Tecno Pova స్మార్ట్‌ఫోన్ లాంచ్!! 128GB స్టోరేజ్, మీడియాటెక్ హెలియో G80 SoC అద్భుతమైన ఫీచర్లు

టెక్నో పోవా ధరల వివరాలు

ఇండియాలో టెక్నో పోవా స్మార్ట్‌ఫోన్ రెండు వేరు వేరు వేరియంట్‌లలో విడుదల అయింది. ఇందులో 4GB ర్యామ్ + 64GB స్టోరేజ్ వేరియంట్‌ యొక్క ధర రూ.9,999 ఉండగా 6GB ర్యామ్ + 128GB స్టోరేజ్ మోడల్ ధర రూ.11,999. ఈ ఫోన్ డాజిల్ బ్లాక్, మ్యాజిక్ బ్లూ మరియు స్పీడ్ పర్పుల్ వంటి మూడు కలర్ ఎంపికలలో లభిస్తుంది. దీని యొక్క మొదటి అమ్మకం డిసెంబర్ 11 మధ్యాహ్నం 12 గంటల నుంచి ఫ్లిప్‌కార్ట్ ద్వారా షెడ్యూల్ చేయబడింది.

టెక్నో పోవా స్మార్ట్‌ఫోన్ స్పెసిఫికేషన్స్

టెక్నో పోవా స్మార్ట్‌ఫోన్ డ్యూయల్ సిమ్ (నానో) స్లాట్ కలిగి ఉండి ఆండ్రాయిడ్ 10లో HiOS 7.0 తో రన్ అవుతుంది. ఈ ఫోన్ 6.5-అంగుళాల హెచ్‌డి + డిస్ప్లేని 720x1,640 పిక్సెల్స్ పరిమాణం, 20.5: 9 కారక నిష్పత్తి మరియు 90.4 శాతం స్క్రీన్-టు-బాడీ రేషియోతో కలిగి ఉంది. ఇది ఆక్టా-కోర్ మీడియాటెక్ హెలియో G80 SoC తో రన్ అవుతూ 4GB RAMతో జతచేయబడి ఉంటుంది.

టెక్నో పోవా స్మార్ట్‌ఫోన్ క్వాడ్ రియర్ కెమెరా సెటప్ ఫీచర్స్

టెక్నో పోవా స్మార్ట్‌ఫోన్ యొక్క ఫొటోగ్రఫీ విషయానికి వస్తే ఫోన్ వెనుక భాగంలో ఫోటోలను తీయడానికి మరియు వీడియోలను రికార్డ్ చేయడానికి క్వాడ్ రియర్ కెమెరా సెటప్ ను కలిగి ఉంటుంది. ఇందులో ఎఫ్ / 1.85 లెన్స్‌తో 16 మెగాపిక్సెల్ ప్రైమరీ సెన్సార్ కెమెరా, రెండు 2 మెగాపిక్సెల్ సెన్సార్ కెమెరాలు మరియు AI హెచ్‌డి లెన్స్ కెమెరాలు జతచేయబడి ఉన్నాయి. అలాగే ముందు భాగంలో 8 మెగాపిక్సెల్ సెల్ఫీ కెమెరాను కలిగి ఉంటుంది.

టెక్నో పోవా స్మార్ట్‌ఫోన్ 256GB కనెక్టివిటీ ఎంపికలు

స్టోరేజ్ ఫ్రంట్‌లో టెక్నో పోవా ఫోన్ 64GB మరియు 128GB స్టోరేజ్ ఆప్షన్లలో వస్తుంది. ఇందులో గల మైక్రో ఎస్‌డి కార్డ్ ద్వారా మెమొరిని 256GB వరకు విస్తరించడానికి అనుమతిని ఇస్తుంది. కనెక్టివిటీ ఎంపికలలో 4G VoLTE, Wi-Fi 802.11ac, బ్లూటూత్ v5.0, GPS / A-GPS, మైక్రో-యుఎస్‌బి మరియు 3.5mm హెడ్‌ఫోన్ జాక్ వంటివి ఉన్నాయి. బోర్డులోని సెన్సార్లలో యాక్సిలెరోమీటర్, యాంబియంట్ లైట్, మాగ్నెటోమీటర్ మరియు సామీప్య సెన్సార్ ఉన్నాయి. అలాగే ఈ ఫోన్ 18W ఫాస్ట్ ఛార్జింగ్ మద్దతుతో 6000mAh బ్యాటరీ మద్దతుతో ప్యాక్ చేయబడి వస్తుంది.