మొబైల్ యూజర్లకు శుభవార్త, స్పామ్ కాల్స్ వస్తే ఇకపై రూ. 76 లక్షల వరకు జరిమానా

మీరు తెలియని నంబర్లతో వచ్చే కాల్స్ అలాగే సందేశాలతో విసిగిపోతున్నారా, అయితే ఇలాంటి వాటిపై ట్రాయ్ భారీ చర్యలకు ఉపక్రమించింది.

| Published: Wednesday, May 30, 2018, 17:27 [IST]

మీరు తెలియని నంబర్లతో వచ్చే కాల్స్ అలాగే సందేశాలతో విసిగిపోతున్నారా, అయితే ఇలాంటి వాటిపై ట్రాయ్ భారీ చర్యలకు ఉపక్రమించింది. మొబైల్ వినియోగదారులకు టెలికం రెగ్యులేటర్ ట్రాయ్ గొప్ప ఊరటనిస్తూ సంచలన నిర్ణయం తీసుకుంది. డు-నాట్-డిస్టర్బ్ జాబితాలో నెంబర్ ఉన్నప్పటికీ ఈ కాల్స్, మెసేజ్‌లు వస్తున్న నేపథ్యంలో ట్రాయ్ నూతన నిబంధనలను ప్రతిపాదించింది. ఈ బ్లాక్‌చైన్ ఆధారిత మార్గదర్శకాల ప్రకారం నిబంధనల ఉల్లంఘనకు పాల్పడిన కమ్యూనికేషన్ సంస్థలకు గరిష్ఠంగా నెలకు రూ.76 లక్షల వరకు జరిమానా పడనున్నది.

తద్వారా కస్టమర్ల డేటాకూ భద్రత లభిస్తుందని ట్రాయ్ చెబుతున్నది. ఈ తరహా నియంత్రణ వ్యవస్థను ప్రపంచంలోనే తొలిసారిగా అమల్లోకి తెస్తున్నది ట్రాయేనని దాని చైర్మన్ ఆర్‌ఎస్ శర్మ విలేఖరులకు తెలిపారు. కాగా, ఈ టెలికం కమర్షియల్ కమ్యూనికేషన్స్ కస్టమర్ ప్రిఫరెన్స్ రెగ్యులేషన్స్ 2018 డ్రాఫ్ట్‌పై జూన్ 11 వరకు ప్రజాభిప్రాయాన్ని తీసుకుంటామని ట్రాయ్ చెప్పింది.

ఆకట్టుకునే ఫీచర్లతో Alcatel 3V, బడ్జెట్ ధరకే సొంతం చేసుకోండి ఆకట్టుకునే ఫీచర్లతో Alcatel 3V, బడ్జెట్ ధరకే సొంతం చేసుకోండి

స్పామ్ కాల్స్‌ విసిగిస్తున్నాయా, Do Not Disturbతో తరిమేయండి

స్పామ్ కాల్స్ తో సతమతమయ్యే వారు ఈ కింది సింపుల్ ట్రిక్స్ పాటించడం ద్వారా మీరు వాటిని తరిమేయవచ్చు.వివిధ రకాల కంపెనీల నుంచి వచ్చే స్పామ్ కాల్స్ ని కోడ్ ఎంటర్ చేయడం ద్వారా వాటిని బ్లాక్ చేయవచ్చు.ఈ సర్వీసు Aircel, Airtel, BSNL, Tata DoCoMo, Idea Cellular, Loop Mobile, MTNL, Reliance Communications, MTS India, Tata Indicom, Uninor, Vodafone, Jio లాంటి అన్ని నెట్‌వర్క్‌లకు పనిచేస్తుంది.

ట్రిక్ 1

1. మీరు మీ మొబైల్ నుండి 1909కి కాల్ చేయడం ద్వారా కాని లేక START 0 అని టైప్ చేసి 1909కి మెసేజ్ చేయడం ద్వారా కాని వీటిని బ్లాక్ చేయవచ్చు.
2. మీరు మీ మొబైల్ నుండి START 1 అని టైప్ చేసి 1909కి ఎసెమ్మెస్ చేస్తే Insurance - Financial Products - Credit Cards లాంటి స్పామ్ కాల్స్ మీకు రాకుండా బ్లాక్ చేస్తారు.
3. మీరు మీ మొబైల్ నుండి START 2 అని టైప్ చేసి 1909కి ఎసెమ్మెస్ చేస్తే Real Estate నుంచి ఎటువంటి స్పామ్ కాల్స్ మీకు రాకుండా బ్లాక్ చేస్తారు.

ట్రిక్ 2

4. మీరు మీ మొబైల్ నుండి START 3 అని టైప్ చేసి 1909కి ఎసెమ్మెస్ చేస్తే Education నుంచి ఎటువంటి స్పామ్ కాల్స్ మీకు రాకుండా బ్లాక్ చేస్తారు.
5. మీరు మీ మొబైల్ నుండి START 4 అని టైప్ చేసి 1909కి ఎసెమ్మెస్ చేస్తే Health నుంచి ఎటువంటి స్పామ్ కాల్స్ మీకు రాకుండా బ్లాక్ చేస్తారు.

ట్రిక్ 3

6. మీరు మీ మొబైల్ నుండి START 5 అని టైప్ చేసి 1909కి ఎసెమ్మెస్ చేస్తే Consumer Goods & Automobiles నుంచి ఎటువంటి స్పామ్ కాల్స్ మీకు రాకుండా బ్లాక్ చేస్తారు.
7. మీరు మీ మొబైల్ నుండి START 6 అని టైప్ చేసి 1909కి ఎసెమ్మెస్ చేస్తే Communication - Broadcasting - Entertainment - ITల నుంచి ఎటువంటి స్పామ్ కాల్స్ మీకు రాకుండా బ్లాక్ చేస్తారు.
8. మీరు మీ మొబైల్ నుండి START 7 అని టైప్ చేసి 1909కి ఎసెమ్మెస్ చేస్తే Tourism నుంచి ఎటువంటి స్పామ్ కాల్స్ మీకు రాకుండా బ్లాక్ చేస్తారు.

వీటిని యాక్టివేట్ చేసుకోవాలంటే..

మీరు మళ్లీ వీటిని యాక్టివేట్ చేసుకోవాలంటే మీరు సేమ్ నెంబర్ కి STOPఅని టైప్ చేసి ఎసెమ్మెస్ ద్వారా పంపిస్తే వాళ్లు వాటిని మళ్లీ యాక్టివేట్ చేస్తారు.లేదంటే అదే నంబర్ కి కాల్ చేసి మీరు బ్లాక్ చేసిన వాటిని తిరిగి పొందవచ్చు.

కొన్నింటిని బ్లాక్ చేయడం కుదరదు

అయితే కొన్నింటిని బ్లాక్ చేయడం కుదరదు. bank SMS alerts, bank communications, online bookings, third party personal callingలాంటి వాటిని మీరు బ్లాక్ చేయించుకోలేరు.

దాదాపు 7 రోజులు సమయం ..

అయితే ఈ ప్రాసెస్ కి దాదాపు 7 రోజులు సమయం తీసుకుంటుంది. కాగా మీరు సర్వీసు రిక్వెస్ట్ కోసం ఓ సారి అప్లయి చేస్తే మళ్లీ మూడు నెలల తరువాతనే అప్లయి చేసుకోవాల్సి ఉంటుంది. ఇది మొత్తంగా ఉచితంగా జరుగుతుంది. దీని కోసం మీనుంచి ఎటువంటి ఛార్జీలు తీసుకోబడవు.