నవంబర్ 11న రెడి‌మి నోట్ 5, ఫీచర్స్ ఇవే..?

బీజిల్-లెస్ డిజైన్..?

రెడి‌మి నోట్ 5 స్మార్ట్‌ఫోన్ బీజిల్-లెస్ డిజైన్‌తో వచ్చే అవకాశముందని పలువురు రెండర్స్ పాయింట్ అవుట్ చేస్తున్నారు. 18:9 కారక నిష్పత్తితో కూడిన 5.99 అంగుళాల ఫుల్ హైడెఫినిషన్ ప్లస్ డిస్‌ప్లే (రిసల్యూషన్ 2160 x 1440 పిక్సల్స్)ను, ఈ ఫోన్ క్యారీ చేసే అవకాశముందని తెలుస్తోంది.

ఇటీవల విడుదలైన ఎంఐ మిక్స్ 2 తరహాలోనే రెడి‌మి నోట్ 5 కూడా గుండ్రటి కార్నర్స్‌తో పాటు స్లిమ్ బీజిల్స్‌తో కనిపించే అవకాశం ఉంది.

రెండు వేరియంట్‌లలో ఫోన్ లభ్యం..?

టీనా లిస్టింగ్స్ ప్రకారం రెడి‌మి నోట్ 5 స్మార్ట్‌ఫోన్ రెండు వేరియంట్‌లలో లాంచ్ అయ్యే అవకాశం ఉంది. అందులో మొదటి వేరియంట్ 3జీబి ర్యామ్, 32జీబి ఇంటర్నల్ స్టోరేజ్‌తోనూ, రెండవ వేరియంట్ వచ్చేసరికి 4జీబి ర్యామ్, 64జీబి ఇంటర్నల్ స్టోరేజ్‌తోనూ లభ్యమయ్యే అవకాశం ఉంది. ఈ రెండు వేరియంట్స్ క్వాల్కమ్ 630 SoC పై రన్ అవుతాయట!

శక్తివంతమైన బ్యాటరీతో..?

రెడ్‌మి నోట్ లైనప్ నుంచి షావోమీ లాంచ్ చేసే ప్రతి మోడల్‌లో బ్యాటరీ బ్యాకప్ హైలైట్‌గా నిలుస్తూ వచ్చింది.

దీంతో రెడి‌మి నోట్ 5 కూడా అదే ట్రెండ్‌ను రిపీట్ చేస్తుందని మార్కెట్ వర్గాలు అంచనా వేస్తున్నాయి. ఇంటర్నెట్‌లో సర్క్యలేట్ అవుతోన్న పలు రిపోర్ట్స్ ప్రకారం రెడి‌మి నోట్ 5 శక్తివంతమైన 4000mAh బ్యాటరీతో రాబోతోంది.

నవంబర్ 11న చైనా మార్కెట్లో లాంచ్ అయ్యే అవకాశం..?

ఇంటర్నెట్‌లో హల్‌చల్ చేస్తున్న మల్టిపుల్ రిపోర్ట్స్ ప్రకారం రెడి‌మి నోట్ 5 స్మార్ట్‌ఫోన్ నవంబర్ 11న చైనా మార్కెట్లో లాంచ్ కాబోతోంది. అదే రోజున ఆ దేశంలో సింగిల్స్ డేను జరుపుకోనున్నారు.

ధర వివరాలు కూడా లీక్ అయ్యాయి..?

రెడి‌మి నోట్ 5 స్మార్ట్‌ఫోన్ బేస్ వేరియంట్ ధర చైనా మార్కెట్లో 999 yuan (మన కరెన్సీలో రూ. 10,000)ల వరకు ఉండొచ్చని తెలుస్తోంది. ఇదే సమయంలో టాప్ వేరియంట్ ధర 1299 yuan (మన కరెన్సీలో రూ.13,000)ల వరకు ఉండొచ్చని తెలుస్తోంది.