హోలీ సంబరాలకి సురక్షితమైన వాటర్‌ఫ్రూఫింగ్ స్మార్ట్‌ఫోన్‌లు ఇవే..

స్మార్ట్‌ఫోన్‌లు అన్ని ఒకే స్థాయిలో 'వాటర్‌ఫ్రూఫింగ్'ను అందించవు. చాలా ఫోన్లు స్ప్లాషెస్ మరియు స్ప్రేలను తట్టుకోగలవు మరికొన్ని బకెట్ నీటిలో ప్రమాదవశాత్తు మునిగిపోవడాన్ని కూడా తట్టుకోగలవు. వాటర్‌ఫ్రూఫింగ్ కోసం IP రేటింగ్‌లతో వచ్చే అనేక స్మార్ట్‌ఫోన్‌లు ఉన్నాయి. ఈ అంతర్జాతీయ రేటింగ్ ఒక ఫోన్ నీటికి ఎంత నిరోధకతను కలిగిస్తుందో మరియు ధూళి, దుమ్ము మరియు ఇసుక వంటి వాటిని నిర్ణయిస్తుంది. అధిక రేటింగ్ కలిగి ఉండడంతో వాటర్‌ఫ్రూఫింగ్ తో పాటుగా దుమ్ము/ ధూళిని కూడా నిరోదిస్తూ ఫోన్ ను మెరుగ్గా చేస్తుంది. అంటే ఫోన్ లు IP68 మరియు IP65 లేదా అంతకంటే తక్కువ-రేటెడ్ డివైస్లు మంచి రక్షణను అందిస్తుంది. అధికారిక IP రేటింగ్‌తో వచ్చే ఫోన్‌ల జాబితాలో మీ స్మార్ట్‌ఫోన్ హోలీకి సేఫ్ గా ఉందో తెలుసుకోవడానికి ముందుకు చదవండి.

శామ్సంగ్ గెలాక్సీ ఫోన్ల వాటర్‌ఫ్రూఫింగ్ IP రేటింగ్

రూ .26,499 ప్రారంభ ధర వద్ద ఇటీవల ప్రారంభించిన శామ్‌సంగ్ ఫోన్ గెలాక్సీ A52, A72 IP67 రేటింగ్‌తో నీటి నిరోధకతను కలిగిఉంది. ఇది ఆండ్రాయిడ్ 11 ఆపరేటింగ్ సిస్టమ్‌ మరియు ఆక్టా-కోర్ క్వాల్కమ్ స్నాప్‌డ్రాగన్ 720 G ప్రాసెసర్‌తో రన్ అవుతుంది. అలాగే శామ్‌సంగ్ గెలాక్సీ S21, శామ్‌సంగ్ గెలాక్సీ S21 +, శామ్‌సంగ్ గెలాక్సీ S21 అల్ట్రా ఫోన్ లు IP68 వాటర్ రెసిస్టెంట్ రేటింగ్ తో రూ.69,999 ధర నుండి లభిస్తాయి. శామ్సంగ్ గెలాక్సీ నోట్ 20 సిరీస్ కూడా IP68 వాటర్ రెసిస్టెంట్ రేటింగ్ తో రూ.79,999 ధర నుండి లభిస్తాయి.

​OnePlus బ్రాండ్ ఫోన్ల వాటర్‌ఫ్రూఫింగ్ IP రేటింగ్

వన్‌ప్లస్ యొక్క అత్యంత శక్తివంతమైన ఫోన్ వన్‌ప్లస్ 8 ప్రో - IP68 వాటర్‌ఫ్రూఫింగ్ రేటింగ్‌తో వస్తుంది. ఇది సంస్థ యొక్క అధికారిక దుమ్ము మరియు నీటి-నిరోధక రేటింగ్‌తో వచ్చిన మొదటి ఫోన్. ఈ స్మార్ట్‌ఫోన్‌కు వార్ప్ ఛార్జ్ 30T ఫాస్ట్ ఛార్జింగ్ (5V / 6A), 30W వైర్‌లెస్ ఫాస్ట్ ఛార్జింగ్ మరియు వైర్‌లెస్ రివర్స్ ఛార్జింగ్ ఉన్న 4150mAh బ్యాటరీ బ్యాకప్ ఉంది. ఈ పరికరం క్వాల్కమ్ స్నాప్‌డ్రాగన్ 865 ప్రాసెసర్‌తో పనిచేస్తుంది. అలాగే వన్‌ప్లస్ సంస్థ కొత్తగా ప్రారంభించిన వన్‌ప్లస్ స్మార్ట్‌ఫోన్ వన్‌ప్లస్ 9 ప్రో IP68 వాటర్‌ఫ్రూఫింగ్ రేటింగ్‌తో వస్తుంది. ఇప్పటివరకు లాంచ్ చేసిన అత్యంత ఖరీదైన వన్‌ప్లస్ స్మార్ట్‌ఫోన్ ఇదే కావడం గమనార్హం. ఇది క్వాల్కమ్ స్నాప్‌డ్రాగన్ 888 ప్రాసెసర్‌లో రన్ అవుతూ 65W ర్యాప్ ఛార్జ్‌తో 4,500 mAh బ్యాటరీతో ప్యాక్ చేయబడి వస్తుంది. ఈ స్మార్ట్‌ఫోన్ మార్చి 31 నుంచి దేశంలో అమ్మకాలు జరపనుంది.

