Twitter లో 'ఎడిట్' బటన్ ఫీచర్‌ అందుబాటులోకి రానున్నది...

ఎడిట్ బటన్‌ను నిర్ధారించిన ట్విట్టర్

ట్విట్టర్ సోషల్ మీడియా సంస్థ గత సంవత్సరం నుండి సురక్షితమైన పద్ధతిలో ఎడిట్ ఫీచర్‌పై పని చేస్తున్నట్లు ప్రకటించింది. రాబోయే నెలల్లో ట్విట్టర్ బ్లూ ల్యాబ్‌లతో పరీక్షించడం ప్రారంభించాలని ప్లాన్ చేస్తున్నామని ట్విట్టర్ కన్స్యూమర్ ప్రొడక్ట్ హెడ్ జే సుల్లివన్ తెలిపారు. అయితే ఈ ఫీచర్‌ను వినియోగదారుల కోసం విడుదల చేయడానికి ముందు ట్విట్టర్ పరిగణనలోకి తీసుకునే ఇన్‌పుట్ అంశాలు అనేకం ఉన్నాయి.

సమయ పరిమితులు మరియు నియంత్రణలు లేకుండానే పబ్లిక్ సంభాషణల రికార్డులను మార్చడానికి వినియోగదారులు 'ఎడిట్' ఫీచర్‌ను దుర్వినియోగం చేసే అవకాశం ఉంది అని సుల్లివన్ తెలిపారు. అందువల్ల ఎడిట్ ఫీచర్ ప్లాట్‌ఫారమ్‌కి రావడానికి మరింత కొంత సమయం పట్టవచ్చు కానీ ఖచ్చితంగా అందుబాటులోకి వస్తుంది అని సూచిస్తున్నారు. ప్రపంచవ్యాప్తంగా ప్రముఖ వ్యాపారవేత్త అయిన ఎలోన్ మస్క్ ట్విట్టర్‌లో 9.2% వాటాను కొనుగోలు చేసి కంపెనీలో అతిపెద్ద వాటాదారుగా మారారు. ట్విట్టర్ యాప్‌లో ఎడిట్ బటన్ కావాలనుకుంటున్నారా అని మస్క్ ఒక పోల్ నిర్వహించగా దానికి ప్రతిస్పందన ఎక్కువ మంది వినియోగదారులు ఎడిట్ బటన్‌ను కావాలని కోరుకుంటున్నారు.

ఎడిట్ బటన్ వాస్తవానికి కొన్ని సంవత్సరాల క్రితం అప్లికేషన్‌లోకి అందుబాటులోకి రావలసిన ఫీచర్. కంపెనీకి దాని గురించి అధిక మొత్తంలో ఆందోళనలు ఉన్న కారణంగా ఇప్పటికి అందుబాటులోకి తీసుకొని రాలేదు. ట్విట్టర్ ఎడిట్ చేసిన ట్వీట్‌ని వినియోగదారులకు చూపుతుంది అలాగే ఎడిట్‌కు ముందు ఒరిజినల్ ట్వీట్‌ని చూసేందుకు వారికి ఒక ఎంపికను అందిస్తుంది. తద్వారా పబ్లిక్ రికార్డ్‌లు పూర్తి పారదర్శకతతో నిర్వహించబడతాయి మరియు ప్లాట్‌ఫారమ్‌లోని డేటా మరియు సంభాషణలను ఏ వినియోగదారుడు మార్చలేరు.