ఈ చెట్టు రోజూ ట్విట్టర్లో ట్వీట్ చేస్తోంది,దేనిగురించో తెలుసా ?

వారానికి ఆరుసార్లు టీట్లు

ఆమెరికా హార్వార్డ్ యూనివర్శిటీలోని అడవిలో ఈ ప్రత్యేకమైన ఓక్ చెట్టు ఉంది. అది తన ఆరోగ్య పరిస్థితిని వివరిస్తూ వారానికి ఆరుసార్లు టీట్లు చేస్తుంది. మనుషులకు ఎలాగైతే అనారోగ్య సమస్యలు వస్తున్నాయో ఆ చెట్టుకి కూడా అలాంటి సమస్యలు చాలా ఉన్నాయట. ప్రధానంగా వాతావరణం ఎలా ఉంది, భూమిలో నీరు లభిస్తోందా, గాలి బాగా వీస్తోందా ఇలాంటి విషయాలపై అది టీట్లు చేస్తోంది.

కాండం, వేర్లు, కొమ్మలకు సెన్సార్లు

చెట్టు ట్వీట్ చెయ్యడమేంటన్న ప్రశ్నకు కూడా సమాధానం ఉంది.టిమ్ రాడెమ్షర్ అనే రీసెర్చ్ స్టూడెంట్.. ఈ చెట్టు కాండం, వేర్లు, కొమ్మలకు సెన్సార్లు సెట్ చేశాడు. వాటిని సైన్స్‌లో డెండ్రోమీటర్లు అంటున్నారు. వాటిని ఓ కంప్యూటర్‌కి లింక్ చేశారు.

 

కంప్యూటర్తో అనుసంధానం

చెట్టు కాండం ద్వారా ప్రవహించే ద్రవం ఎంత ఉందో, నేలల్లో వేర్లకు ఏ స్థాయిలో నీరు అందుతుందో, వాతావరణం, ఉష్ణోగ్రత ఎలా ఉందో, ఆ సెన్సార్లు గమనిస్తూ ఉంటాయి. ఆ వివరాల్ని కంప్యూటర్‌కి పంపిస్తాయి. వాటి ఆధారంగా ఆ కంప్యూటర్ ఆటోమేటిక్ ట్వీట్లను వేస్తోంది. దీని ట్వీట్లను చూడాలనుకున్నవారు https://twitter.com/awitnesstree/with_replies ఈ లింక్ మీద క్లిక్ చేసి చూడవచ్చు.

ట్వీట్ల సారాశం ఇదే

ఈ చెట్టు నుంచి జులై 17న తొలి ట్వీట్ నమోదైంది. కాగా ఇంటర్నెట్‌లో అతి పురాతన జీవిని నేనే అని ఈ చెట్టు తన ప్రొఫైల్ లో రాసుకుంది. 2 రోజుల నుంచీ ఎండ దంచేస్తోందని ఓ ట్వీట్.. ఈ వేడి గాలులు ఎప్పుడు తగ్గుతాయో అని జులై 21న మరో ట్వీట్ ట్వీటింది. చూడండి నా కాండం, కొమ్మలు వేగంగా పెరుగుతున్నాయని జులై 22న మరో ట్వీట్ పెట్టింది. జులై నెల సాధారణం కంటే ఎక్కువ వేడిగా ఉందని ఆగస్ట్ 1న ఇంకో ట్వీట్ వేసింది.