ట్విట్టర్ కొత్త టూల్.. ‘పాత ట్వీట్‌లను డౌన్‌లోడ్ చేసుకోవచ్చు’

ట్విట్టర్ యూజర్లకు శుభవార్త.. గత సంవత్సరం మీరు చేసిన ట్వీట్‌లను తిరిగి చూడాలని ఉందా..?, మీ కోసం ఓ కొత్త టూల్‌ను ట్విట్టర్ అందుబాటులోకి తెచ్చింది. వివరాల్లోకి వెళితే... ప్రముఖ సామాజిక సంబంధాల వెబ్‌సైట్  ట్విట్టర్  ‘ఆర్చివ్ టూల్’ పేరుతో సరికొత్త అప్లికేషన్‌ను ప్రకటించింది. ఈ  అప్లికేషన్  సాయంతో  యూజర్ తన పాత్ ట్వీట్‌లను డౌన్‌లోడ్ చేసుకోవచ్చు. అలా డౌన్‌లోడ్ చేసుకున్న పాత ట్వీట్‌లు ఓ స్ప్రెడ్ షీట్‌లో నిక్షిప్తం కాబడి ఉంటాయి. కావల్సిన ట్వీట్‌లను నెలలు వారీగా లేదా పదాల వారీగా సెర్చ్ చేసుకునేందుకు వీలుంటుంది.

‘ఆర్చివ్ టూల్’ను పొందటం ఏలా..?

ముందుగా యూజర్ తన ట్విట్టర్ ఆకౌంట్‌లోని సెట్టింగ్స్ మెనూలోకి ప్రవేశించి  ట్విట్టర్ ఆర్చివ్ ఆప్షన్‌ను ఎంచుకోవాల్సి ఉంటుంది. తరువాతి చర్యగా ఆ ఆప్షన్ పై క్లిక్ చేసినట్లయితే సంబంధిత వివరాలతో కూడిన ఓ ఈ-మెయిల్ అందుతుంది. ప్రస్తుతానికి ఈ అప్లికేషన్ ఇంగ్లీష్ భాషను ఎంచుకున్న యూజర్లకు మాత్రమే సపోర్ట్ చేస్తుంది. త్వరలో మరిన్సి భాషలను ఈ టూల్ సపోర్ట్ చేయనుంది.