శాంసంగ్ నుంచి మరో రెండు ఫోల్డబుల్ స్మార్ట్‌ఫోన్లు

లేటెస్ట్ రిపోర్టుల ప్రకారం..

లేటెస్ట్ గా సోషల్ మీడియాలో వస్తున్న వార్తల ప్రకారం శాంసంగ్ మరో రెండు ఫోల్డబుల్ ఫోన్లను మార్కెట్లోకి తీసుకురానుందని తెలుస్తోంది.ఈ ఫోన్లు బీటా టెస్టింగ్ స్టేజ్ లో ఉన్నాయని సమాచారం. ఇప్పటికే మార్కెట్లోకి దూసుకువచ్చిన ఫోల్డబుల్ ఫోన్ కి హువాయి మేట్ ఎక్స్ రూపంలో పోటీ ఎదురవుతున్న నేపథ్యంలో శాంసంగ్ మరింతగా దూకుడును పెంచినట్లు తెలుస్తోంది.

ఈ ఏడాది చివరలో..

ఈ ఫోన్లలో అనేక రకాల కొత్త ఫీచర్లను జోడించనున్నట్లు తెలుస్తోంది. ముఖ్యంగా ఫింగర్ ప్రింట్ సెన్సార్ అధునాతనంగా రూపుదిద్దుకోనున్నట్లు సమాచారం. ఈ విషయాన్ని ప్రముఖ మీడియా బ్లూమెరాంగ్ తెలిపింది. ఈ ఏడాది మొత్తంలో 1 మిల్లియన్ ఫోల్డబుల్ ఫోన్లను టార్గెట్ గా పెట్టుకున్నట్లు తెలుస్తోంది.

గెలాక్సీ ఫోల్డ్ ప్రత్యేకతలు

ఈ ఫోన్‌ను పూర్తిగా తెరిచినప్పుడు టాబ్లెట్ తరహాలో 7.3(18.5 సెంటీమీటర్ల) అంగుళాల స్క్రీన్ ఉంటుంది. సాధారణ స్థితిలో 4.6 అంగుళాల స్క్రీన్ కనిపిస్తుంది. ఒకేసారి మూడు యాప్‌లను వినియోగించుకునే మల్టీ టాస్కింగ్ సౌలభ్యం ఉంది.

రోయోల్స్ ఫ్లెక్స్‌పాయ్

ఇంతకుముందు వచ్చిన ఫోల్డబుల్ ఫోన్ 'రోయోల్స్ ఫ్లెక్స్‌పాయ్'తో పోల్చితే ఈ డివైస్‌లో ఒక మోడ్ నుంచి మరో మోడ్‌లోకి సులభంగా మారొచ్చు. ఈ ఫోన్ మరో ప్రత్యేకత 6 కెమేరాలను కలిగి ఉండడం. వీటిలో మూడు కెమేరాలు ఫోన్ వెనుక వైపు ఉంటాయి. ఒకటి ఫ్రంట్ కెమేరా. ఇంకో రెండు కెమేరాలు ఫోన్లో ఉంటాయి.

గెలాక్సీ ఫోల్డ్ ఫీచర్లు

గెలాక్సీ ఎస్10 సిరీస్‌లో కంపెనీ నుంచి వచ్చిన తొలి ఫోల్డబుల్ స్మార్ట్‌ఫోన్ ఇది. ఈ ఫోన్‌ను మడతపెట్టినప్పుడు 4.6 అంగుళాల స్క్రీన్, ఓపెన్ చేసినప్పుడు 7.3 అంగుళాల స్క్రీన్ ఉంటుంది. ఒకేసారి మూడు యాప్స్‌ను మల్టీటాస్కింగ్ చేయవచ్చు. స్క్రీన్స్ స్విచింగ్‌లో యాప్‌ ఎక్కడ ఆగిందో మళ్లీ అక్కడి నుంచే ప్రారంభమౌతుంది. అంటే రెండు ఫోన్ల పనిని ఇది చేస్తుంది. మొత్తం ఆరు కెమెరాలను ఈ స్మార్ట్‌ఫోన్‌లో అమర్చింది .

7 ఎన్ఎం ప్రాసెసర్

12 జీబీ ర్యామ్, 512 జీబీ మెమరీ

16+8+12 ఎంపీ ఔట్‌ సైడ్‌ ట్రిపుల్‌ కెమెరా

10+8+10 ఎంపీ ఇన్‌సైడ్‌ ట్రిపుల్‌ కెమెరా

4380 ఎంఏహెచ్ బ్యాటరీ

ప్రారంభ ధర దాదాపు రూ.1,40,000.