Samsung Galaxy Note 20 లాంచ్ ఈరోజే, లైవ్ లో చూడండి.

ఈ కరోనా వైరస్ లాక్ డౌన్ టైం లో ఎన్నో పుకార్లు మరియు ఊహాగానాల తరువాత, ఎట్టకేలకు శామ్‌సంగ్ తన గెలాక్సీ నోట్ 20 సిరీస్‌ లాంచ్ ఈవెంట్ ను ఈ రోజు రాత్రి 7:30 గంటలకు Unpacked 2020 ఈవెంట్‌లో విడుదల చేయడానికి సిద్ధంగా ఉంది. గెలాక్సీ నోట్ 20 సిరీస్‌తో పాటు, దక్షిణ కొరియా స్మార్ట్‌ఫోన్ దిగ్గజం గెలాక్సీ టాబ్ ఎస్ 7, గెలాక్సీ వాచ్ 3, గెలాక్సీ బడ్స్ లైవ్ మరియు గెలాక్సీ జెడ్ ఫోల్డ్ 2 గా పిలువబడే ఫోల్డబుల్ ఫోన్‌తో సహా మరికొన్ని ఉత్పత్తులను కూడా విడుదల చేయనున్నారు. ఈసారి శామ్‌సంగ్ హోస్ట్ చేస్తున్న ఈ ఈవెంట్,కొనసాగుతున్న కోవిడ్ -19 మహమ్మారి కారణంగా సాధారణ ఈవెంట్ కు బదులుగా, ముందుగా రికార్డ్ చేసిన వీడియో ద్వారా గెలాక్సీ ఆన్ ప్యాక్ చేయబడింది. ఈ లాంచ్ వీడియో ను దక్షిణ కొరియాలోని సువాన్ లోని శామ్సంగ్ డిజిటల్ సిటీ లోపల రికార్డ్ చేశారు.

ఆన్‌లైన్ ఈవెంట్ 7:30 PM IST ఇండియా టైం ప్రకారం ప్రారంభమవుతుంది మరియు శాంసంగ్ యొక్క అధికారిక వెబ్‌సైట్, యూట్యూబ్ ఛానెల్ మరియు సోషల్ మీడియా హ్యాండిల్స్ ద్వారా ఈ ఈవెంట్ ను చూడవచ్చు. ఈవెంట్ లో జరిగే విశేషాలతో మిమ్మల్ని తాజా వార్తలతో అలరిస్తూఉంటాము. ఇందులో లాంచ్ అయ్యే అన్ని ఉత్పత్తుల గురించి వివరణాత్మక కవరేజీని అనుసరించడానికి, ఈవెంట్ ప్రారంభమైనప్పుడు పైన ఉన్న వీడియో లింక్ ద్వారా ఈవెంట్ ను చూడవచ్చు.

ఈవెంట్ లో ముఖ్యమైన లాంచ్ గా పేర్కొంటున్న గేలక్సీ నోట్ 20 సిరీస్‌ను కంపెనీ విడుదల చేయబోతోంది. ఇందులో కనీసం రెండు వేరియంట్‌లు ఉంటాయి.సాధారణ వేరియంట్ మరియు అల్ట్రా వేరియంట్. కొన్ని లీక్‌లు ప్లస్ వేరియంట్‌ను కూడా సూచిస్తున్నాయి. నోట్ సిరీస్ కాకుండా, శామ్సంగ్ తన తదుపరి తరం ఫోల్డబుల్ స్మార్ట్‌ఫోన్‌ను కూడా టీజ్ చేసింది. దీనిని శామ్‌సంగ్ గెలాక్సీ జెడ్ ఫోల్డ్ 2 అని పిలుస్తారు. గెలాక్సీ టాబ్ ఎస్ 7 మరియు గెలాక్సీ టాబ్ ఎస్ 7 +, కొత్త గెలాక్సీ వాచ్ 3 మరియు గెలాక్సీ బడ్స్ కూడా ఈ ఈవెంట్లో విడుదల చేయడానికి వీలుంది.

గెలాక్సీ నోట్ 20, 6.9-అంగుళాల డైనమిక్ అమోలేడ్ 120 హెర్ట్జ్ డిస్‌ప్లేను కలిగి ఉంటుంది. ఇది క్వాల్కమ్ స్నాప్‌డ్రాగన్ 865 ప్లస్ ప్రాసెసర్ ద్వారా శక్తినివ్వనుంది మరియు గొరిల్లా గ్లాస్ విక్టస్ ప్రొటెక్షన్‌తో రావడం ఖాయం. ఈ పరికరం వెనుక భాగంలో ట్రిపుల్ కెమెరా సెటప్‌ను కలిగి ఉంటుంది, ఇందులో 12MP అల్ట్రా-వైడ్-యాంగిల్ లెన్స్ మరియు 12MP 5x పెరిస్కోప్ లెన్స్‌తో జతచేయబడిన 108MP ప్రాధమిక సెన్సార్ ఉంటుంది.

ఈ రోజు ఈవెంట్ గెలాక్సీ అన్‌ప్యాక్డ్ 2020‌లో ఏమి లాంచ్ అవుతాయో పూర్తి వివరాలను మేము మీకు తెలియజేస్తాము.లైవ్ ఈవెంట్ ను మీరు కూడా చూడవచ్చు, సమయానికి సిద్ధంగా ఉండండి .