9 గంటలు నిద్రపోతే ఈ కంపెనీ లక్ష రూపాయలు ఇస్తుందట

100 రోజులు నిద్రించేందుకు పరుపులను సంస్థనే అందిస్తుంది. ఈ పరుపులపై ప్రతి రాత్రి 9 గంటలపాటు నిద్రపోవాలి. ఇలా 100 రోజులు నిద్రించాలి. ఇదంతా ఎక్కడో కాదు మీ ఇంట్లోనే. నిద్రపోవడానికి డ్రెస్ కోడ్ ఉంటుంది. నిద్రించే సమయంలో పైజామా ధరించాలని చెబుతోంది. మీకు ఇష్టమైన పైజామాను ధరించవచ్చని చెబుతోంది. మెత్తని ఉపయోగించే ముందు, ఆ తరువాత స్లీప్ ట్రాకర్ ఉపయోగించి వారి స్లీపింగ్ సరళిని పర్యవేక్షిస్తారు.

మీకు వీలైనంత కాలం, మీకు వీలైనంత గాఢంగా! పోటీ పడుతూ మరి నిద్రపోండి. మీరు విశ్రాంతి తీసుకోండి. మిగిలిన వాటిని మాకు వదిలేయండి." అంటూ కంపెనీ తన వెబ్ సైట్ లో పేర్కొంది. మీ గత నిద్ర రికార్డులను బ్రేక్ చేసేందుకు ఉత్సాహంతో ఉండండి అని చెబుతోంది.

ఇంటర్న్‌షిప్ లో ఉన్నవారు పనిచేసేటప్పుడు ల్యాప్‌టాప్‌ను ఉపయోగించకూడదని తెలిపింది. ఎంపిక చేసిన ఇంటర్న్‌కు టాస్క్‌ను సరిగ్గా పూర్తి చేసిన తర్వాత 100 రోజుల చివరిలో లక్ష రూపాయలు లభిస్తాయి.

స్లీప్ ఇంటర్న్‌షిప్ అనేది నిద్ర, ఆరోగ్యంపై దృష్టి కేంద్రీకరించే ప్రయత్నం అని వేక్‌ఫిట్ డైరెక్టర్ , సహ వ్యవస్థాపకుడు చైతన్య రామలింగెగౌడ చెబుతున్నారు."మన జీవితంలో పని-జీవిత సమతుల్యతను కాపాడుకోవడంలో నిద్రను ఒక అంతర్భాగంగా మార్చడానికి మరొక మెట్టు" అని అంటున్నారు. మరిన్ని వివరాలకు తమ కంపెనీ వెబ్ సైట్ సందర్శించాలని సూచిస్తోంది.