శామ్‌సంగ్ గెలాక్సీ A52s 5G కొత్త వేరియంట్లో లాంచ్ అయింది!! ప్రత్యేకత ఏమిటో తెలుసా?

Published: Thursday, October 14, 2021, 16:36 [IST]

ప్రముఖ స్మార్ట్‌ఫోన్‌ తయారీ సంస్థ శామ్‌సంగ్ ఇటీవల ఇండియాలో Samsung Galaxy A52s 5G స్మార్ట్‌ఫోన్‌ను విడుదల చేసింది. అయితే ఇప్పుడు ఈ ఫోన్ కొత్తగా మరొక కలర్ వేరియంట్ లో విడుదలైంది. గెలాక్సీ A- సిరీస్ లైనప్‌లో రెండవ 5G స్మార్ట్‌ఫోన్‌గా విడుదలైన ఈ ఫోన్ లో ఇతర చేర్పులు ఏమి లేవు. అదనంగా హెచ్‌డిఎఫ్‌సి బ్యాంక్ కార్డ్ హోల్డర్‌లకు తక్షణ డిస్కౌంట్‌తో ఈ స్మార్ట్‌ఫోన్ అందించబడుతోంది. శామ్‌సంగ్ గెలాక్సీ A52s 5G సెప్టెంబర్‌లో ప్రారంభించినప్పుడు మూడు కలర్ ఎంపికలలో మాత్రమే అందించబడింది. 5G- ఎనేబుల్డ్ స్మార్ట్‌ఫోన్ ఆండ్రాయిడ్ 11 పై వన్ UI 3 స్కిన్‌ మరియు క్వాల్కమ్ స్నాప్‌డ్రాగన్ 778G SoC, 8GB RAM వంటి ఫీచర్లను కలిగి ఉంది. దీని గురించి మరిన్ని వివరాలను తెలుసుకోవడానికి ముందుకు చదవండి.

గెలాక్సీ A52s 5G కొత్త వేరియంట్ ధరలు

శామ్‌సంగ్ గెలాక్సీ A52s 5G స్మార్ట్‌ఫోన్‌ ఇప్పుడు కొత్తగా అద్భుతమైన మింట్ కలర్ వేరియంట్ లో లాంచ్ అయింది. ఈ మోడల్ 8GB RAM + 256GB స్టోరేజ్ వేరియంట్‌లో మాత్రమే అందుబాటులో ఉంది. దీని యొక్క ధర రూ.37,999. ఇటీవల ఈ ఫోన్ 6GB RAM + 128GB స్టోరేజ్ వేరియంట్ లో రూ.35,999 ధర వద్ద లాంచ్ అయింది. లాంచ్ అయినప్పటి నుండి ఇవి అద్భుతమైన బ్లాక్, అద్భుతమైన పర్పుల్ మరియు అద్భుతమైన వైట్ వంటి మూడు కలర్ ఎంపికలలో అందుబాటులో ఉంది. అదనంగా శామ్‌సంగ్ మిడ్-రేంజ్ స్మార్ట్‌ఫోన్ కొత్త కలర్ ఆప్షన్‌ మీద HDFC బ్యాంక్ క్రెడిట్ మరియు డెబిట్ కార్డ్ హోల్డర్లకు రూ.6,000 వరకు తక్షణ క్యాష్‌బ్యాక్‌తో అందించబడుతోంది. .

శామ్‌సంగ్ గెలాక్సీ A52s 5G స్పెసిఫికేషన్స్

శామ్‌సంగ్ గెలాక్సీ A52s 5G స్మార్ట్‌ఫోన్ యొక్క స్పెసిఫికేషన్స్ విషయానికి వస్తే ఇది డ్యూయల్ సిమ్ (నానో) స్లాట్ కలిగి ఉండి ఆండ్రాయిడ్ 11 పై వన్ UI 3 తో రన్ అవుతుంది. ఇది 6.5-అంగుళాల ఫుల్-హెచ్‌డి+ సూపర్ అమోలెడ్ ఇన్ఫినిటీ-ఓ డిస్‌ప్లే 120Hz రిఫ్రెష్ రేట్‌తో ఫీచర్ చేయబడి ఉంది. అలాగే ఇది హుడ్ కింద ఆక్టా-కోర్ క్వాల్కమ్ స్నాప్‌డ్రాగన్ 778G SoC ద్వారా శక్తిని పొందుతూ 8GB వరకు RAMతో జతచేయబడి ఉంది. క్వాల్కమ్ స్నాప్‌డ్రాగన్ 750G తో వచ్చిన గెలాక్సీ A52 5G కంటే చిప్‌సెట్ ఒక పెద్ద మార్పు.

శామ్‌సంగ్ గెలాక్సీ A52s 5G స్మార్ట్‌ఫోన్ యొక్క ఆప్టిక్స్ విషయానికి వస్తే ఫోటోలు మరియు వీడియోల కోసం వెనుక భాగంలో క్వాడ్ రియర్ కెమెరా సెటప్‌ను కలిగి ఉంది. ఇందులో f/1.8 ఆప్టికల్ ఇమేజ్ స్టెబిలైజేషన్ (OIS) లెన్స్‌తో 64 మెగాపిక్సెల్ ప్రైమరీ సెన్సార్‌, f/2.2 అల్ట్రా-వైడ్ లెన్స్ తో 12 మెగాపిక్సెల్ సెకండరీ సెన్సార్, 5 మెగాపిక్సెల్ మాక్రో షూటర్ మరియు 5 మెగాపిక్సెల్ టెలిఫోటో సెన్సార్ కూడా ఉన్నాయి. అలాగే సెల్ఫీలు మరియు వీడియో కాలింగ్ కోసం ముందు భాగంలో F/2.2 లెన్స్‌తో 32 మెగాపిక్సెల్ సెల్ఫీ కెమెరా సెన్సార్‌ను కలిగి ఉంది.

శామ్‌సంగ్ గెలాక్సీ A52s 5G స్మార్ట్‌ఫోన్ యొక్క స్టోరేజ్ విషయానికి వస్తే స్టాండర్డ్‌గా 128GB ఇంటర్నల్ స్టోరేజ్ ను కలిగి ఉంది. అంతర్నిర్మిత మైక్రో SD కార్డ్ స్లాట్ ద్వారా మెమొరీని 1TB వరకు విస్తరణకు మద్దతు ఇస్తుంది. అలాగే కనెక్టివిటీ ఎంపికలలో 5G, 4G LTE, Wi-Fi, Bluetooth, GPS/ A-GPS, NFC మరియు USB Type-C పోర్ట్ ఉన్నాయి. ఈ ఫోన్ ఇన్-డిస్‌ప్లే ఫింగర్ ప్రింట్ సెన్సార్‌తో కూడా వస్తుంది. అలాగే ఇది 25W సూపర్ ఫాస్ట్ ఛార్జింగ్‌ మద్దతుతో 4,500mAh బ్యాటరీతో ప్యాక్ చేయబడి వస్తుంది. ఈ ఫోన్ IP67 సర్టిఫైడ్ బిల్డ్ కలిగి ఉంది, ఇది దుమ్ము మరియు నీటి నిరోధకతను అందిస్తుంది.