Sony Xperia 5 V స్మార్ట్ ఫోన్ లాంచ్ తేదీ విడుదలైంది! స్పెసిఫికేషన్ల వివరాలు

ప్రముఖ స్మార్ట్ ఫోన్ తయారీ సంస్థ సోనీ తన Sony Xperia 5 V ని త్వరలో లాంచ్ చేయబోతోంది. గత సంవత్సరం సోనీ నుంచి వచ్చిన ఫ్లాగ్‌షిప్ ఆఫర్ అయిన Sony Xperia 5 IVకి సక్సెసర్ గా ఇది రాబోతోంది. కొన్ని రోజుల క్రితం సోనీ దాని Sony Xperia 5 V ప్రోమో వీడియోతో సందడి చేయడం ప్రారంభించింది. కంపెనీ ఇప్పుడు స్మార్ట్‌ఫోన్ లాంచ్ తేదీని ప్రకటించింది.

సోనీ Xperia 1 V మరియు Xperia 10 V లాంచ్ తర్వాత, ఇది ఈ సంవత్సరం కంపెనీ యొక్క మూడవ స్మార్ట్‌ఫోన్ లాంచ్ అవుతుంది. Xperia 5 V డ్యూయల్ రియర్ కెమెరా యూనిట్‌తో లాంచ్ అవుతుందని మునుపటి నివేదిక సూచిస్తుంది. అయితే ఇది స్నాప్ డ్రాగన్ 8 జెన్ 2 SoC ద్వారా శక్తిని పొందే అవకాశం ఉంది.

జపనీస్ టెక్ దిగ్గజం సోనీ Xperia 5 V యొక్క లాంచ్ తేదీని వెల్లడించడానికి Xలో ఒక ప్రకటన వీడియోను పోస్ట్ చేసింది. వీడియో టీజర్ లో పేర్కొన్నట్లుగా, ఈ స్మార్ట్‌ఫోన్ లాంచ్ సెప్టెంబర్ 1న స్థానిక కాలమానం ప్రకారం 4 PM (12.30 PM IST) కి లాంచ్ అవుతుంది. అయితే, రాబోయే ఫోన్‌కు సంబంధించిన ఇతర స్పెసిఫికేషన్‌లు లేదా వివరాలను కంపెనీ వెల్లడించలేదు.

మునుపటి నివేదిక ప్రకారం, ఈ స్మార్ట్‌ఫోన్ నలుపు, నీలం మరియు తెలుపు అనే మూడు రంగుల వేరియంట్‌లను పొందవచ్చు. ఇది వెనుక భాగంలో డ్యూయల్ కెమెరా యూనిట్‌ను కలిగి ఉంటుందని భావిస్తున్నారు. Xperia 5 V లో వెనుక కెమెరాలు LED ఫ్లాష్‌తో పాటు వెనుకవైపు నిలువుగా ఉంచబడే అవకాశం ఉంది.

ఈ సోనీ Xperia 5 V ఫోన్ మాట్టే ఫినిష్ తో వస్తుంది మరియు వెనుక సోనీ బ్రాండింగ్‌తో వస్తుందని పుకారు ఉంది. ఇది స్నాప్‌డ్రాగన్ 8 జెన్ 2 SoC ప్రాసెసర్ తో వస్తుందని భావిస్తున్నారు.

ఈ సంవత్సరం మేలో, సోనీ Xperia 1 V మరియు Xperia 10 Vలను లాంచ్ చేసింది. Xperia 1 V ప్రారంభ ధర $1,399 (దాదాపు రూ. 1,14,700) యూరోపియన్ మార్కెట్‌లో లాంచ్ అయింది. ఈ స్మార్ట్‌ఫోన్ గ్రీన్ మరియు బ్లాక్ అనే రెండు కలర్ ఆప్షన్‌లతో లాంచ్ చేయబడింది. ఇంతలో, Xperia 10 V మోడల్ దాని ప్రారంభ ధర EUR 449 (సుమారు రూ. 40,300) వద్ద లాంచ్ చేయబడింది. మరియు బ్లాక్, లావెండర్, సేజ్ గ్రీన్ మరియు వైట్ అనే నాలుగు రంగు ఎంపికలలో అందుబాటులోకి వచ్చింది.

ఒకసారి గుర్తుచేసుకుంటే, సోనీ ఎక్స్‌పీరియా 5 IV గత సంవత్సరం సెప్టెంబర్‌లో USలో $999 (దాదాపు రూ. 79,600) ప్రారంభ ధరతో లాంచ్ చేయబడింది. సోనీ ఎక్సపీరియా 5 IV స్మార్ట్ ఫోన్ 120Hz రిఫ్రెష్ రేట్‌తో 6.1 అంగుళాల OLED డిస్‌ప్లేను కలిగి ఉంది మరియు 8GB RAM మరియు 256GB స్టోరేజీ తో జత చేయబడిన స్నాప్ డ్రాగన్ 8 జెన్ 1 SoC ద్వారా శక్తిని పొందుతుంది.