కొత్త ఆండ్రాయిడ్ OS అప్‌డేట్‌లతో వివో X-సిరీస్ ఫోన్‌లు...

|

ప్రముఖ వివో స్మార్ట్‌ఫోన్ తయారీ సంస్థ హెచ్‌ఎండి గ్లోబల్ మరియు శామ్‌సంగ్ అడుగుజాడలను అనుసరిస్తూ తన బ్రాండ్ యొక్క కొన్ని స్మార్ట్‌ఫోన్‌ల కోసం మూడేళ్ల సుదీర్ఘ కాలానికి చెల్లుబాటు అయ్యే ఆండ్రాయిడ్ ఓఎస్ అప్‌డేట్‌లను అందిస్తున్నట్లు ప్రకటించింది. ఈ చైనా కంపెనీ అప్‌డేట్‌లను అందించే మోడళ్ల పేర్లను వెల్లడించనప్పటికీ సంస్థ యొక్క ప్రధాన X- సిరీస్ మోడళ్లు మాత్రం మూడు సంవత్సరాల OS అప్‌డేట్‌లకు అర్హత పొందుతాయని పేర్కొంది. ఈ కొత్త విధానం ఆస్ట్రేలియా, యూరోపియన్ మరియు భారతీయ మార్కెట్లను కవర్ చేస్తుంది అని కంపెనీ ఒక పత్రికా ప్రకటనలో తెలిపింది. దీని గురించి మరిన్ని వివరాలు తెలుసుకోవడానికి ముందుకు చదవండి.

 

OS అప్‌డేట్‌లు

మూడు సంవత్సరాల ప్రధాన OS అప్‌డేట్‌లు మరియు భద్రతా అప్‌డేట్‌లతో సహా సాఫ్ట్‌వేర్ మద్దతును X- సిరీస్ పరికరాలకు అందిస్తున్నట్లు కంపెనీ పేర్కొంది. అయితే 2021 జూలై తరువాత ప్రారంభించిన పరికరాలకు ఇది వర్తిస్తుంది. ఈ సాఫ్ట్‌వేర్ మద్దతు యూరప్, ఆస్ట్రేలియా మరియు భారతదేశం మార్కెట్లకు మాత్రమే వర్తిస్తుంది. ఇతర మార్కెట్ల విషయానికొస్తే వారు సాధారణ ఆండ్రాయిడ్ భద్రతా అప్‌డేట్‌లను మాత్రమే పొందడం కొనసాగిస్తారని వివో పేర్కొంది. హెచ్‌ఎండి గ్లోబల్ సంస్థ నెల దాని నోకియా ఎక్స్ ఫోన్లకు మూడు సంవత్సరాల OS నవీకరణలను అందిస్తామని హామీ ఇచ్చింది. గత సంవత్సరం శామ్సంగ్ రోజంత కూడా తన పరికరాలకు మూడు "తరాల" ఆండ్రాయిడ్ ఓఎస్ అప్‌డేట్‌లను సీడ్ చేస్తామని ప్రకటించింది. అయితే ఈ దక్షిణ కొరియా సంస్థ తన మూడేళ్ల అప్‌డేట్‌ నిబద్ధత ప్రకారం అర్హత కలిగిన 40 పరికరాల జాబితాను కలిగి ఉంది.

వివో బ్రాండ్
 

వివో బ్రాండ్ యొక్క కొత్త అప్‌డేట్‌ చర్య అనేది సంస్థ ప్రకారం వినియోగదారులకు కొత్త ఉత్పత్తులను అందించే నిబద్ధతలో భాగంగా ఉంది అని సీనియర్ వైస్ ప్రెసిడెంట్ సిటిఓ యుజియాన్ షి తెలిపారు. అలాగే లైన్ హార్డ్‌వేర్‌లో అగ్రభాగాన ఎక్స్-సిరీస్ పరికరాలు నిలిచిపోయేలా నిర్మించారని కూడా పేర్కొన్నారు. ఇప్పుడు కస్టమర్లు వారి అంచనాలకు అనుగుణంగా సాఫ్ట్‌వేర్ మద్దతును పొందేలా కంపెనీ కోరుకుంటుంది. వినియోగదారులు ఒక ప్రధాన పరికరాన్ని ఎక్కువ కాలం ఆస్వాదించగలుగుతారని మరియు తాజా సాఫ్ట్‌వేర్ నుండి గొప్ప ప్రయోజనాలు పొందగలరని కూడా ఆయన వాగ్దానం చేసారు.

వివో ఓఎస్

వివో ఓఎస్ అప్‌డేట్‌లను అందుకుంటున్న తన కొత్త ఎక్స్-సిరీస్ ఫోన్‌ల గురించి వివరాలను ఇంకా వెల్లడించలేదు. ఏదేమైనా ఈ రూమర్ ఇటీవల విడుదలైన వివో X70 ప్రో + తో పాటుగా రాబోయే మోడళ్లలో ఉండవచ్చని సూచించింది. 4,500mAh బ్యాటరీ మరియు 66W ఫాస్ట్ ఛార్జింగ్ సపోర్ట్‌తో ఈ ఫోన్ ఆన్‌లైన్‌లో కనిపించింది. వివో Y52s t1 ను కంపెనీ విడుదల చేసిన తర్వాత ఈ ప్రకటన వచ్చింది. ఈ ఫోన్ 6.58-అంగుళాల LCD ప్యానల్‌, 90HZ రిఫ్రెష్ రేట్‌ వంటి ఫీచర్లను కలిగి ఉంది. ఈ పరికరం క్వాల్కమ్ స్నాప్‌డ్రాగన్ 480 SoC తో పాటు 8GB RAM మరియు 256 GB అంతర్గత నిల్వతో ఆధారపడుతుంది.

Most Read Articles
Best Mobiles in India

English summary
Vivo X-Series SmartPhones Brings 3 Years of Android OS Updates in India

ఉత్తమ ఫోన్లు

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X