ప్రపంచంలో ఫేస్‌బుక్‌ను ఎక్కువగా వినియోగిస్తున్న ప్రజలు ఎవరో తెలుసా..?

By Super

Updated: Friday, March 25, 2011, 6:47 [IST]

బ్రిటన్‌ జనాభాలో సగం మంది అనగా సుమారు 30 మిలియన్‌ల మంది సోషల్ నెట్‌వర్క్ వెబ్‌సైట్ ఫేస్‌బుక్‌ను వినియోగిస్తున్నారు. డైయిలీ మెయిల్ పత్రిక 2010 జూన్ నుంచి 4వ తేదీ నుంచి ఇప్పటి వరకు ఈ సైట్‌లో 4 మిలియన్ల మంది సభ్యులుగా చేరినట్లు వెల్లడించింది.

30 మిలియన్ల మంది సభ్యులను కలిగి ఉన్నందుకు చాలా ఆనందంగా ఉందని ఫేస్‌బుక్ యూరప్ వైస్-ప్రెసిడెంట్ జొయన్నా షీల్డ్ చెప్పారు. 2004లో మార్క్ జుకర్‌బర్గ్ ఫేస్‌బుక్‌ను ప్రారంభించాడు. ఇది ప్రపంచవ్యాప్తంగా అనేక మంది అభిమానం చూరగొని ప్రస్తుతం 500 మిలియన్‌ల సభ్యులను కలిగి ఉంది.

సగం మంది సభ్యులు ఒక నెలలో 700 బిలియన్ నిమిషాలు పాటు ఈ సైట్‌తో అనుసంధానమవుతున్నారు. ఇది 1.3 మిలియన్ సంవత్సరాలకు సమానం. ఇందులో ప్రతి సభ్యుడు సగటున 130 మిత్రులను సంప్రదిస్తున్నారు. అలాగే, నెలకు 90 ఐటమ్స్‌ను వీరు తమ ఫేస్‌బుక్ అకౌంట్‌లో పోస్ట్ చేస్తున్నారు.