Samsung నుంచి కొత్త F సిరీస్ 5G ఫోన్ లాంచ్ అయింది! ధర,స్పెసిఫికేషన్లు

శాంసంగ్ సంస్థ భారతదేశంలో Samsung Galaxy F34 5G అధికారికంగా లాంచ్ అయింది. ఈ స్మార్ట్ ఫోన్ యొక్క ధర మరియు స్పెసిఫికేషన్‌లు అధికారికంగా వెల్లడయ్యాయి.ఈ ఫోన్ ఫ్లిప్‌కార్ట్-ప్రత్యేకమైన స్మార్ట్‌ఫోన్ అంటే ఫ్లిప్కార్ట్ లో ప్రత్యేకంగా సేల్ కు అందుబాటులో ఉంటుంది. ఈ శాంసంగ్ గెలాక్సీ F34 5G ఫోన్ ధర రూ. 20,000 లోపు ఉంది.

ఈ ఫోన్ ,120Hz sAMOLED డిస్‌ప్లే, 6,000mAh బ్యాటరీ మరియు 50MP ప్రైమరీ కెమెరా వంటి ఫీచర్లను అందిస్తుంది. శాంసంగ్ గెలాక్సీ F34 5G ధర, సేల్ వివరాలు మరియు మరిన్నింటి ఫీచర్లను ఇక్కడ వివరంగా పరిశీలించండి.

భారతదేశంలో శాంసంగ్ గెలాక్సీ F34 5G ధర,సేల్ వివరాలు

శాంసంగ్ గెలాక్సీ F34 5G యొక్క భారతదేశం ధర 6GB RAM మరియు 128GB ఇంటర్నల్ స్టోరేజ్‌ వెర్షన్ కోసం రూ.18,999 నుండి ప్రారంభమవుతుంది. అలాగే, 8GB+128GB వేరియంట్ ధర రూ.20,999 గా ఉంది. ఈ స్మార్ట్ ఫోన్ ఫ్లిప్‌కార్ట్‌లో ప్రీ-ఆర్డర్ కోసం అందుబాటులో ఉంది.

బ్యాంక్ ఆఫర్‌లలో ICICI బ్యాంక్ క్రెడిట్ మరియు డెబిట్ కార్డ్‌లపై 10 శాతం తక్షణ తగ్గింపు, క్యాష్‌బ్యాక్ లేదా కూపన్ ద్వారా అదనపు రూ. 1,000 తగ్గింపు మరియు HDFC బ్యాంక్ క్రెడిట్ నాన్-EMI, క్రెడిట్ మరియు డెబిట్ EMI లావాదేవీలపై రూ. 2,000 వరకు తగ్గింపు ఉన్నాయి.
శాంసంగ్ గెలాక్సీ F34 డెలివరీలు ఆగస్ట్ 12న ప్రారంభం కానున్నాయి.

శాంసంగ్ గెలాక్సీ F34 5G స్పెసిఫికేషన్లు, ఫీచర్లు
శాంసంగ్ గెలాక్సీ F34 5G స్మార్ట్ ఫోన్ 120Hz రిఫ్రెష్ రేట్‌తో 6.46-అంగుళాల FHD+ sAMOLED డిస్‌ప్లేను కలిగి ఉంది మరియు దీని పైన లేయర్డ్ గొరిల్లా గ్లాస్ 5 రక్షణను కలిగి ఉంది. ఇది ఎక్సీనోస్ 1280 గెలాక్సీ F34 5G ప్రాసెసర్ ద్వారా పనిచేస్తుంది. ర్యామ్ మరియు స్టోరేజీ వివరాలను గమనిస్తే, ఈ ఫోన్ 6GB+128GB మరియు 8GB+128GB వేరియంట్‌లలో లభిస్తుంది.

కెమెరా వివరాలు చూస్తే, ఈ ఫోన్ కు వెనుక వైపు కెమెరా సిస్టమ్‌లో 50MP ప్రైమరీ కెమెరా సెన్సార్, 8MP అల్ట్రా వైడ్ యాంగిల్ లెన్స్ మరియు 2MP సెన్సార్ లు ఉన్నాయి. ఈ ఫోన్ యొక్క కొన్ని కెమెరా ఫీచర్లలో ఆటో నైట్ మోడ్, 4K వీడియో రికార్డింగ్, సింగిల్ టేక్ మరియు ఫన్ మోడ్‌లు కూడా ఉన్నాయి. ముందు భాగంలో, ఫోన్ సెల్ఫీల కోసం 13MP కెమెరాను కలిగి ఉంది.

ఇక, బ్యాటరీ ఫీచర్ వివరాలు గమనిస్తే, శాంసంగ్ గెలాక్సీ F34 5G ఒక పెద్ద 6,000mAh బ్యాటరీని ప్యాక్ చేస్తుంది. ఇది ఒకే ఛార్జ్‌పై రెండు రోజుల వరకు బ్యాటరీ బ్యాకప్ ఇవ్వగలదని పేర్కొన్నారు. ఇక సాఫ్ట్ వేర్ వివరాలు గమనిస్తే, ఈ ఫోన్ ఆండ్రాయిడ్ 13తో పనిచేస్తుంది. ఇంకా, ఇతర ఫీచర్లలో 11 5G బ్యాండ్‌లతో 5G మద్దతు వస్తుంది. డాల్బీ అట్మాస్, శాంసంగ్ వాలెట్ మరియు నోక్స్ భద్రత ఫీచర్లు కలిగి ఉంది.