ఉబర్ హెలికాప్టర్ సర్వీసులు, ఛార్జీ ఎంతో తెలుసా ?

ఉబెర్ డైమండ్, ప్లాటినం కస్టమర్లకు మాత్రమే

ముందుగా... ఈ సర్వీసులను అమెరికా... న్యూయార్క్‌లోని మాన్‌హట్టన్ ఫైనాన్షియల్ డిస్ట్రిక్ నుంచీ జాన్ ఎఫ్.కెనడి ఎయిర్‌పోర్ట్ వరకూ అందిస్తున్నట్లు సంస్థ తెలిపింది. ఇప్పటికిప్పుడు ఈ సేవలు ఉబెర్ డైమండ్, ప్లాటినం కస్టమర్లకు మాత్రమే అందుబాటులో ఉన్నాయి. త్వరలోనే అందరికీ అందుబాటులోకి తెస్తామని సంస్థ ప్రతినిధులు తెలిపారు

ప్రతి 8 నిమిషాలకు రూ.15 వేలు

ఈ సేవలకు వసూలు చేసే ధరలు వింటే మాత్రం కళ్లు బైర్లుకమ్మాల్సిందే. ఉబెర్ మాత్రం ప్రస్తుతం ప్రైవేట్ జెట్స్‌కి చెల్లిస్తున్న రెంట్ల కంటే ఇది చాలా తక్కువే అవుతుందని చెబుతోంది.కంపెనీ ఈ సేవల కోసం ఆ కంపెనీ ప్రతి 8 నిమిషాలకు రూ.15 వేలు చొప్పున వసూలు చేయనుంది. త్వరలోనే ఈ సేవలను భారత్‌లో కూడా అందుబాటులోకి తీసుకునిరానున్నట్టు చెప్పారు.ప్రస్తుతం ఉబెర్ కంపెనీ దేశంలోని అనేక రాష్ట్రాల్లో రోడ్డు మార్గంలో సేవలు అందిస్తోంది.

ఒక హెలికాప్టర్ లో ఐదుగురు ప్రయాణికులు

ఈ సేవల కోసం న్యూజెర్సీకి చెందిన హెలీఫ్లైట్ అనే సంస్థతో ఉబెరి యాజమాన్యం ఓ ఒప్పందాన్ని కుదుర్చుకుంది. రోజుకు కేవలం 8 నుంచి 10 సర్వీసులను మాత్రమే నడుపనుంది. మాన్ హట్టన్ నుంచి కెన్నడీ ఎయిర్ పోర్టుకు ఈ హెలికాప్టర్ ద్వారా వెళ్తే పట్టే సమయం 8 నిమిషాలు. ఆ 8 నిమిషాల సమయానికే 15 వేల దాకా చార్జ్ చేస్తున్నారు. ఒక హెలికాప్టర్ లో ఐదుగురు ప్రయాణికులు వెళ్లొచ్చు.

సర్వీసులకు ఉన్న డిమాండ్ ను చూసి

కొన్ని రోజులు ఈ సర్వీసులకు ఉన్న డిమాండ్ ను చూసి.. తర్వాత యూఎస్ మొత్తం హెలికాప్టర్ టాక్సీలను విస్తరించాలని ఉబెర్ భావిస్తోంది. అలాగే.. ఇతర దేశాల్లోనూ ఈ టాక్సీలను త్వరలో అందుబాటులోకి రానున్నాయి. ఇండియాలో కూడా ఎయిర్ టాక్సీలు వస్తాయా? అంటే ఉబెర్ నుంచి ఎటువంటి ప్రకటన లేదు కానీ.. భారత్ లో కూడా ఉబెర్ టాక్సీలు ఉన్నాయి కాబట్టి... ఎయిర్ టాక్సీలను కూడా తీసుకువచ్చే అవకాశం ఉంది.