ముష్కరమూకల పనిపట్టే ‘ఆధునిక టెక్నాలజీ’

Published: Sunday, February 24, 2013, 11:33 [IST]

మొన్న ముంబయ్.. నిన్న హైదరాబాద్.. రేపు ఎవరు టార్గెట్ ?. దేశవ్యాప్తంగా ముష్కరమూకల దాడులు రోజురోజుకు పేట్రేగిపోతున్నాయ్. ప్రాణనష్టమే లక్ష్యంగా దాడులకు తెగబడుతున్న ఉగ్రవాదులు అబంసుబం తెలియని ప్రాణాలను బలగొంటున్నారు. తాజాగా రాష్ట్ర రాజధాని హైదరాబాద్‌లో చోటుచేసుకున్న జంట పేలుళ్లు ఘటన అక్కడి జనజీవనాన్ని భయాందోళణకు గురి చేస్తోంది. బయటకు వచ్చేందుకు జనం జంకుతున్నారు. ఈ భయానక పరిస్థితుల నుంచి మన దేశానికి ఎప్పుడు విముక్తి లభిస్తుంది..?, ఉగ్రవాదాన్నిసమూలంగా తుదిముట్టించే వ్యవస్థ మన దగ్గర లేదా..?, ఈ ప్రశ్నలకు సమాధానం ఖచ్చితంగా ఉంది.

బెస్ట్ ఫోటోగ్రఫీ.. ‘స్టన్నింగ్ ఎఫెక్ట్స్'

ఉగ్రదాన్ని ఎదుర్కొనే క్రమంలో అమెరికా వంటి దేశాలు ఆధునిక టెక్నాలజీని ఉపయోంచి మిశ్రమ ఫలితాలను రాబడుతున్నాయి. ఈ తరహా టెక్నాలజీని మనం కూడా ఉపయోగించినట్లయితే ఉగ్రవాదుల వ్యూహాలను ముందుగానే పసిగట్టి ప్రాణ నష్టం వాటిల్లకుండా చూడొచ్చు. నేటి ప్రత్యేక శీర్షికలో భాగంగా అభివృద్ధి చెందిన దేశాల్లో లభ్యమవుతున్న హైటెక్ యాంటీ టెరర్రిజం గాడ్జెట్‌లతో పాటు ఆధునిక వర్షన్ టూల్స్ ఇంకా హార్డ్‌వేర్ టెక్నాలజీని మీముందుంచుతున్నాం...

హంటర్ - కిల్లర్ డ్రోన్స్ (Hunter-Killer Drones):

ఈ ఆధునిక మిలటరీ ఆయుధాలు ప్రముఖ తీవ్రవాద నాయకులను మట్టుబెట్టటంలో కీలక పాత్ర పోషించాయి. ఈ శక్తివంతమైన డ్రోన్‌లు 2007 నుంచి అందుబాటులోకివ వచ్చాయి. తొలి డ్రోన్ ‘ఎంక్యూ-9'ను జనరల్ ఆటోమిక్స్ ఏరోనాటికల్ సిస్టమ్స్ వృద్ధి చేసింది. ఈ హంటర్ కిల్లర్ డ్రోన్‌లు 5000 ఎత్తు నుంచి లక్ష్యాన్ని ధ్వంసం చేయగలవు.

పర్యవేక్షణ, భద్రత ఇంకా డిఫెన్స్ రోబోట్ (Surveillance, Security and Defense Robot ) :

పటిష్టమైన రక్షణాత్మక వ్యవస్థతో రూపొందించబడిన ఈ రోబోట్.. మనుషులు చొరబడలేని ప్రమాదకర ప్రాంతాల్లో సైతం ఆపరేషన్‌లను నిర్వహించగలదు. రోబోకు జత చేరసిన పర్యవేక్షణా కెమెరాలు సమాచారాన్ని ఎప్పటికప్పుడు దృశ్య రూపకంలో చేరవేస్తాయి. అంతేకాదండోయ్ ఈ రోబోట్ దాడుల నుంచి తనని తాను రక్షించుకోవటమే కాకుండా ఎదురుదాడికి దిగగలదు.