హ్యాకింగ్‌కు గురైన ట్విట్టర్!

Posted By:
    X

    గత వారం రోజులుగా వివిధ మీడియా కంపెనీల పై హ్యాకింగ్ దాడులు ఉధృతమవుతున్న నేపధ్యంలో తమసైట్ హ్యాకింగ్‌కు గురైనట్లు ట్విట్టర్ శుక్రవారం ఓ బ్లాగ్‌లో ప్రకటించింది. "మా వినియోగదారులను సురక్షితంగా ఉంచుకోవడానికి" అనే శీర్షికతో ప్రచురితమైన ఈ బ్లాగ్ పోస్ట్ వెబ్ ప్రపంచంలో కలకలం రేపుతోంది. ఈ దాడుల ప్రభావం 2,50,000 అకౌంట్ల పై చూపినట్లు ట్విట్టర్ సమాచార భద్రతా విభాగపు సంచాలకులు బాబ్ లార్డ్ పేర్కొన్నారు. ఈ దాడులను ఆదిలోనే పసిగట్టగలిగామని తెలిపారు. హ్యాకింగ్‌కు గురైన సదరు ట్విట్టర్ అకౌంట్‌ల పాస్‌వర్డ్‌లను రీసెట్ చేసి సదరు హోల్డర్లకు ఈ-మెయిల్ ద్వారా సమాచారాన్ని అందించినట్లు లార్డ్ పేర్కొన్నారు. తమ సెక్యూరిటీ వ్యవస్థని మరింత బలోపేతం చేసే దిశగా ప్రణాళికలు సిద్ధం చేస్తున్నట్లు బాబ్ లార్డ్ ఈ సందర్భంగా తెలిపారు.

    మీ పాస్‌వర్డ్‌లు భద్రంగా ఉన్నాయా..?

    ప్రపంచవ్యాప్తంగా సైబర్ నేరగాళ్ల ఆగడాల తలబొప్పి కట్టిస్తున్నాయి. ఇటీవల హ్యాకింగ్‌కు గురైన 6 మిలియన్‌లు లింకిడిన్ అకౌంట్ల ఉదంతాన్ని మరవక ముందే సైబర్ క్రిమినల్స్ బృందం 450,000 యాహూ అకౌంట్‌లను హ్యాక్ చేసింది. ఆన్‌లైన్ ద్వారా అలజడి సృష్టిస్తున్న ఈ సైబర్ క్రిమినల్స్ రేపు మీ ఆకౌంట్ల పైనా దాడికి పాల్పడే అవకాశముంది. ఈ విధమైన దాడుల నుంచి మీ ఆకౌంట్‌లను రక్షించుకోవల్సిన అవశ్యకత ఎంతైనా ఉంది. మీ పాస్‌వర్డ్‌లను భద్రంగా ఉంచుకునేందుకు పలు చిట్కాలు....

    హ్యాకింగ్‌కు గురైన ట్విట్టర్!

    - మీకున్న అన్ని అకౌంట్‌లకు ఒకే పాస్‌వర్డ్‌ను ఉపయోగించకుండా వేరు వేరు పాస్‌వర్డ్‌లను కేటాయించండి.

    - లావాదేవీలు ముగియగానే ఆకౌంట్‌ను సైన్ అవుట్ చెయ్యటం మరవద్దు.

    - యాంటీ వైరస్‌ను ఎప్పటికప్పుడు అప్‌డేట్ చేస్తుండండి.

    - లైబ్రరీ, ఇంటర్నెట్ కేఫ్ వంటి ప్రాంతాల్లో మీ అకౌంట్ లను ఓపెన్ చేయకండి, ఒక వేళ చెయ్యాల్సి వస్తే పనిముగియగానే సైన్ అవుట్ చెయ్యటం మరవద్దు, ఒకటికి రెండు సార్లు చెక్ చేసుకోండి.

    - మీ పాస్‌వర్డ్‌ను ఇతరులతో షేర్ చేసుకోవద్దు. గోప్యత పాటించండి.

    - భద్రతలేని వై-ఫై కనెక్షన్లను ఉపయోగించే సమయంలో పాస్‌వర్డ్‌ను ఎంటర్ చేయకండి.

    - పాస్‌వర్డ్‌లను సంవత్సరానికి ఒకసారైనా మార్చటం అవసరం.

    Opinion Poll

    ఇన్స్టెంట్ న్యూస్ అప్డేట్స్ రోజుంతా పొందండి - Telugu Gizbot

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more