అక్కడ సెల్పీ దిగితే మీకు మరణ శిక్ష, ఇందులో నిజమెంత ?

మానాలకు కూడా ముప్పు

టేకాఫ్ అయ్యే సమయంలో సెల్ఫీలు దిగడం పర్యాటకులకు ప్రమాదకరమే కాకుండా, విమానాలకు కూడా ముప్పు కలిగించవచ్చని అధికారులు భావిస్తున్నారు. ఈ నేపథ్యంలో పర్యాటకులు ఆ ప్రాంతానికి రాకుండా కఠిన శిక్షలు, జరిమానాలు విధించాలని నిర్ణయించుకున్నారు.

బీచ్‌ను సేఫ్టీ జోన్‌లోకి

ఈ మేరకు బీచ్‌ను సేఫ్టీ జోన్‌లోకి చేరుస్తామని అక్కడి అధికారులు ప్రకటించారు. ఈ నిబంధనలను అతిక్రమించే వారికి మరణ దండన లేదా జీవిత ఖైదు లేదా రూ.70 వేలు పైగా జరిమానాలు విధించేందుకు సిద్ధమవుతున్నారని సోషల్ మీడియాలో వార్తలు వస్తున్నాయి.

పుకార్లే

థాయ్‌లాండ్‌లోని ఫుకెట్ దీవిలో ఉన్న మైఖావో బీచ్‌లో సెల్ఫీలు దిగడాన్ని నిషేధించారని, అతిక్రమించి సెల్ఫీలు తీసుకుంటే మరణశిక్ష విధించాలని ప్రభుత్వం నిర్ణయించిందంటూ జరగుతున్న ప్రచారం పుకార్లేనని తేలింది. ఇదంతా తప్పుడు ప్రచారమేనని, ఇందులో నిజం లేదని తేలడంతో పర్యాటకులు ఊపిరి పీల్చుకున్నారు.

పైలట్లు అసౌకర్యానికి గురవుతున్నారని

పర్యాటకుల సెల్ఫీ సరదా కారణంగా పైలట్లు అసౌకర్యానికి గురవుతున్నారని, ఇకపై ఇక్కడ సెల్ఫీలు తీసుకోవడాన్ని నిషేధించామని, అతిక్రమిస్తే ఉరిశిక్ష తప్పదని ప్రభుత్వం హెచ్చరికలు జారీ చేసిందంటూ ఆంగ్లపత్రికల్లో కథనాలు ప్రచురించారు. దీంతో పర్యాటకులు బెంబేలెత్తిపోయారు.

సెల్ఫీలపై ఎటువంటి నిషేధం లేదని

ప్రభుత్వ నిర్ణయం సరికాదంటూ స్థానికులు కూడా ఆగ్రహం వ్యక్తం చేశారు. ఈ నిబంధన ప్రభావం పర్యాటకులపై పడుతుందని, క్రమంగా పర్యాటకుల రాక పడిపోయే అవకాశం ఉందని ఆందోళన వ్యక్తం చేశారు. ఈ వార్త కాస్తా వైరల్ అవడంతో స్పందించిన ప్రభుత్వం.. అది తప్పుడు వార్త అని, సెల్ఫీలపై ఎటువంటి నిషేధం లేదని తేల్చి చెప్పింది. దీంతో పర్యాటకులు, స్థానికులు ఊపిరి పీల్చుకున్నారు.