ఆపిల్ ఐఫోన్ స్మార్ట్‌ఫోన్ల వాటర్‌ఫ్రూఫింగ్ IP రేటింగ్

‘హోలీ సేఫ్' స్మార్ట్‌ఫోన్‌లలో ఆపిల్ ఫోన్లు మొదటి వరుసలో ఉంటాయి. వీటిలో ఆపిల్ ఐఫోన్ 11 సిరీస్ స్మార్ట్‌ఫోన్లు IP68 రేటింగ్‌తో వాటర్‌ఫ్రూఫింగ్ ను కలిగి ఉన్నాయి. ఈ సిరీస్‌లోని మూడు స్మార్ట్‌ఫోన్‌లు - ఐఫోన్ 11, ఐఫోన్ 11 ప్రో మరియు ఐఫోన్ 11 ప్రో మాక్స్ - IP68 రేటింగ్‌తో దుమ్ము, ధూళి మరియు నీటి నిరోధకతను కలిగి ఉంటాయి. అంటే ఐఫోన్ 11 సిరీస్ ఫోన్లు నీటిలో 2 మీటర్ వరకు మునిగిపోయి కూడా 30 నిమిషాలు తట్టుకోగలవు. ఐఫోన్ 11 సిరీస్ మాదిరిగా ఐఫోన్ 12, ఐఫోన్ 12 ప్రో మరియు ఐఫోన్ 12 ప్రో మాక్స్ కూడా వాటర్‌ఫ్రూఫింగ్ కోసం IP68 రేటింగ్‌తో వస్తాయి. ఇవి కూడా 2 మీటర్ల వరకు నీటిలో మునిగిపోవడాన్ని 30 నిమిషాలు తట్టుకోగలవు. కాకపోతే వీటి ధరలు కొద్దిగా అధికంగా ఉంటాయి.

షియోమి రెడ్‌మి స్మార్ట్‌ఫోన్ల వాటర్‌ఫ్రూఫింగ్ IP రేటింగ్

షియోమి సంస్థ ఇటీవల ప్రారంభించిన రెడ్‌మి నోట్ 10 ఫోన్ వాటర్‌ఫ్రూఫింగ్ కోసం IP53 రేటింగ్‌తో వస్తుంది. అంటే ఇది స్ప్లాష్-రెసిస్టెంట్. ఈ స్మార్ట్‌ఫోన్ క్వాల్‌కామ్ స్నాప్‌డ్రాగన్ 678 ప్రాసెసర్‌తో పనిచేస్తుంది మరియు 33W ఫాస్ట్ ఛార్జింగ్ సపోర్ట్‌తో 5,000 mAh బ్యాటరీతో మద్దతు ఇస్తుంది. ఇది రూ. 12,000 లోపు లభించడం గమనార్హం. షియోమి యొక్క రెడ్‌మి నోట్ 10 ప్రో మరియు రెడ్‌మి నోట్ 10 ప్రో మాక్స్ మిడ్-రేంజ్ స్మార్ట్‌ఫోన్‌లు కూడా IP53 రేటింగ్‌తో వస్తాయి. ఈ రేటింగ్ స్మార్ట్‌ఫోన్‌లను స్ప్లాష్-రెసిస్టెంట్‌గా చేస్తుంది మరియు నీటి నిరోధకతను కలిగిస్తుంది. ఇది వాటర్ స్ప్రే నుండి బయటపడగలదు. ఈ రెండు స్మార్ట్‌ఫోన్‌లు ఆండ్రాయిడ్ 11 ఆపరేటింగ్ సిస్టమ్‌ మరియు కంపెనీ సొంత MIUI 12 తో రన్ అవుతాయి. ఇవి క్వాల్కమ్ స్నాప్‌డ్రాగన్ 732 G ప్రాసెసర్‌తో పనిచేస్తాయి.