేసింది. ఫోన్‌లోని కనెక్టివిటీ ఎంపికలలో 4G, Wi-Fi, బ్లూటూత్ 5.3, GPS, 3.5mm ఆడియో జాక్ మరియు USB టైప్-సి పోర్ట్ ఉన్నాయి. హ్యాండ్‌సెట్ పరిమాణం 167.3 x 77.3 x 8.0mm మరియు బరువు 189g గా ఉంది.

గిజ్‌బాట్‌ తెలుగు వెబ్‌సైట్ గాడ్జెట్లు సహా ఇతర టెక్‌ న్యూస్‌కు సంబంధించిన ఆసక్తికరమైన తాజా వార్తలను అందిస్తుంది. వివిధ సోషల్ మీడియా ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా వార్తల కోసం సోషల్‌ మీడియా ఖాతాలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలాగే మీ తోటి స్నేహితులతో ఈ వార్తను పంచుకోగలరు.