మగవారిని స్టైలిష్‌గా తీర్చిదిద్దే సొనాటా టచ్‌స్ర్కీన్ వాచ్‌లు!

బెంగళూరు: ప్రముఖ వాచ్ తయారీ కంపెనీ సొనాటా దేశీయంగా మొట్టమొదటి టచ్‌స్ర్కీన్ వాచ్‌లను రూపొందించింది. వీటీని గురువారం బెంగుళూరులో నిర్విహించిన ప్రత్యేక కార్యక్రమంలో టైటాన్ ఇండస్ట్రీస్ ఎండీ భాస్కర్ భట్ మార్కెట్లోకి విడుదల చేశారు. ఈ సందర్భంగా ఆయన మాట్లాడుతూ అత్యాధునిక ఫీచర్లను కలిగి ఉండే వాచ్‌ల విభాగంలో టచ్‌స్ర్కీన్ వాచ్‌లను తయారు చేసిన ఘనత తమకే దక్కుతుందని భట్ వెల్లడించారు.

ఈ వాచ్‌లను ఎక్కువ మన్నిక కోసం ‘ఆక్రిలోనిట్రిలే బుటాడైన్ స్టైరైన్’, ‘పోల్యూరెథానే’ అనే రెండు రకాల మెటీరియల్స్‌తో తయారు చేసినట్లు ఆయన తెలిపారు. ఈ టచ్‌స్క్రీన్ వాచ్‌లలో లైట్, స్టాప్‌వాచ్, మల్టిపుల్ టైమ్ డిస్‌ప్లే, హై వాటర్ రెసిస్టెంట్ తదితర ఫీచర్స్‌ను పొందుపరిచినట్లు ఆయన పేర్కొన్నారు. వీటికి సొనాటా నుంచి ఒక ఏడాది వారంటీ కూడా లభిస్తుందని చెప్పారు. వీటి ప్రారంభ ధర రూ. 1,499గా నిర్ణయించామన్నారు.

1

1

2

2

3

3