వాట్సప్ వాడేవారికి హెచ్చరికలు జారీ చేసిన SBI

ఫ్రైజ్ మనీ

వాట్సప్ లో కొంతమందికి మీరు చాలా పెద్ద మొత్తంలో అమౌంట్ గెలుచుకున్నారని దీనిని మీ బ్యాంకు అకౌంట్లలోకి పంపిచేందుకు ఓటీపీ చెప్పాలని అడుగుతున్నారు. అయితే అది ఫేక్ న్యూస్ ఎవరూ నమ్మవద్దు.

ఫేక్ లింక్స్

మరికొందరు ఈ లింక్ క్లిక్ చేసి మీరు గెలుచుకున్న మొత్తాన్ని చూడవచ్చంటూ ఓ లింక్ పంపిస్తారు. అటువంటి వాటిని ఓపెన్ చేయవద్దు. అవి ఓపెన్ చేస్తే మీకు ఓటీపీ వస్తుంది. దాన్ని వారు వేరే విధంగా హ్యాక్ చేసి మీ అకౌంట్లు గుల్ల చేసే అవకాశం ఉంది.

డెబిట్ కార్డు అలాగే క్రెడిట్ కార్డు

బ్యాంకు ఎంప్లాయినంటూ పరిచయం చేసుకునే వారిని అస్సలు నమ్మవద్దు. వారు మీ డెబిట్ కార్డు అలాగే క్రెడిట్ కార్డు అప్ డ్రేడ్ చేశాం. దానిని చెక్ చేసేందుకు వివరాలు చెప్పమని అడుగుతారు. మీరు పొరపాటున సివివి నంబర్ చెబితే మీ అకౌంట్లోని మొత్తాన్ని కాజేస్తారు.

ఎసెమ్మెస్ మోసాలు

ఎసెమ్మెస్ ద్వారా కూడా ఇలాంటి మోసాలు జరుగుతున్నాయి. మీరు హ్యాకర్లు పంపిన లింకులను క్లిక్ చేస్తే ఆటోమేటిగ్గా మీ సమాచారం వారి చేతుల్లోకి వెళ్లిపోతుంది. వారు CVV, expiry date and card number లాంటి వాటిని ఈజీగా తెలుసుకునే అవకాశం ఉంది.

మాల్ వేర్

ఇక మీ ఫోన్లోకి ఏదో ఒక మాల్వేర్ ని ప్రవేశపెట్టి దాని ద్వారా వారు అనుకున్నది సాధించుకుంటారు. వారు మీ ఒటిపిని తెలుసుకునేందుకు అనేక రకాల మార్గాలను అన్వేసిస్తుంటారు. మీరు ఎట్టి పరిస్థితుల్లోనూ వీటికి లొంగవద్దు.

రీఫండ్

ఒకవేళ మీరు ఇలాంటి స్కాముల్లో ఇరుకున్నట్లయితే వెంటనే బ్యాంకు అధికారులకు ఫిర్యాదు చేయండి. మూడు రోజుల్లో మీ అమౌంట్ తిరిగి రీఫండ్ చేయబడుతుంది. మీరు ఒకవేళ ఏదైనా ఫిర్యాదు చేయాలనుకుంటే 1-800-111109కి కాల్ చేసి వివరాలను చెబితే వారు మీకు ఏదైనా సాయం చేస్తారు.

మెసేజ్ ద్వారా

మీరు మెసేజ్ ద్వారా వివరాలను పంపాలనుకుంటే "Problem" అని టైప్ చేసి 9212500888 కి ఎసెమ్మెస్ చేయండి. లేకుంటే ట్విట్టర్ ద్వారా @SBICard_Connectకి రిపోర్ట్ చేయండి.