ప్రపంచపు తొలి స్మార్ట్‌ఫోన్‌ సిమన్‌కు 25 ఏళ్లు నిండాయి

ఫోన్ బరువు :

ఈ ఫోన్ కి కొన్ని ప్రత్యేకతలు కూడా ఉన్నాయి. ఈ ఫోన్ బరువు దాదాపు 1.12 పౌండ్స్ ఉంటుంది. మెజ్యూరింగ్ 64/38 ఎం ఎం ఉంటుంది. 4.7 ఇంచ్ మోనోక్రోమ్ బ్యాక్ లిట్ డిస్ ప్లే కలిగి ఉంటుంది. స్కీన్ టచ్ తో పాటు ఆపరేటింగ్ కూడా స్టైలిష్ గా ఉంటుంది.

మేసేజింగ్ కాలింగ్ లాంటి సదుపాయాలు మాత్రమే:

యాప్స్ అప్పుడు ఏమి ఉన్నాయి అని అనుకుంటున్నారా.. అప్పట్లో ఇప్పుడున్న యాప్స్ అంతగా లేవు. క్యాలెండర్ అండ్ ఆర్గనైజర్ అలాగే మేసేజింగ్ కాలింగ్ లాంటి సదుపాయాలు మాత్రమే ఉండేవి. దీని ధర అప్పట్లో దాదాపు 899 డాలర్లు..ఈ ఫోన్లు దాదాపు 50 వేల వరకు అమ్ముడుపోయాయని తెలుస్తోంది.

బెల్‌సౌత్‌తో కలిసి ఐబీఎం తయారు చేసిన స్మార్ట్‌ఫోన్:

అమెరికాకు చెందిన సెల్యులార్ కంపెనీ బెల్‌సౌత్‌తో కలిసి ఐబీఎం తయారు చేసిన స్మార్ట్‌ఫోన్ ఇది. 'సిమన్' అని పేరు పెట్టారు. సిమన్ స్మార్ట్‌ఫోన్ 8 x 2.5 x1.5 అంగుళాలతో ఉండేది. G.I. Joe Walkie Talkie పోలినట్టు కనిపించేది. సిమన్ స్మార్ట్‌ఫోన్‌ను 1992 నవంబర్‌లో ఆవిష్కరించారు. 1994 ఆగస్ట్ 16న రిలీజ్ చేశారు,

911 ఎమర్జెన్సీ కాల్ బటన్:

పర్సనల్ కమ్యూనికేటర్‌గా ఉండాలనే ఉద్దేశంతో సిమన్‌ను సెల్యులార్‌ ఫోన్‌గా రూపొందించారు. కంప్యూటర్‌గా పనిచేయడం అనేది రెండో ప్రియార్టీగా ఉండేది.సాధారణంగా సెల్‌ఫోన్‌లో ఉండే ఫీచర్లన్నీ ఇందులో ఉన్నాయి. 911 ఎమర్జెన్సీ కాల్ బటన్, చివరగా డయల్ చేసిన 10 నెంబర్లు, అడ్రస్ బుక్, ఆటో డయల్ లాంటి ఫీచర్లున్నాయి.