అద్భుతమైన డిజైన్ తో భారత మార్కెట్లో లాంచ్ కానున్నకొత్త ఫోన్! లాంచ్ తేదీ, ధర వివరాలు

జనవరిలో జరిగిన MWC 2024 ఈవెంట్‌లో TECNO POVA 6 Pro 5G స్మార్ట్‌ఫోన్‌ను ప్రకటించింది. ఇప్పుడు, బ్రాండ్ ఈ హ్యాండ్‌సెట్‌ను భారతీయ మార్కెట్లో కూడా ఆవిష్కరించడానికి సిద్ధంగా ఉంది.ఈ లాంచ్ వివరాలు ఇక్కడ తెలుసుకుందాం.

రస్క్ మీడియా ప్లేగ్రౌండ్ సీజన్ 3 సహకారంతో TECNO సంస్థ ఈ రాబోయే స్మార్ట్‌ఫోన్‌ను ప్రారంభించనున్నట్లు బ్రాండ్ ధృవీకరించింది. దీనికి సంబంధించిన పూర్తి వివరాలు ఇక్కడ తెలుసుకుందాం.

TECNO POVA 6 Pro మార్చి 29న ఇండియా లాంచ్ చేయనున్నట్లు ధృవీకరించారు
అమెజాన్ మినీ టీవీలో ప్లేగ్రౌండ్ సీజన్ 3 సహకారంతో మార్చి 29న ఈ POVA 6 ప్రో స్మార్ట్ ఫోన్ లాంచ్ జరుగుతుందని TECNO సంస్థ ధృవీకరించింది. బ్రాండ్ యొక్క సమాచారం ప్రకారం, రాబోయే POVA 6 ప్రో జెన్ Z మరియు టెక్ ఔత్సాహికుల ప్రత్యేక ప్రాధాన్యతల కోసం రూపొందించబడింది. ఇది మెరుగైన ఫీచర్లను అందిస్తుంది.

TECNO POVA 6 ప్రో అంచనా ఫీచర్లు
పోవా 6 ప్రో స్మార్ట్ ఫోన్ 120Hz రిఫ్రెష్ రేట్‌తో 6.78-అంగుళాల పూర్తి HD+ అమోలెడ్ డిస్‌ప్లేను కలిగి ఉంది. ఇది మీడియా టెక్ డైమెన్సిటీ 6080 చిప్‌సెట్ ద్వారా 12GB వరకు RAM మరియు 256GB స్టోరేజీ తో జత చేయబడింది.

ఈ హ్యాండ్‌సెట్‌లో టెక్నో సంస్థ యొక్క డైనమిక్-ఐ డిజైన్ ఉంది. ఈ ఫోన్ వెనుక ప్యానెల్‌లో కస్టమైజ్ చేయగల చిన్న LED ల శ్రేణి. మొత్తంమీద, 101 విభిన్న వినియోగదారు నిర్వచించిన ప్రభావాలతో కాల్‌లు, బ్యాటరీ స్టేటస్ మరియు గేమింగ్ వంటి 9 విభిన్న దృశ్యాలు వ్యక్తిగతీకరించబడతాయి.

ఇంకా ఈ పరికరం 70W వైర్ ఛార్జింగ్‌కు మద్దతుతో భారీ 6,000 mAh బ్యాటరీ యూనిట్‌ను కూడా ప్యాక్ చేస్తుంది. ఇక సాఫ్ట్‌వేర్ విషయానికి వస్తే, ఇది టెక్నో యొక్క HiOS తో Android 14 పై పనిచేస్తుంది.

ఇక కెమెరా వివరాలు గమనిస్తే, ఈ TECNO POVA 6 ప్రో 108MP ప్రైమరీ సెన్సార్‌తో సహా ట్రిపుల్ కెమెరా సెటప్‌ను అందిస్తుంది. ఇది 10x డిజిటల్ జూమ్, 2MP డెప్త్ సెన్సార్ మరియు మరొక సెన్సార్‌కు మద్దతు ఇస్తుంది. ముందు వైపు, ఈ ఫోన్ LED ఫ్లాష్‌తో పాటు 32MP సెల్ఫీ కెమెరాను పొందుతుంది. ఇంకా,ఈ ఫోన్‌లో ఇన్-డిస్‌ప్లే ఫింగర్‌ప్రింట్ సెన్సార్ కూడా ఉంది.

భారతదేశంలో TECNO POVA 6 ప్రో అంచనా ధర వివరాలు
గతం గుర్తుకు తెచ్చుకుంటే, మునుపటి POVA 5 Pro ఫోన్ బేస్ 8GB మరియు 128GB స్టోరేజ్ మోడల్ కోసం రూ. 14,999 ధరతో లాంచ్ అయింది. దీనిని పరిగణనలోకి తీసుకుంటే, దానికి కొనసాగింపుగా వస్తున్న POVA 6 Pro కూడా సరసమైన ధర ట్యాగ్‌తో వస్తుందని అంచనా వేయవచ్చు. ప్రస్తుతానికి, ఫోన్ ధర గురించి అధికారికంగా ఎటువంటి సమాచారం లేదు. మార్చి 29న జరగనున్న లాంచ్ ఈవెంట్‌లో ఇది అధికారికంగా విడుదలవుతుంది.

గిజ్‌బాట్‌ తెలుగు వెబ్‌సైట్ గాడ్జెట్లు సహా ఇతర టెక్‌ న్యూస్‌కు సంబంధించిన ఆసక్తికరమైన తాజా వార్తలను అందిస్తుంది. వివిధ సోషల్ మీడియా ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా వార్తల కోసం సోషల్‌ మీడియా ఖాతాలతో కనెక్ట్ అవ్వండి.