8GB ర్యామ్‌, 50MP కెమెరా Samsung స్మార్ట్‌ఫోన్‌పై రూ.5000 తగ్గింపు..బ్యాంక్‌కార్డుతో రూ.10వేల అదనపు డిస్కౌంట్‌

శాంసంగ్ గత సంవత్సరం అక్టోబర్‌లో Samsung Galaxy S23 FE స్మార్ట్‌ఫోన్‌ను లాంచ్ చేసింది. ఈ హ్యాండ్‌సెట్‌ ప్రస్తుతం 128GB, 256GB అంతర్గత స్టోరేజీ వేరియంట్లలో అందుబాటులో ఉంది. ఈ రెండు వేరియంట్ల ధరను రూ.5000 తగ్గిస్తూ శాంసంగ్‌ నిర్ణయం తీసుకుంది. దీంతోపాటు ఈ స్మార్ట్‌ ఫోన్‌ను మరింత తగ్గింపు ధరకే కొనుగోలు చేయవచ్చు.

శాంసంగ్‌ గెలాక్సీ S23 FE స్మార్ట్‌ ఫోన్‌ వేరియంట్లు : శాంసంగ్‌ గెలాక్సీ S23 FE స్మార్ట్‌ ఫోన్‌ 8GB ర్యామ్ + 128GB అంతర్గత స్టోరేజీ, 8GB ర్యామ్‌ + 256GB స్టోరేజీ వేరియంట్లలో అందుబాటులో ఉంటుంది. ధర తగ్గింపుతో 128GB వేరియంట్‌ ధర రూ.54,990, 256GB స్టోరేజీ వేరియంట్‌ను రూ.64,990కు కొనుగోలు చేయవచ్చు.

ఈ రూ.5000 శాశ్వత తగ్గింపు తోపాటు శాంసంగ్‌ మరో ఆకర్షణీయమైన తగ్గింపు ఆఫర్‌ను ప్రకటించింది. శాంసంగ్‌ గెలాక్సీ S23 FE స్మార్ట్‌ ఫోన్‌ ను HDFC క్రెడిట్‌, డెబిట్‌ కార్డుల ద్వారా కొనుగోలు చేస్తే మరో రూ.10,000 అదనపు తగ్గింపును పొందుతారు. ఫలితంగా ఈ ఫోన్‌ బేస్‌ వేరియంట్‌ను రూ.49,990 కే కొనుగోలు చేయవచ్చు. మరియు 256 GB స్టోరేజీ వేరియంట్‌ను రూ.54990కు కొనుగోలు చేయవచ్చు.

శాంసంగ్‌ గెలాక్సీ S23 FE ఫీచర్లు : శాంసంగ్‌ గెలాక్సీ s23 FE స్మార్ట్‌ ఫోన్‌ 6.4 అంగుళాల డైనమిక్‌ అమోలెడ్‌ 2X డిస్‌ప్లేను కలిగి ఉంటుంది. మరియు 120Hz అడాప్టివ్‌ రీఫ్రెష్‌ రేట్‌తో వస్తుంది. ఈ స్మార్ట్‌ఫోన్‌ విజన్‌ బూస్టర్‌ టెక్నాలజీని కలిగి ఉంటుంది. ఫలితంగా మెరుగైన అవుట్‌ డోర్‌ విజిబిలిటీని అందిస్తుంది.

శాంసంగ్‌ స్మార్ట్‌ఫోన్‌ కెమెరాలు : ఈ స్మార్ట్‌ ఫోన్‌ వెనుకవైపు ట్రిపుల్‌ కెమెరాను కలిగి ఉంటుంది. 50MP ప్రధాన కెమెరా, 12MP అల్ట్రావైడ్‌ సెన్సార్‌, 3X జూమింగ్‌ మరియు OIS సపోర్టుతో 8MP కెమెరాను కలిగి ఉంటుంది. తొలిసారిగా ఈ హ్యాండ్‌సెట్‌ ద్వారా నైటోగ్రఫీ టెక్నాలజీని అందుబాటులోకి తీసుకొచ్చింది. కెమెరాపైన నియంత్రణ, కస్టమైజేషన్‌ కోసం కెమెరా అసిస్టెంట్‌ యాప్‌ను కలిగి ఉంటుంది.

శాంసంగ్‌ బ్యాటరీ వివరాలు : గెలాక్సీ S23 FE స్మార్ట్‌ ఫోన్‌ Exynos 2200 చిప్‌ ఆధారంగా పనిచేస్తుంది. గరిష్టంగా 8GB ర్యామ్, 256GB స్టోరేజీతో జత చేయబడుతుంది. మరియు 4nm ఆధారిత ఆక్టాకోర్‌ చిప్‌ మెరుగైన గేమింగ్‌ అనుభూతిని అందిస్తుంది. మరియు ఈ స్మార్ట్‌ ఫోన్‌ ఆండ్రాయిడ్‌ 13 ఆధారిత One UI 5.1 OSపైన పనిచేస్తుంది. 25W ఫాస్ట్‌ ఛార్జింగ్‌ సపోర్టుతో 4500mAh బ్యాటరీ ప్యాక్‌ను కలిగి ఉంటుంది.

గిజ్‌బాట్‌ తెలుగు వెబ్‌సైట్ గ్యాడ్జెట్లు సహా ఇతర టెక్‌ న్యూస్‌కు సంబంధించిన ఆసక్తికరమైన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా వార్తల కోసం సోషల్‌ మీడియా ఖాతాలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.