ఫేస్‌బుక్ అన్‌ఫ్రెండ్ అలర్ట్‌తో జాగ్రత్త!

మీ ఫేస్‌బుక్ అకౌంట్‌లో మీ ఫ్రెండ్ ఎవరో మిమ్మల్ని అన్‌ఫ్రెండ్ చేసినట్లు నోటిఫికేషన్ వచ్చిందా..? అయితే ఆ నోటిఫికేషన్‌ను ముట్టుకోకండి. మాల్వేర్ బైట్స్ నివేదికలు బహిర్గతం చేసిన వివరాల మేరకు ప్రమాదకర వైరస్‌తో కూడిన అన్‌ఫ్రెండ్ అలర్డ్ యాప్ ఫేస్‌బుక్‌లో హల్ చల్ చేస్తుంది. చాలా తెలివిగా వ్యవహరించే ఈ యాప్ మిమ్మల్ని బురిడీ కొట్టించటంలో దిట్ట.

(చదవండి: ప్రపంచపు మొట్టమొదటి బైక్ ఎస్కలేటర్)

ఈ యాప్ ముందుగా మిమ్మల్ని ఎవరో అన్‌ఫ్రెండ్ చేసినట్లు ఓ నోటిఫికేషన్‌ను మీకు పంపిస్తుంది. ఏమరపాటుగా మీరు ఆ నోటిఫికేషన్‌ను క్లిక్ చేసినట్లయితే మీ మెయిల్ ఐడీ పాస్‌వర్డ్‌లను అడుగుతుంది.

అవి ఎంటర్ చేసినట్లయితే మీ ఫేస్‌బుక్ అకౌంట్‌తో పాటు మెయిల్‌లో ఉండే వ్యక్తిగత వివరాలను హ్యాక్ చేసేందుకు ఆస్కారం ఉంటుంది. కాబట్టి, ఈ మాల్వేర్ యాప్‌తో ఫేస్‌బుక్ యూజర్లు చాలా జాగ్రత్తగా ఉండటం మంచిది. ఒకవేళ ఇలాంటి అనుభవమే గనుక మీకు ఎదురై ఉంటే వెంటనే మెయిల్ పాస్‌వర్డ్‌లను మార్చేయండి.