Samsung ఈవెంట్ తేదీ ప్రకటించారు! కొత్తగా ఏమేమి లాంచ్ అవుతాయో తెలుసుకోండి!

శాంసంగ్ జూలై 26న గెలాక్సీ అన్‌ప్యాక్డ్ ఈవెంట్‌ను నిర్వహించనున్నట్లు ఇప్పటికే ప్రకటించింది. ఈ గెలాక్సీ అన్‌ప్యాక్డ్ 2023 లో ముఖ్యంగా ఆకర్షణ మొత్తం శాంసంగ్ యొక్క తర్వాత సిరీస్ ఫోల్డబుల్ స్మార్ట్‌ఫోన్‌లపై ఉంటుంది. ఇవి, గెలాక్సీ Z ఫోల్డ్ 5 మరియు గెలాక్సీ Z ఫ్లిప్ 5, గెలాక్సీ Z ఫ్లిప్ 4 మరియు గెలాక్సీ Z ఫోల్డ్ యొక్క కొనసాగింపుగా రానున్నాయి.

అయితే, ఈ ఈవెంట్ గురించిన అంచనాల ప్రకారం ఇంకా ఎక్కువ వివరాలు ఇప్పటికే లీక్ అయ్యాయి. ఈవెంట్ సందర్భంగా కొత్త గెలాక్సీ వాచ్ సిరీస్ మరియు గెలాక్సీ టాబ్లెట్‌ను కూడా సంస్థ లాంచ్ చేయవచ్చని ఈ లీక్‌లు మరియు అంచనాలు సూచిస్తున్నాయి. ఈ శాంసంగ్ ఈవెంట్‌లో ఏమేమి లాంచ్ అవుతాయో వివరాలు పూర్తిగా ఇక్కడ ఉన్నాయి:

శాంసంగ్ గెలాక్సీ Z ఫ్లిప్ 5
ఇటీవలి లీక్‌ల ప్రకారం, శాంసంగ్ Z ఫ్లిప్ 5 యొక్క కవర్ డిస్‌ప్లే మేగుగైనదై ఉంటుందని తెలుస్తోంది. దాని పరిమాణాన్ని 3.4 అంగుళాలకు పెంచుతుందని అంచనాలున్నాయి. అదనంగా, రాబోయే Z ఫ్లిప్ వేరియంట్ స్నాప్‌డ్రాగన్ 8 Gen 2 చిప్‌సెట్‌తో వస్తుందని భావిస్తున్నారు. ఫోటోగ్రఫీ విషయానికి వస్తే, ఈ ఫోన్ దాని సుపరిచితమైన డ్యూయల్ 12MP కెమెరా సెటప్‌ను కలిగి ఉండే అవకాశం ఉంది. అంతేకాకుండా, ఈ పరికరం IP58 రేటింగ్‌తో వస్తుంది.

శాంసంగ్ గెలాక్సీ Z ఫోల్డ్ 5
శాంసంగ్ గెలాక్సీ Z ఫోల్డ్ 5, స్మార్ట్‌ఫోన్ స్నాప్‌డ్రాగన్ 8 జెన్ 2 చిప్‌సెట్‌తో గణనీయమైన అప్‌గ్రేడ్‌ తో వస్తుంది. ముఖ్యంగా, ఇది పెద్ద 7.6 అంగుళాల ఫోల్డబుల్ అమోలెడ్ డిస్‌ప్లేను కలిగి ఉంటుందని అంచనా వేయబడింది. ఇది 6.2 అంగుళాల AMOLED కవర్ ప్యానెల్‌తో అనుబంధించబడింది. ఫోటోగ్రఫీ విభాగంలో, ఫోన్ 12MP అల్ట్రా-వైడ్ కెమెరా మరియు 10MP టెలిఫోటో కెమెరాతో పాటు శక్తివంతమైన 50MP ప్రైమరీ కెమెరాతో వినియోగదారులను ఆకట్టుకోవచ్చు. ఇంకా, సెల్ఫీల కోసం, 12MP ఫ్రంట్ ఫేసింగ్ కెమెరా అందుబాటులో ఉంటుందని భావిస్తున్నారు.

శాంసంగ్ గెలాక్సీ ట్యాబ్ S9 సిరీస్
ఈ ఫోల్డబుల్ లైనప్‌తో పాటు, శాంసంగ్ గెలాక్సీ ట్యాబ్ S9 సిరీస్‌ను లాంచ్ చేస్తుంది. ఇందులో గెలాక్సీ ట్యాబ్ S9, ట్యాబ్ S9 ప్లస్ మరియు ట్యాబ్ S9 అల్ట్రా ఉన్నాయి. ప్రస్తుతానికి దీనికి సంబంచిన వివరాలు తక్కువగా ఉన్నప్పటికీ, సాధారణ గెలాక్సీ ట్యాబ్ S9 మోడల్ కూడా ఈ సిరీస్‌లోని ప్రీమియం వేరియంట్‌ల మాదిరిగానే OLED ప్యానెల్‌ తో రావొచ్చని అంచనాలున్నాయి.

శాంసంగ్ గెలాక్సీ వాచ్ 6 సిరీస్
గెలాక్సీ అన్‌ప్యాక్డ్ ఈవెంట్ కొత్త గెలాక్సీ వాచ్ 6 సిరీస్‌ను కూడా పరిచయం చేయవచ్చు. ఈ స్మార్ట్‌వాచ్ కర్వ్డ్ గ్లాస్‌ డిస్ప్లే ని కలిగి ఉంటుందని మరియు దాని ముందున్న మోడల్ తో పోలిస్తే మెరుగైన బ్యాటరీ జీవితాన్ని అందించవచ్చని లీక్‌లు సూచిస్తున్నాయి. ఆశ్చర్యకరంగా, ఈ వాచ్ వాట్సాప్‌కు కూడా మద్దతు ఇస్తుందని శామ్‌సంగ్ ధృవీకరించింది.

దీని ద్వారా, వినియోగదారులు వాచ్ నుండి నేరుగా వాట్సాప్ ప్లాట్‌ఫారమ్‌ను యాక్సెస్ చేయడానికి వీలు కల్పిస్తుంది. అదనంగా, ఈ వాచ్ ఉష్ణోగ్రత సెన్సార్‌తో వస్తుందని కూడా అంచనా ఉంది. వినియోగదారులు సమీపంలోని వస్తువుల ఉష్ణోగ్రతను సౌకర్యవంతంగా కొలవడానికి ఇది ఉపయోగపడుతుంది.