Tata Sky SD & HD STBలలో ‘స్మార్ట్ గైడ్’ ఫీచర్!! త్వరిత యాక్సెస్ మరింత సులభం...

Published: Wednesday, September 30, 2020, 11:39 [IST]

ప్రముఖ డిటిహెచ్ ఆపరేటర్ టాటా స్కై తన సెట్-టాప్ బాక్స్‌లకు ఎప్పుడూ కొత్త కొత్త ఫీచర్లను జోడిస్తోంది. ఇప్పుడు కూడా ప్రస్తుతం ఉన్న SD మరియు HD సెట్-టాప్ బాక్స్ వినియోగదారుల కోసం 'స్మార్ట్ గైడ్' అనే మరొక కొత్త ఫీచర్‌ను విడుదల చేసింది. ఈ ఫీచర్ వినియోగదారులను టెలివిజన్‌లోని కంటెంట్‌ను స్మార్ట్ విధానం ద్వారా వినియోగించటానికి అనుమతిస్తుంది. పే టీవీ సహకారంతో కంపెనీ ఈ ఫీచర్‌ను ప్రకటించింది. టాటా స్కై దాని STB లలో సెర్చ్ కార్యాచరణను మెరుగుపరిచింది. టాటా స్కై యొక్క బేసిక్ స్టాండర్డ్ డెఫినిషన్ (SD) మరియు హై డెఫినిషన్ (HD) STBలకు రెండింటికి కూడా ఈ కొత్త ఫీచర్లు అందుబాటులోకి తీసుకువచ్చింది. టాటా స్కై యొక్క ఈ కొత్త ఫీచర్‌ ఇండియా అంతటా 15 మిలియన్లకు పైగా వినియోగదారులకు విడుదల చేసినట్లు పత్రిక ప్రకటనలో ధృవీకరించింది. దీని గురించి మరిన్ని వివరాలు తెలుసుకోవడానికి ముందుకు చదవండి.

టాటా స్కై STBలకు ‘స్మార్ట్ గైడ్’ ఫీచర్

టాటా స్కై తన వినియోగదారులకు కొత్తగా ప్రకటించిన స్మార్ట్ గైడ్ ఫీచర్ సాయంతో బింగే+ బాక్స్ తరహాలో SD మరియు HD STB వినియోగదారులు కూడా స్మార్ట్ విధానంలో కంటెంట్‌ను కనుగొనటానికి అనుమతిస్తుంది. స్మార్ట్ గైడ్ కంటెంట్ సిఫార్సులను ప్రదర్శిస్తుంది. అలాగే టాటా స్కై రిమోట్‌లో కొత్తగా రూపొందిన గైడ్ బటన్ ద్వారా వాటిని సులభంగా యాక్సెస్ చేయవచ్చు. ఛానెల్ గైడ్ స్క్రీన్ అనేది చందాదారులు ఎక్కువగా చూసే ఛానెల్‌లు, శైలులు మరియు ప్లాట్‌ఫాం సేవల సూక్ష్మచిత్ర వీక్షణలను బ్యానర్‌ల క్రింద అందిస్తుంది. ఇందులో చందాదారుల వీక్షణ చరిత్ర మరియు ఒక నిర్దిష్ట ఛానెల్ లేదా శైలిని చూడటానికి గడిపిన సమయాన్ని బట్టి ‘ఇష్టమైన శైలి' వివరాలను సూచిస్తుంది.

టాటా స్కై స్మార్ట్ గైడ్ ఫీచర్ ప్రాధాన్యతలు

టాటా స్కై యొక్క స్మార్ట్ గైడ్ ఫీచర్ సాయంతో వినియోగదారులు ఎక్కువగా చూసే ఛానెల్‌లకు త్వరిత యాక్సిస్ ను ఇవ్వడమే కాక వీక్షకులు చూడటానికి ఇష్టపడే శైలుల ఆధారంగా మరిన్ని ఛానెల్‌లను సిఫారసు చేస్తుంది. మల్టీ-కనెక్షన్ విషయంలో వ్యక్తిగత ప్రాధాన్యతలకు అనుగుణంగా ప్రాథమిక మరియు ద్వితీయ సెట్-టాప్ బాక్స్ కోసం సిఫార్సులు భిన్నంగా ఉంటాయి. టాటా స్కై యొక్క స్టాండర్డ్ SD మరియు HD STB లు ఇంటర్నెట్ కనెక్టివిటీని అందించవు కాబట్టి సిఫార్సులు సరళ టీవీ ఛానెల్‌లలో ఉంటాయి.

టాటా స్కై స్మార్ట్ గైడ్ లీనియర్ సెర్చ్ ఫీచర్

టాటా స్కై చందాదారులను ఛానెల్ పేరు ద్వారా ఛానెల్‌ల కోసం శోధించడానికి వీలుగా లీనియర్ సెర్చ్ ఫీచర్‌ను మెరుగుపరిచింది. తమ అభిమాన ఛానెల్‌కు మారడానికి ఇబ్బంది లేని మార్గాన్ని ఇది అందిస్తుంది. టాటా స్కై యూజర్లు రిమోట్‌లోని ‘0' బటన్‌ను నొక్కడం ద్వారా నేరుగా బ్యానర్, గైడ్ గ్రిడ్ మరియు ఫుల్-స్క్రీన్ వీడియో నుండి లీనియర్ సెర్చ్ ను యాక్టివేట్ చేయవచ్చు. తద్వారా చందాదారులు అధికంగా ఇష్టపడే కంటెంట్‌ను కనుగొనటానికి వేగవంతమైన ఎంపికను అందిస్తుంది.