Samsung నెక్స్ట్-జెన్ ఫోల్డబుల్ స్మార్ట్‌ఫోన్‌లు చౌకగా రానున్నాయి!! ఇందులో నిజమెంత...

గెలాక్సీ జెడ్ ఫోల్డ్ ధరల వివరాలు

శామ్సంగ్ సంస్థ నుండి వచ్చిన ఫోల్డబుల్ స్మార్ట్‌ఫోన్‌లలో గెలాక్సీ జెడ్ ఫోల్డ్ 2 $1,999 (సుమారు రూ.1,45,686) ధర వద్ద మరియు గెలాక్సీ జెడ్ ఫ్లిప్ $ 1,380 (సుమారు రూ.1,00,573) ధరల వద్ద ప్రారంభించబడ్డాయి. ఈ నివేదికలు నిజమైతే కనుక కొత్త ఫోన్లు గెలాక్సీ జెడ్ ఫోల్డ్ $ 1,599 (సుమారు రూ.1,16,517) వద్ద మరియు గెలాక్సీ జెడ్ ఫ్లిప్ 3 $ 1,104 (సుమారు రూ.80,447) ధర వద్ద విడుదలయ్యే అవకాశం ఉంది.

శామ్సంగ్ సంస్థ నుండి వచ్చిన ఫోల్డబుల్ స్మార్ట్‌ఫోన్‌ల యొక్క ధరలు మరియు ఫీచర్స్ వివరాలు ముందుగానే కొన్ని నివేదికలు విడుదల చేసాయి. వాటి తగ్గ ధరల వద్దనే సంస్థ వాటిని ప్రారంభించాయి. ఇందులో గమనించవలసిన విషయం ఏమిటంటే ఈ నివేదికలు ఫోన్ యొక్క ప్రత్యేకతల గురించి ప్రస్తావించలేదు మరియు కేవలం రాబోయే ఫోల్డబుల్ స్మార్ట్‌ఫోన్‌ల యొక్క నిర్దిష్ట ధరను మాత్రమే వెల్లడించాయి. ఈ పరికరాల ధర గురించి కంపెనీ అధికారికంగా ఏమీ వెల్లడించలేదు కాబట్టి ఈ సమాచారాన్ని అధికంగా పరిగణలోకి తీసుకోకూడదు అని మేము మీకు సిఫార్సు చేస్తున్నాము.

శామ్సంగ్ తగ్గింపు ధర వద్ద ఎందుకు ప్రవేశపెడుతోంది?

ప్రస్తుతం వాడుతున్న స్మార్ట్‌ఫోన్‌ నుంచి తరువాతి తరం స్మార్ట్‌ఫోన్‌కు మారడానికి ఎక్కువ మందిని ప్రోత్సహించడానికి శామ్‌సంగ్ సంస్థ తన యొక్క కొత్త ఫోల్డబుల్ స్మార్ట్‌ఫోన్‌లను తగ్గింపు ధర వద్ద ప్రవేశపెడుతోందని నివేదిక పేర్కొంది. అయితే ఇవి ఇప్పటికి $1,000 ధర ట్యాగ్ ను కలిగి ఉన్నందున చాలా మందికి ఈ ధర చాలా ఎక్కువ. ఫోల్డబుల్ స్మార్ట్‌ఫోన్‌ వాడకాన్ని ప్రజలకు ప్రోత్సహించడానికి శామ్సంగ్ ఈ-సిరీస్ వంటి మిడ్-రేంజ్ స్మార్ట్‌ఫోన్‌లకు సాంకేతికతను తీసుకురావాలి. అయితే ఇది ముందు ముందు జరిగే అవకాశం ఉంది. అయితే ప్రస్తుతం సాంకేతిక పరిజ్ఞానం మరియు ఉపయోగించిన ముడి పదార్థాలు ఖరీదైనవి. సాంకేతిక పరిజ్ఞానం అభివృద్ధి చెందుతున్న కొద్దీ దాని ధరలు తగ్గుతాయి.